Mapswi a Amosi, i ku mmweyo wa vadyisi va Tekowa, ati a nga ti wona madingano ni Israyeli, ka masiku a Uziya, mfumeli wa ka Judha, ni ka masiku a Jerobhowamu, mwana Jowasi, mfumeli wa ka Israyeli, malembe mambidi ku sinzi ku deka-deka mafu. Se Amosi a to khene:
MKOMA a na bhonga a di Siyoni,
se a di Jerusalema, a na pfalisa dipswi dakwe;
amu va zumbako kona vadyisi,
ku nava ni kudila,
kambe ku na oma tshokani ka mmango wa Karmeli.