Amavesi eBhayibheli adumile avela kokuthi Yohana 19

Dlulisela

UYeesu pina wáajesa idivaayi iyo, wálogola wáaja, “Insengo yangu yaasila!” Baheene wásungamya umutwe, wáafwa.

Ino, uYeesu wáamanya kiija wáamala kisenga insengo yaakwe yoona. Ino wálogola wáaja, “Niiwona nkhawu ya malenga.” Ndeeno, gakwilana gina gayandiikhwe mu Mayandikhwa aManofu.

UYeesu pina wámwaga umaayi waakwe, khanji nu mumanyisiwa yuna akhandi amugeene mandu ayiimile nkholeela nu maayi waakwe, wáaja, “Wee maayi wangu, loleela uyo yumwene mwanaakho.” Khanji wámujovela umumanyisiwa yula wáaja, “Loleela, uyo yu maayi waakho.” Lino kihuma uluhaavi lulula umumanyisiwa yula, wáwuukha nu maayi wa Yeesu, wáaluta kikhala nawo mu nanda yaakwe.

Leelo pina viiluta kwa Yeesu, vaawona afwile, ndeeno vasikhamudeenyile amagulu. Leelo umusulukhali yumonga wámuhoma uYeesu ni malala mu luvafu. Baheene yaahuma idanda na malenga.

Amaswi ago gasenjekhaga, baheene gakwilane gina gayandiikhwe mu Mayandikhwa aManofu kiija, “Kusiina ilifupa lyakwe lina likhadeenywa.” Khanji aMayandikhwa aManofu giija, “Vakhayinsa kimuloleela yuna vamuhomaga ni milala.”

Wásumula umusalaaba gwakwe, wáwuukha mu lijumbi, wáaluta uluvala luna lutambulwa kwa Shihebulaniya Goligota, uluganulo lwakwe, Lipangalasa lya Mutwe.

Avasulukhali vaatava injoola ya mimfwa, vamufwasa ku mutwe. Khanji vamufwasa inkhansu ya mwalaala, iya shitwa.