Amavesi eBhayibheli adumile avela kokuthi Pakaso 2

Dlulisela

ori inia ḅiede mị naa seni ori Ebraham ḅe na, Aịzịk ḅe na pịkị Jekọb ḅe na fị ọḅọkụ mị se ḅiekoromamẹ. Izrẹlapụma ini sọ omoni ḅara mị ọ̀ nwọ ọrịmẹ, se anị ò gboloma ḅara mị ọ̀ nwọ ḍiepakụmamẹ.

Tọn-a kụra ḅọrọ sịkị, Ijipt amanyanaḅọ ḅe ọ̀ fịmẹ, ọkụma Izrẹlapụma ini pa omoniapụ sọ kiri ḅụ sime ḅiede pịkị ḅarachụa gose owuwumẹ. Inia owu pụkọ mị iwomun Tamụnọ Ḅe lamẹ

Ọḅụkọ, tọkụ ḅe ò ḅo ogula sịkị, árị ò se mun amanyanaḅọ ada ma pịrịmẹ, á ḅo ori ọkị se ò se arịa tọkụ nwọ mịẹmẹ. Á nwọse á ḅụ ḅẹmẹ, “Mengi ḅie àrị ò binḅomẹ, anịẹrẹchị á nwọse ọ̀ chịnmẹ, Moziz.”

Amanyanaḅọ ada ma nwọse eremeniḅọ ma ḅẹmẹ, “Ḅe tọkụ ḅe ọkị se ọ̀ ḍẹkị ị̀ pịrị, à yese ị́ gbẹịnḅịa.” Anị á tọkụ ḅe ọkị somun ọ̀ ḍẹkịye-ẹ.

Amanyanaḅọ ada ma á Naịl tọrụ aka koro mengi ḅiri eḅomẹ, anịsịkị arịa fịrịnwẹngị apụma ḅụmọ mị ọgọnọ nwẹngịma ḅọrọ aḅẹ. Bẹkẹma ḅaraḅụ á kana mị ọrịmẹ nangwọ nangwọ osueinma ḅie, se árị arịa gbọrị omoni eremeni tọkụ nwọ fịrịmamẹ mun anị ọkịḅomẹ.

Moziz ḅe ọ̀ sẹnị ḅo ogula sịkị, ò mun toluma oria mịnapụ Hibruapụ ma ḍikimẹ, se ini kụrọ ḅara se ini mịẹ se ini kụrọ fịrịnwẹngị àrị ọkụ mị ọ̀ nwọ ọrịmẹ. Ọ̀ pịkị Ijiptḅọ, gbọrị Hibruḅọ fomu àrị ọkụ sọnị nwọ ọrịmẹ, anị Moziz ḅe oria amapụ ma ḅie gbọrịḅọ. Moziz ḅe ọ̀ nyọ mị ḍiki kelema, se ori ọrịmẹ na gbọrịḅọ sọnị ofori-ẹ nwọḅẹ sịkị, ori Ijiptḅọ ḅe ḅaa se ò se onwun ma ḅie ḍipimẹ.