1
Romu 5:8
FỊAFỊA BAỊBỤLỤ
KBTP
Kụma Tamụnọ kẹ ọ̀ wa ḅẹlẹma la ḅara kẹ wa ḍie ye anie, wamịnị paa si-mịẹapụ wararị ogbo, Kịrayịsị fịị wa pịrịm.
2
Romu 5:5
Tamụnọ ọ̀ kẹ ḍie wa pịrị wararị Fịafịa Tẹmẹ ḅe ḅụ ḅọrọ tẹ ḅẹlẹma kẹ wamịna ḅioḅẹngbọ ḅụ ọsụma sara tẹ ẹrẹsị, wa nyana ḅiokpọ mẹ ḅarị papaaye sọ-a.
3
Romu 5:3-4
Wa wamịna ḅụụ-fụka ma sọ kẹ ḅụụ-tọn-arị, gotẹ ọkọ ḅẹẹarị, ḅụụ-fụka ḅụ mie wa ḅọrọ tẹ ye inema ḍawọarị ye, tẹ ye-inema mịẹtẹ Tamụnọ wamịna ḍumo bomarị, tẹ anị nwẹnị ḅiokpọ kẹ wa pịrịarị.
4
Romu 5:1-2
Mịọkụ minini ḅụ wa ḅọrọ tẹ Tamụnọ ḅụ karakara tẹ ḅara, wa Nyanaḅọ Jizọsị Kịrayịsị ḅụ wa ḅọrọ tẹ Tamụnọ na dein anga kọn tẹ. Minini ḅụ ọ̀ mịẹtẹ wa Tamụnọ ḍiki-ḅụụjịrị mẹ nyana tẹ anị ḅụ ḍumoarị. Tamụnọ ebube mẹ ḅụ wamịnị sọ ḍiekiri nyana tẹ ye mẹ ḅụ ḅẹ ḅiokpọ mẹ wa anị kẹ ḅụụ-tọn-arị.
5
Romu 5:6
Gbala mịẹ-mịẹ ọkụ wamịnị na ofori ogbo mie Kịrayịsị ḅo Tamụnọ tọn sakị ḅụ si-sịḅịḅio-sụapụ gotẹ fịị ye.
6
Romu 5:9
Ọ̀ fịị mẹ wa kẹ Tamụnọ tọrọkọ karakara atomi sọma tẹ. Ọkọ nẹngị ḅara ọ̀ pịkị nwẹn kẹ Tamụnọ ịganị ḅụ wa ḅọrọma ḅa.
7
Romu 5:19
Anie anị pịkị sime-ḅara, gbọrụ tomḅọ ḅịḅị poki-a inweni-mgba kẹ si-mịẹapụ sọma ḅara anie gbọrụḅọ ḅịḅị poki pịkị Tamụnọ tọrọkọ inweni-mgba kẹ karakara kiri ḅụ sịẹma ḅarị ḅara.
8
Romu 5:11
Kụma anie ngẹrị-a, wa Nyanaḅọ Jizọsị Kịrayịsị ḅe tẹ wa kẹ Tamụnọ ikiapụ sọma ḅọ ḅe ḅụ, wa ḅọrọ tẹ Tamụnọ ḅụ ḅioḅẹlẹ nyana tẹ.