Amavesi eBhayibheli adumile avela kokuthi AMatiyu 19

Dlulisela

AYeso ka ba yɛrɛk, a ma fɛ̀, “Ikyɛng fi i gaat anet awe, kaakyi ikyɛng se begelek na Adakunom.”

Nkum atuk e yɔng da ba tɛ ba yet bafaa awo, tit kurɔm kuzining. Nek anɔng, ngma ikyɛng fɛ́ Adakunom mi mon, da anet akak na a kam ide awo.”

AYeso fɛ̀ ni iba, “Iyin ki mang fa yin ikyɛng fɛ́ ba jɛk ni kufumung ifɛ̀ Adakunom awɛ? Ba jɛk yɛ, ni imɛsɛng e, ‘Adakunom ka ba nye, amatek nɛ abining.’ A fɛ̀, ‘Nek anɔng, anet da won ada wu ni nggɔ wu, na di basak na abining wu, nɛ bafaa me sot kurɔm kuzining.’

AYeso fɛ̀ ni iba, “Won yin nnon naban e na na bɛs ni imi! I bi ka ba ro yin awo, nek igwɔm Azanɛn yet ifɛ́ banet tɛ ba bang.”

Awɛt banet dot fɛ́ ba se ashon yɔkɔnɔng, bi bun bafɛ́ ama, nɛ bakak dot fɛ́ ba se ama yɔkɔnɔng, bi bun bafɛ́ ashon.

Wɛt ngma ayɔng fɛ́ a mi wosong nasa, ke barunyining, ke banganyining, ke ada, ki nggɔ, ki nnon, ke akɔ ayi, nek imi, a da sɛ ikyɛng fi iwat idɔng hwyɛt, ama anɔng, a bi sɛ kutset vit igang.

AYeso ku bun ni ifɛ̀ yɛ, “Ki ngɔn shim i da sot gyat, tse da tsi irɛp ngma ikyɛng fi ngɔn bɛ̀, nɔng i da bin kaba bakan e, i da ma sɛ kurúm azanɛn. Ama anɔng, ni bi ni di kuus mo.”

Wat aYeso fɛ̀ ni iwu, “Akyɛ sak fi ngɔn di risim naton ikyɛng fi iyet itek ɛ? Anet azining wu kyɛk fɛ́ a yet atek. Ki i shim i sɛ kutset, ni berese ntsi Adakunom nang.”

Won in bang ki tak yin, i bi se kaduk itsaap-igung ni i nɔ ni iyisi kufet, aza fɛ́ arum da nɔ ayɛt igwɔm azanɛn.”

Awɛt imi fɛ̀ ni yin, ngma anet fɛ́ a kam kuweneng nɛ abining wu, tit nek kujang, a tɛ a di bɔ akak, a se ni ira kujang.”

Wat aYeso fɛ̀ na bafi imɛɛs wu, “Won in ki tak yin atsak, i bi se ni mgbang fɛ́ arum da sɛ kunɔ ayɛt igwɔm Azanɛn!