Amavesi eBhayibheli adumile avela kokuthi ALuka 6

Dlulisela

Nesek yin bakak, nɔng Adakunom da ki nesek yin, imaas itek, ba da nyiit, na ba zuut, ma inos sak aben, na ba ki korok yin ishɛrɛp e ni mbɔk nkpin yin. Nek kuri itsɛn imaas fi i di maas yin banet e, ni kuri ye fɛ́ ba bi ki maas yin mo.”

Anet atek ras nggɔn ntek fi in nes narɔ fɛ́ a di itusung ina ayɛt imyɛɛ iyɛ wu, amaan anet ras aduk nggɔn fi in nes narɔ fɛ́ a di tusung ina ayɛt iyɛ wu. Nek ikyɛng fi i se ayɛt iyɛ anet, ide de fɛ́ kanu wu turung.

Anɔng se kpaf awo, shim yin bayɔng fɛ́ ba ki rayin, ka ba nyes yin ikyɛng itek, ka ba nesek yin kuta vit ite iyɛ, i ti ishan e. Ne anɔng wu fi izang yin da se dot, ni iyin sot yin nnon Azɔk-Bazɔk, nek iwu ice wu, a nyes itek sak na bayɔng fɛ̀ ba se dang ifeng, nɛ bafɛ́ anyas.

Foos yin angmishish banet, kpaf tɛ fɛ́ Ada yin di foos angmishish.

“Da i bi ra yin akak ishɔt awo, kɔn ba bi ki ra yin ishɔt bà. Da i bi barak yin akak ni ishɔt awo, kɔn ba bi ki barak yin ni ishɔt bà. Fuut yin bakak anɛn bá, nɔng ba bi ki fuut anɛn yin bà.

“In tsin cɛɛt ni iyin fi i tsin di foos yin: Shim yin bayɔng fɛ́ ba ki rayin, nye yin itek sak na bayɔng fɛ́ ba ki rayin. Di tes yin awɛng na bayɔng fɛ́ ba ki tes yin kawɛy, ra yin bayɔng fɛ́ ba ki nesek yin mgbang, awon.

Nye banet ikyɛng fi ngɔn shim ba da nye ne.

Kɛ akak da rus kufok kuzining, ku tirik kufɛ́ afaa me bà. Kɛ akak da sok anyin kpin ngɔn, ku nɔk ngma ni kufɛ́ ayɛt e bà. Ngma anet fɛ́ a rip ikyɛng ni ngɔn, ku nɔk, kɛ akak sok ikyɛng fi iyet ifɔɔn, i bi ti shan ide awo.

“Kakon katek kyem ka tes ica imaan e awo, kakon kamaan e kyem ka tes ica itek awo

ba rēn kaakyɛ kakon ni kuri ica fɛ́ ka tes. Banet bɔs atafo na akon itsitsan awo, kɛ na ba tsɛ ba bɔs anap na duk akon awo.