Amavesi eBhayibheli adumile avela kokuthi ALuka 3

Dlulisela

Ama fɛ́ ba mi ras banet abatisma, ba ra aYeso abatisma me bà. Ni izen fɛ́ a se ni ira awon, kazanɛn tarak, Kabik aJɛrɛ tik naton wu ni kurɔm abɔp. Wat ba fok kutɔ fi ku ne azanɛn yɛ: “Ngɔn yet Arim hom, imi da shim; In foos nta ngɔn makiyi.”

AYohana fɛ̀ ni ba, “Imi ki ras yin abatisma na ashi, awɛt ayɔng fɛ́ a da bɛ́ me, di wat ni iratek, imi kyem fi in da bisik kudun ikpatak wu awo. Iwu bi ki ras yin abatisma na Kabik aJɛrɛ, ni kurong.

Nye yin nggɔn, fi in da tonong ishan atsak yin. Da i bi ka nye yin fok yi, ‘Iyit bɛ̀ yit adakop yit aIbrahim awo.’ Won in ki tak yin, Adakunom da kyem na a tirik ata nang, na a sot nnon aIbrahim.

Ba mi sak kutɛm gyam ni atin-akon, ngma kakon yɔng fɛ́ ka raka dang tes ica itek, ba da tɛmɛng ika, na ba barak ika ni rong.”

Kpaf tɛ fɛ́ atan aIshaya kin di jɛk ikyɛng fɛ́ Adakunom kin fɛ̀ ni fumung wu yɛ, “Fok yin kutɔ anet akak fi ku dɛrɛ ayɛt ayit, ‘Nye yin aTisa irén fɛ́ a di ki got, ku nye yin irén tabat. Kaakyɛ kunɛk, ba bi shining iko, kaakyɛ ihwyanang, ni kugung, ba bi tik iye. Irén fi i igɔmɔsɔ, ba bi te ide tabat, irén fi i se gungujung, ba bi te ide telel. Banet azatse ngma kusum, ba bi di isheshek Adakunom.’ ”