Amavesi eBhayibheli adumile avela kokuthi Каласвийриз 1

Dlulisela

Ада куьн мичӀивилин гьукумдикай хиласна ва куьн Вичин рикӀ алай Хцин Пачагьлугъдиз тухвана.

Адан куьмекдалди цаварал ва чилерал алай кьван вири, аквазвайди ва таквазвайди халкь авуна: чеб кӀандатӀа тахтар хьурай, кӀандатӀа гьакимвилер, кӀандатӀа регьбервилер ва кӀандатӀа гьукумар – вири Гьадан куьмекдалди ва Гьам патал халкь авуна.

Вири халкь ийидалди вилик Ам авазвай, халкьнавай кьван вири Гьадалди къайдада ава.

Иса Месигь Аллагьдин къамат я таквазвай, халкьнавай кьван виридалай Ам виликдай авазвай.

Гьавиляй квекай сифте яз ван хьайи чӀавалай инихъ чна куь гьакъиндай акъваз тавуна дуьаяр ийизва ва куьне Аллагьдин къаст Руьгьдалди ва гьар жуьредин камалдалди кьатӀун тӀалабзава. Куьне Ребби рази жедайвал уьмуьр тухун паталай чна дуьаяр ийизва. Куь хъсан крари гьар са жигьетдай бегьер гъурай ва куьне Аллагь мукьувай кьатӀунрай.