Amavesi eBhayibheli adumile avela kokuthi Mga Taga-Roma 8

Dlulisela

Kay nakahibalo kita nga ang tanan nga mga butang ginahimo sang Dios para sa kaayuhan sang mga nagahigugma sa iya, kag sa mga gintawag niya suno sa iya tinutuyo.

Kay napat-od ko gid nga wala sing may makapahamulag sa aton sa iya gugma: bisan pa ang kamatayon ukon kabuhi, bisan pa ang mga anghel ukon ang langitnon nga mga pangulo ukon mga gahom. Bisan pa ang mga butang sa karon ukon sa palaabuton, ang kalibutan sa ibabaw ukon sa idalom, wala gid sing butang sa tanan nga mga tinuga nga sarang makapahamulag sa aton sa gugma sang Dios nga nangin-aton paagi kay Cristo Jesus nga aton Ginoo.

Sa amo man nga bagay, kita nga mga maluya ginabuligan sang Espiritu. Kay indi kita makahibalo kon paano magpangamuyo, kundi ang Espiritu mismo ang nagapakitluoy sa Dios para sa aton sa mga pag-ugayong nga indi masaysay sa mga tinaga.

Ano karon ang aton masiling nahanungod sini nga mga butang? Kon ang Dios nagaapin sa aton, sin-o bala ang makapamatok sa aton?

Karon, indi na pagsilutan ang mga nagakabuhi nga nahiusa kay Cristo Jesus.

Kon ang inyo mga panghunahuna ginagamhan sang tawhanon nga kinaugali, ang resulta sini amo ang kamatayon. Pero kon ang inyo mga panghunahuna ginagamhan sang Espiritu, ang resulta sini amo ang kabuhi kag paghidait.

Wala sing may makapahamulag sa aton! Kay sa sini nga mga butang may bug-os kita nga kadalag-an paagi sa iya nga naghigugma sa aton!

Ang mga pag-antos naton sa sini nga panahon ginakabig ko nga indi makatupong sa himaya nga ipahayag sa aton sang Dios.

Karon, sin-o bala ang makapahamulag sa aton sa gugma ni Cristo? Ang pag-antos bala, ang kabudlayan, ang paghingabot, ang gutom, ang kaimulon, ang katalagman, ukon ang kamatayon?

Kag ang Dios nga nagausisa sang mga tagipusoon sang mga katawhan nakahibalo man sang panghunahuna sang Espiritu. Kay ang Espiritu nagapakiluoy sa Dios para sa iya mga katawhan kag suno sa iya kabubot-on.

Ang mga ginatuytuyan sang Espiritu sang Dios mga anak sang Dios.

Kay ang mga nagakabuhi suno sa ginatudlo sa ila sang ila tawhanon nga kinaugali, ang ila mga panghunahuna ginagamhan sang luyag sang ila tawhanon nga kinaugali. Ang mga nagakabuhi suno sa ginatudlo sa ila sang Espiritu sang Dios, ang ila mga panghunahuna ginagamhan sang luyag sang Espiritu sang Dios.

Wala niya gani ginpaiway sa pag-antos ang iya Anak, kundi nga iya ginhalad para sa aton tanan! Kon ginhatag niya sa aton ang iya Anak, indi bala nga ihatag man niya sa aton sing maalwan ang tanan nga mga butang?

Ang Espiritu sang Dios nagabuylog sa aton espiritu sa pagpamatuod nga kita mga anak sang Dios. Tungod kay mga anak kita sang Dios, mga manunubli kita sang mga kaayuhan nga ginatigana niya para sa iya mga katawhan, kag mga manunubli man kita upod kay Cristo sang gintigana sang Dios para sa iya. Kay kon nagaambit kita sang pag-antos ni Cristo magaambit man kita sang iya pagkahalangdon.

Gani, ang isa ka tawo manginkaaway sang Dios kon ang iya panghunahuna ginagamhan sang tawhanon nga kinaugali, kay wala sia nagatuman sang kasugoan sang Dios, kag matuod gid nga indi sia makatuman sini.

Ang tanan nga mga tinuga nagahulat sing may kakunyag sa Dios nga magapahayag sang iya mga anak.

Kay nakahibalo kita nga tubtob karon, ang tanan nga mga tinuga nagaugayong sa kasakit, subong sang pagpasakit sang manugbata.