Amavesi eBhayibheli adumile avela kokuthi Aroom 8

Dlulisela

Tama be seba kama ayen baai ale ta yaalika ale Wen ate wa wi ba a magsi chaab ale wadek popolaŋa ale ka diila, wie meena ale a nye ba jigi la wa a basi kama ate ŋa a ta wamaŋsa a jam.

Dii nyiŋla, mi seba chak kama ayen kum yaase vum yaase Wen maarɔba yaase vioku po pagrita yaase jinla wie yaase chum wie yaase wenzuk pagrita yaase jaab wenŋmazuk yaase kpiluŋ tɛŋ yaase jabuui meena ate Wen nye la ale baga a poori tama Wen yaali ka ale bo Yeezu Kirisita ti Nyɔnɔwa po la a basi.

Wen Chiika mɛ a maari ti kama ale ti wobsimu meena. Boan nyiŋŋa, ti zɛ ti le ti puusi Wen ka dii ate ku magsi la. Wen Chiika dek ale tagri tama zuk a ŋusi a biisi a saalim dii ale Wen la, nuru an baga a weeni.

Ti be le weeni ka boan wari a magsi chaab ale nya kude? Wen abe dan za tama ŋaaŋ, ka wana le baga a nye ti wari ya?

Yɔgyɔgla de, baai ale Yeezu Kirisita ale ka bunyi la, Wen a kan te ba waalika

Waai abe dan basi ate nurubiik nyeka yaalika a soa wa popola meena, dila ku ta wa a cheŋ ka kum po. Waai mɛ abe dan basi ate Wen Chiika a soa wa popolaŋa meena, dila a ta ka vum ale suiyɔgni a jam wa jigi.

Alege nyaŋa de meena ale a nye ti jigi la, Yeezu Kirisita waai ale ta yaalika ale ti la, maari ti kama ate ti nak kpaliŋka a de nna chaalima.

Mi a poli ayen nam kaai ate tama a nam yɔgyɔgla de la, ti an baga pai ka a magsi chaab ale Wen zula ŋaai le ŋa nyini peelim dai yeŋ ate ti nya ŋa la.

Ka boa ale baga a nye ate Kirisita yaalika a basi tama? Ka daanika yaa ninammoa yaa nuruba a nin basi ate ti nya ninam ti siaka nyiŋŋa yaa kɔm yaa chaboala yaa nyigsika yaase kummoa?

Wen dii abe ale seba nurubiik suinum po ale ka diila, ale seba Wen Chiika popola ale ka diila. Dii nyiŋla, Wen Chiika ale tagri Wen nuruma zuk a saalim wa a magsi chaab ale wadek, Wen ale a yaali dii a te wa nuruma la.

Baai ate Wen Chiika de ba niŋ a sak ba la, ka Wen bisa.

Baai ale a va badek nurubiik nyeka ale a yaali diila, a pai ba popola meena a te ka popola ŋala chaab. Baai mɛ ale a va Wen Chiika nyeka la, pai ba popola meena a te ka Wen Chiika wie.

Wen abe ale kan zɛri wadek nidoabinni nyiŋ alege wa lak ka poi a pai wa a te tama meena la, ku a fɛ kama mɛ ayen ti be seba chak ayen wa be dan baga a nye wanni de, wa kan mini ti jabuui meena ate wa ta la.

Diipo meena, ate ti a wi Wen ayen ti ko la, ku ka Wen Chiika ale a weeni ti ti suiniima po ayen ti ka wa bisa. Ti be dan ka wa bisa, dai yeŋ po, ti be le jam soa ŋan baai meena ate wa puulim ayen wa le pai te ti la kama. Tama ale Kirisita abe le jam maa ka chaab a soa ŋan baai ate wa puulim ayen wa le pai te wa la. Yɔgyɔgla de, tama abe dan maara a nam Kirisita ninammu, dai yeŋ po, tama ale wa le maa chaab a nya wa zulaŋa.

Boan nyiŋŋa, waai abe dan basi ate wadek nurubiik nyeka yaalika a soa wa, wala choa ka Wen dachiak. Wa kan va sinsaŋŋa ale a weeni diila. Wa be an poom baga mɛ le va ŋa ale a weeni wa diila.

Ŋanta meena ate Wen nye la, a kasim pii ka nyiŋ a limisi ayen Wen pai wa bisaŋa a ta nyini peelim a sak ba.

Boan nyiŋŋa, ti seba kama ayen a zaani dipo a ta jam paari jinla, ŋanta meena ate Wen nye la a ŋusi kama ase nipok a nyiem ale boro a biak a ŋusi diila.