Amavesi eBhayibheli adumile avela kokuthi Matyù 24

Dlulisela

Tɨ̀pòŋə̀ à ghǎ kẅìʼnə̀ noʼò, ɨ̀kòŋnə̀ pànə̀ pɨ̀noʼnə ɨ̂ porə̀. La ŋònə̀ nɨ à ẅìimə̀nə ntɨŋmə̀ e tə pyàa a ndẅùutə, à ghǎ chwarə̀.

Pɨ ghǎ chwìitə̀ Ntwuumə̀ Ghù Ɨ̀shìʼnə̀ wə̀ mbə̀ʼə Ànwùə̀ Nɨ̀fò Nɨ̀pwuurə̀ ambo àtwuə̀ ɨ̀shyə̂ àtsùmə̀ ɨ̂ pə tsaʼa ndzəənə̀ zəənə̀nə amwuə ɨ̀laʼà ɨ̀tsùmə̀ amwuə àtwuə̀ ɨ̀shyə̂, zaʼà ndẅùutə àtwuə̀ ɨ̀shyə̂ ɨ̂ pòŋə̀ tô.”

Nɨ̀ ghǎ zuʼù àzòrə̀ mɨ̀ntsòo ghobə ɨ̀shwəŋnə̀ mbə̀ʼə mɨ̀ntsòo, la kò nɨ̀ pô a wɨghə mbə̀ʼnə zèrə zə̀ a chyə̂ a nɨ ghɨ̀rə̀, la ka pə e nkwùə̀ ndẅùutə àtwuə̀ ɨ̀shyə̂.

Ntiinə ɨ̀laʼà ghǎ zòŋnə̀ a pyə̀, ɨ̀laʼà a ɨ̀sùmə pɨ̀fò zòŋnə̀ a pyə̀, ndzàŋə̀ ɨ̂ kwuunə̀ amwuə àlaʼà, ɨ̀shyə̂ ɨ̂ nə̀ʼnə̀ a ɨlyiʼə ɨlyiʼə. Mɨ̀nwùə̀ mèrə mə ghǎ pə la tsaʼa mə̀ngyə̌ yɨ̀ sùŋə̀nə a pìʼnə̀ a nɨ zuʼù àndzaŋə nkwùə̀ nɨ à kòonə a moonə̀.

Nɨ̀pwuurə̀ ghobə ɨ̀shyə̂ ghǎ làŋə̀, la, àshwəŋnə̀ mə̀ a làŋə̀ e apə̀.”

Mbə̀ʼnə pànə̀ pɨ̀noʼnə ghǎ tô aŋunə nɨ̀linə̀ ɨ̀tsâ shwəŋə̀ lo, ‘Mɨ̀ŋə̌ Ghù Ndzoʼnə wa!’ lenəla fɨ̀kə̀ pànə̀ pɨ̀noʼnə.

“Pɨ ghǎ kô a wɨghə ŋŋâ ambo pə̀ənə̀ pɨ̀ chyâ ngəʼə̀ yɨ̀noʼnə aŋunə pɨghə kə̀ nzhwuutə̀ a wɨghə. Àtwuə̀ ɨ̀shyə̂ àtsùmə̀ a ghǎ pàanə̀ a wɨghə mbə̀ʼə nɨ̀linə̀ ɨ̀tsâ. Pànə̀ pɨ̀noʼnə ghǎ kẅebə̀ àpyiimə̀ ntɨŋmə̀ àzobə nkwùə̀ ghu, shwùunə̀ mbɨ̀ŋmə̀ ɨ̀zobə pobə nɨ pobə, kɨ pàanə̀ mbɨ̀ŋmə̀ ɨ̀zobə pobə nɨ pobə. Ngàŋə ntwuumə̀ Nẅùə̀ pɨ pɨ̀chwìrə̀ ghǎ furə̀ kɨ fɨ̀kə̀ pànə̀ pɨ̀noʼnə.

Yěsû kẅùə̀ ambo pobə lo, “Nɨ̀ zhìʼtə̀ mbə̀ʼə ŋònə̀ ɨ̀tse a fɨ̀kə̀ wɨghə.

Nɨ ndwuumə̀ wə̀ nɨ̀ pə nchwuʼtə̀ mbɨ̀ŋmə̀ ɨ̀zɨghə ntiinə Moonə̀ Ŋwùə̀ a ghǎ ntô la amwuə nkwùə̀ nɨ ka nɨ̀ mə nkwàŋə̀ wɨghə lo mbə̀ʼə a tô.”

“Lenəla nɨ̀ nwuunə̀ a nɨ̀lyìinə̀ ntiinə ka nɨ̀ zhyə̂ wɨghə nkwùə̀ nɨ masàa wɨghə à ghǎ ntô.

“Ka ŋònə̀ ɨ̀tse a zhyə̂ e njyə̂ kə̀ nkwùə̀ ghu tə farə pəngèrə̀ nɨ pɨ pənə a nɨ̀pwuurə̀ kə̀ Moonə̀. À kɨ nzhyə̂ e pə Tǎ ze nɨ ze.

Ntiinə Ghù Ndzoʼnə yɨ̀ pɨ̀chwìrə̀ pobə ngàŋə ntwuumə̀ Nẅùə̀ pɨ pɨ̀chwìrə̀ ghǎ furə̀ ghɨ̀rə̀ ɨ̀lènə̀ ɨ̀nwùə̀ pɨ ẅùunə ghobə mɨ̀nwùə̀ mɨ yerə̀nə yerə̀nə a nɨ fɨ̀kə̀ pə̀ənə̀, lopə̀ a nɨ fɨ̀kə̀ farə pànə̀ pa nɨ Nẅùə̀ à tsoʼnə la.

Ndwuumə̀ nɨ a lə̀ pənə amwuə nkwùə̀ Noà, a ndwuumə̀ nɨ a ghǎ pə nkwùə̀ nɨ Moonə̀ Ŋwùə̀ a ghǎ tô la. Tyìʼə̀ tsaʼnə a lə̀ pyə̀nə mbə nchyə ghǎ mbòŋə̀ kẅupə̀ àtwuə̀ ɨ̀shyə̂ la, pànə̀ lə̀ mə ndzɨghə̀ nkɨ nô, ndzoʼò pə̀ngyə̌, nkɨ mə ŋŋâ ɨ̀poonə̀ ɨ̀pobə amwuə mɨ̀ndâ mɨ nɨ̀zoʼò, mbyàa amwuə njyə̂ za zhyə̀ nɨ Noà a lə̀ kwuunə̀nə amwuə àpaŋə̀, ka pobə lə̀ zhyə̂ a ghobə ànwùə̀ àtse tə mbyàa nkwùə̀ nɨ nchyə lə̀ zə̀ənə ghobə. A ndwuumə̀ nɨ a ghǎ pə amwuə nkwùə̀ za nɨ Moonə̀ Ŋwùə̀ a ghǎ tô la.