Amavesi eBhayibheli adumile avela kokuthi Matteyo 7

Dlulisela

“Ifiyete, buo isiori adi jihatai; ottifiati, buo inyurana adi itai; ikukuhoto, buo aŋahini adi ekat jihatai.

Nyio, lia, elle ifiyo 'to, ifuotu adi; buo fe lia, ollo ottifia 'to, onyurak adi; buo fe lia, elle ikukuho 'to aŋahini adi jihonyi.

“Tania, atulo elle itaniŋio 'to ekenita hoŋ buo fe oniŋio isi, ara adi inyi ihuo atulo elle ilofioro 'to, ollo oduhok 'to aaji honyi imoruoi.

“Ihanie jio aati hullomuk ihuo iwak iyye isi oŋida ihanie jihoi; inyi ania awoyo hiram ono efahita Mose iko ettiyenita huno ekianak Hollum.

Ati ottida akol maji ono nesu. Ogol ekoi onno ojiŋarik diya; omutari buo fe aati hullo onyurani 'to inyi.

“Ojiŋara ta akol ollo ottida 'to; nyio, alat akol onno ojiŋarik iferno. Iliaha ekoi onno ofuarik diya, buo fe aati hullo ojiŋari 'to tenyi, oluaji.

Elle imijana itai, hulle irrohojata 'to, esiorio hirre hunno oyiji 'to jio aduri hatai, aŋai 'tadi Monyatai ettedou, obeŋ 'tadi esiorio honyi erre ayijok jio hia hulle omojoi 'to jihonyi, agalik!

“Hèŋototo eram omuk, oŋida buo fe Hollum obeŋ oŋot eram hatai. Nyio, oŋot adi Hollum eram hatai ihuo enne iŋociette itai eram hullomuk. Ekoi enne iŋociette itai eram omuk, inyi adi buo fe onno oŋocierek eram hatai.

“Buo atulo elle itaniŋio 'to ekenita hoŋ buo omesio isi, ara inyi ihuo atulo ollo obeŋ hou, ollo oduhok 'to aaji honyi isuluŋayo.

Nyio igonyu iyye aboroti to honyek illahoi, buo ibeŋ igonyu abeleri otto honyek hoi? Kuyya aŋai irinyak iyye ajiaran jio illahoi, ‘Illa, hadi eduhu ni addi aboroti otto honyek hoi ania,’ buo abeleri owon ihonyek hoi?

“Ihumata mijio ekianak enyabak, hullo ojiori 'to jio ekiana isi eram Hollum. Itanyalami isi ahuattek ihuo akioro, buo to tuajin hosi arai luŋa ihuo elewoo. Imijana adi itai isi te ehanita hosi. Obeŋi aŋarria oŋijani eŋijiti fino, buo fe ekua obeŋi oŋijani aŋabolo.

Oŋijak ayyani onno oyyu 'to eŋijiti hunno oyiji 'to, buo ayyani onno orroho 'to oŋijak eŋijiti hunno orrohoji 'to.

Ati, ittallik ayyani onno oyyu 'to iŋijana eŋijiti hunno orrohoji 'to, buo fe ayyani onno orroho 'to ittallik iŋijana eŋijiti hunno oyiji 'to.

Buo ayyani, onno obeŋ 'to oŋijak eŋijiti hunno oyiji 'to, olloŋori adi inyi addi, ette ibironia ihima.