Amavesi eBhayibheli adumile avela kokuthi ꠁꠘ꠆ꠎꠤꠟ ১: ꠝꠕꠤ 27

Dlulisela

ꠀꠞ ꠁꠍꠣꠄ ꠈꠥꠛ ꠎꠥꠞꠦ ꠎꠥꠞꠦ ꠇꠁꠟꠣ, “ꠄꠟꠥꠁ, ꠄꠟꠥꠁ, ꠟꠣꠝꠣ ꠡꠣꠛꠣꠇ꠆ꠔꠣꠘꠤ?” ꠝꠣꠘꠤ, “ꠅ ꠀꠝꠣꠞ ꠀꠟ꠆ꠟꠣ, ꠀꠝꠣꠞ ꠝꠃꠟꠣ, ꠔꠥꠝꠤ ꠇꠦꠘꠦ ꠀꠝꠣꠞ ꠟꠉ ꠍꠣꠠꠤ ꠖꠤꠟꠣꠄ?”

ꠟꠉꠦ ꠟꠉꠦ ꠛꠣꠄꠔꠥꠟ-ꠝꠥꠇꠣꠖ꠆ꠖꠍ ꠝꠣꠘꠤ ꠇꠣꠛꠣ ꠊꠞꠞ ꠢꠦꠞꠦꠝ ꠡꠞꠤꠚꠞ ꠙꠞ꠆ꠖꠣꠈꠣꠘ, ꠃꠙꠞꠦ ꠕꠣꠇꠤ ꠔꠟ ꠙꠞ꠆ꠎꠘ꠆ꠔ ꠍꠤꠠꠤꠀ ꠖꠥꠁ ꠐꠥꠇꠞꠣ ꠅꠁꠉꠦꠟ। ꠀꠞ ꠜꠂꠍꠣꠟꠞ ꠟꠉꠦ ꠛꠠ ꠛꠠ ꠙꠣꠔ꠆ꠔꠞ ꠅꠇꠟ ꠚꠣꠐꠤ ꠉꠦꠟ। ꠛꠃꠔ ꠇꠄꠛꠞꠞ ꠝꠥꠈ ꠈꠥꠟꠤꠉꠦꠟ, ꠀꠞ ꠀꠟ꠆ꠟꠣꠞ ꠝꠣꠄꠀꠞ ꠎꠦ ꠛꠘ꠆ꠖꠣ ꠅꠇꠟ ꠝꠣꠞꠣ ꠉꠦꠍꠟꠣ, ꠄꠞꠣ ꠛꠃꠔ ꠎꠘ ꠎꠤꠘ꠆ꠖꠣ ꠅꠁꠀ ꠃꠑꠟꠣ।

ꠢꠦꠡꠦ ꠁꠍꠣꠄ ꠢꠤꠞꠛꠣꠞ ꠎꠥꠞꠦ ꠀꠅꠀꠎ ꠇꠞꠤꠀ ꠀꠈꠦꠞꠤ ꠖꠝ ꠚꠣꠟꠣꠁꠀ ꠁꠘ꠆ꠔꠦꠇꠣꠟ ꠇꠞꠟꠣ।

ꠙꠞꠗꠣꠘ ꠍꠤꠙꠣꠁꠞ ꠟꠉꠦ ꠀꠞꠅ ꠎꠦꠔꠣ ꠍꠤꠙꠣꠁ ꠅꠇꠟꠦ ꠁꠍꠣꠞꠦ ꠙꠣꠞꠣ ꠖꠦꠅꠀꠔ ꠀꠍꠟꠣ, ꠔꠣꠞꠣ ꠅꠃ ꠜꠂꠍꠣꠟ ꠀꠞ ꠢꠇꠟ ꠢꠣꠟꠔ ꠖꠦꠈꠤꠀ ꠈꠥꠛ ꠒꠞꠣꠁꠀ ꠇꠁꠟꠣ, “ꠘꠤꠌ꠆ꠌꠄ, ꠄꠁꠘꠃ ꠀꠍꠟꠣ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ, ꠁꠛꠘꠥꠟ꠆ꠟꠣ।”

ꠅꠃ ꠖꠤꠘ ꠖꠥꠁꠚꠞ ꠕꠣꠇꠤ ꠎꠥꠢꠞꠞ ꠛꠣꠖ ꠙꠞ꠆ꠎꠘ꠆ꠔ ꠔꠤꠘ ꠊꠘ꠆ꠐꠣ ꠀꠡ꠆ꠔꠣ ꠖꠦꠡ ꠀꠘ꠆ꠖꠣꠁꠞ ꠅꠁꠉꠦꠟ।

ꠔꠦꠃ ꠙꠤꠟꠣꠔꠦ ꠔꠣꠞꠣꠞꠦ ꠎꠤꠇꠣꠁꠟꠣ, “ꠔꠦ ꠔꠥꠝꠞꠣ ꠎꠣꠞꠦ ꠀꠟ-ꠝꠍꠤ ꠇꠅ, ꠢꠃ ꠁꠍꠣꠞꠦ ꠇꠤꠔꠣ ꠇꠞꠔꠣꠝ?” ꠔꠣꠞꠣ ꠢꠇꠟꠦ ꠌꠤꠟ꠆ꠟꠣꠘꠤ ꠟꠣꠉꠣꠁꠟ, “ꠔꠣꠞꠦ ꠍꠟꠤꠛꠅ ꠉꠣꠕꠤꠀ ꠝꠣꠞꠅ।” ꠔꠣꠁꠘ ꠇꠁꠟꠣ, “ꠇꠦꠘꠦ, ꠢꠦ ꠇꠤꠔꠣ ꠖꠥꠡ ꠇꠞꠍꠦ?” ꠅꠁꠟꠦ ꠝꠣꠘꠡꠦ ꠀꠞꠅ ꠎꠥꠞꠦ ꠎꠥꠞꠦ ꠝꠤꠍꠤꠟ ꠟꠣꠉꠣꠁꠟ, “ꠍꠟꠤꠛꠅ ꠖꠦꠅ, ꠍꠟꠤꠛꠅ ꠖꠦꠅ।”