Amavesi eBhayibheli adumile avela kokuthi ꠁꠘ꠆ꠎꠤꠟ ১: ꠝꠕꠤ 16

Dlulisela

ꠛꠣꠖꠦ ꠔꠣꠁꠘ ꠄꠞꠣꠞꠦ ꠇꠁꠟꠣ, “ꠇꠦꠃ ꠎꠥꠖꠤ ꠀꠝꠣꠞ ꠔꠞꠤꠇꠣꠔ ꠀꠁꠔ ꠌꠣꠄ, ꠔꠦ ꠢꠦ ꠔꠣꠞ ꠘꠤꠎꠞ ꠈꠥꠡꠤꠄ ꠌꠟꠣ ꠛꠣꠖ ꠖꠦꠃꠇ, ꠔꠣꠞ ꠀꠙꠘ ꠖꠥꠈ-ꠇꠡ꠆ꠐꠞ ꠍꠟꠤꠛ ꠛꠁꠀ ꠟꠁꠀ ꠀꠝꠣꠞ ꠈꠞꠦ ꠀꠃꠇ।

ꠔꠦ ꠀꠝꠤ ꠔꠥꠝꠣꠞꠦ ꠇꠁꠞꠣꠝ, ꠔꠥꠝꠤ ꠔ ꠙꠣꠔ꠆ꠔꠞ, ꠄꠞꠟꠣꠉꠤ ꠔꠥꠝꠣꠞ ꠘꠣꠝ ꠖꠤꠍꠟꠣꠝ ꠙꠤꠔꠞ, ꠀꠞ ꠅꠃ ꠙꠣꠔ꠆ꠔꠞꠞ ꠃꠙꠞꠦꠃ ꠀꠝꠣꠞ ꠔꠞꠤꠇꠣꠞ ꠔꠣꠝꠣꠝ ꠎꠝꠣꠔ ꠉꠠꠤꠀ ꠔꠥꠟꠝꠥ। ꠖꠥꠎꠈꠤ ꠇꠥꠘꠥ ꠡꠇ꠆ꠔꠤꠄꠃ ꠄꠞ ꠟꠉꠦ ꠙꠣꠞꠔ ꠘꠣꠄ।

ꠔꠥꠝꠣꠞ ꠀꠔꠅ ꠀꠝꠤ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠞ ꠌꠣꠛꠤ ꠖꠤꠝꠥ, ꠅꠃ ꠖꠥꠘꠤꠀꠔ ꠔꠥꠝꠤ ꠎꠦꠔꠣꠞꠦ ꠘꠣꠎꠣꠁꠎ ꠇꠁꠛꠣꠄ, ꠁꠔꠣ ꠀꠟ꠆ꠟꠣꠞ ꠖꠞꠛꠣꠞꠅ ꠘꠣꠎꠣꠁꠎ ꠅꠁꠎꠤꠛ, ꠀꠞ ꠔꠥꠝꠤ ꠎꠦꠔꠣꠞꠦ ꠎꠣꠁꠎ ꠇꠁꠛꠣꠄ, ꠀꠟ꠆ꠟꠣꠞ ꠖꠞꠛꠣꠞꠅ-ꠅ ꠁꠔꠣ ꠎꠣꠁꠎ ꠅꠁꠎꠤꠛ।”

ꠎꠦ ꠝꠣꠘꠡꠦ ꠔꠣꠞ ꠘꠤꠎꠞ ꠎꠣꠘ ꠛꠣꠌꠣꠁꠔ ꠌꠣꠄ, ꠢꠦ ꠔꠣꠞ ꠀꠍꠟ ꠎꠤꠘ꠆ꠖꠦꠉꠤ ꠈꠥꠀꠁꠛ। ꠅꠁꠟꠦ ꠎꠦ ꠎꠘꠦ ꠀꠝꠣꠞ ꠟꠣꠉꠤ ꠔꠣꠞ ꠎꠣꠘ ꠇꠥꠞꠛꠣꠘꠤ ꠖꠦꠄ, ꠢꠦ ꠀꠍꠟ ꠎꠤꠘ꠆ꠖꠦꠉꠤ ꠙꠣꠁꠛ।

ꠇꠥꠘꠥ ꠝꠣꠘꠡꠦ ꠀꠡ꠆ꠔꠣ ꠖꠥꠘꠤꠀ ꠙꠣꠁꠀꠅ ꠎꠥꠖꠤ ꠔꠣꠞ ꠀꠍꠟ ꠎꠤꠘ꠆ꠖꠦꠉꠤ ꠈꠥꠀꠁꠟꠣꠄ, ꠔꠦ ꠔꠣꠞ ꠇꠥꠘꠥ ꠚꠣꠄꠖꠣ ꠅꠁꠟ ꠘꠤ? ꠢꠦꠡꠦ ꠀꠍꠟ ꠎꠤꠘ꠆ꠖꠦꠉꠤ ꠙꠣꠅꠀꠞ ꠟꠣꠉꠤ ꠢꠦ ꠇꠥꠘ ꠗꠘ ꠛꠤꠟꠣꠁꠛ?

ꠅꠃ ꠔꠣꠁꠘ ꠇꠁꠟꠣ, “ꠅꠁꠟꠦ ꠔꠥꠝꠞꠣ ꠇꠤꠔꠣ ꠝꠘꠅ ꠇꠞꠅ, ꠀꠝꠤ ꠇꠦ?” ꠍꠣꠢꠣꠛꠤ ꠍꠣꠁꠝꠘ-ꠙꠤꠔꠞꠦ ꠎꠥꠀꠙ ꠖꠤꠟꠣ, “ꠀꠙꠘꠦ ꠔ ꠀꠟ꠆ꠟꠣꠞ ꠅꠀꠖꠣ ꠇꠞꠣ ꠢꠃ ꠀꠟ-ꠝꠍꠤ ꠁꠛꠘꠥꠟ꠆ꠟꠣ, ꠎꠤꠘ꠆ꠖꠣ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ।”

ꠁꠍꠣꠄ ꠇꠁꠟꠣ, “ꠅ ꠍꠣꠁꠝꠘ ꠛꠤꠘ ꠁꠃꠘꠥꠍ, ꠔꠥꠝꠤ ꠛꠠ ꠘꠦꠇ-ꠇꠙꠣꠟꠤ, ꠇꠣꠞꠘ, ꠖꠥꠘꠤꠀꠞ ꠇꠥꠘꠥ ꠝꠣꠘꠡꠦ ꠔꠥꠝꠣꠞꠦ ꠁꠔꠣ ꠎꠣꠘꠣꠁꠍꠦ ꠘꠣ, ꠅꠁꠟꠦ ꠀꠝꠣꠞ ꠛꠦꠢꠦꠡ꠆ꠔꠤ ꠛꠣꠚ ꠀꠟ꠆ꠟꠣꠄꠃ ꠎꠣꠘꠣꠁ ꠖꠤꠍꠂꠘ।