Amavesi eBhayibheli adumile avela kokuthi Mathai 23

Dlulisela

Nang ce thung-a kälengky sa saite lä nang ce üng mawsawng-a aelawng hethang kae.

Mä-ai ma tea aemäsang saite khimi tea lä Säthaw ma mäneng pa vi ai. Tukha mä-ai ma tea aemäneng saite khimi tea lä Säthaw ma mäsang pa vi ai.

“Pharisai hai Ubädi särae na ä, nang ce lä tähang si. Nang ce lä khimi kähawi käjüng aesa ö te vi. Nang ce lä angkhaw thung-a e saite sawngprang, sawngsüng, sawnglä-e na thung üng hawtä-a haetä Säthaw tea py ö vi. Tungaila Mosi üng Ubädi thung-a aely lengky saite mätu te tea nang ce lä dawngcang ö y. Nang ce lä khimi ce tea Ubädi hai aesyng y saite na sa ö vi. Khimi ce tea bäheng ö y. Säthaw maw-a kätüng-a sa ö y. Nang ce lä hawtä-a haetä py hethang kae vi. Tungaila hini qawng-a aely leng saite mätu saite na la bäjui hethang kae.

“Pharisai hai Ubädi särae na nang ce lä tähang si. Nang ce lä khimi kähawi käjüng aesa ö te vi. Nang ce lä tui bynglyng hai pangkae na tea ärang mang-a mäse ö kae vi. Tungaila nang ce lä hini bynglyng hai pangkae thung üng lawngprae kha mä-ai ma üng kängai hai dang saite na ca ö vi.

“Jerusalem märü üng khimi na ä, nang ce lä Säthaw mätaw saite buisaw na bung bädü kha Säthaw mätaw saite angtawtha na bung lä kälung hai käde kha bädü ö te vi. Ae nä-awi ma äma üng mäkhi täkui-a käcüng ea äcaw na bung aw hai te kätyng, kai ma nang ce angxynlyng na tea kähawi-a aedung hai leilae hethang kai lä ngai bärai te vi. Tungaila nang ce lä kai tea ngai ö y.

Honi kätyng-a nang ce lä ärang mang-a lä khimi ce känung-a khimi kähawi kätyng awng. Nang ce lä khimi kähawi käjüng aesa ngaila tätang khü-a hunghö käsi sa saite na kae.”