Amavesi eBhayibheli adumile avela kokuthi Римдегилерге 12

Dlulisela

Бу телекейге эптешпегер, је санаагарды јаҥыртып, бойыгарды солыгар. Анайып, Кудай слердеҥ нени кӱӱнзеп турганын, не Ого јакшы, не јарап турганын, Оныҥ толо кеми не болгонын билип аларыгар.

Анайдарда, карындаштар, Кудайдыҥ буурзаганына болуп јайнап турум: Кудайга јараар агару ла тирӱ тайылганы чылап, эди-каныгарды Ого беригер. Ого анайып бажырганыгар чын болор.

Ижемји слерге сӱӱнчи экелзин. Ачу-корондо чыдамкай болыгар, јаантайын мӱргигер.

Јаманга јеҥдирбе, је јаманды јакшыла јеҥ.

Бой-бойыгарга карындаштар чылап эрке карузыгар, бой-бойыгарга кӱндӱ эдеринде баштапкы болыгар.

Сӱӱжигер ару болзын. Јаманды кӧрӧр кӱӱнигер јок болзын, јакшыдаҥ тудуныгар.

Аргалу болзогор, ончо улусла амыр јӱригер.

Бойыгар учун ӧчӱркебегер, кару улузым, Кудайдыҥ чугулына јер беригер. Бичилген јок беди: «Мен ӧч аларым, Мен јандыра берерим» – деп, Кайракан айдат.

Мында јаантайын кичееҥкей болыгар, тынла јалбыштаныгар, Кайраканга јалчы болуп јӱригер.

Меге берилген јакшылыкла кажыгарга ла айдып турум: бойыгар кандый болгоныгардаҥ бийик сананбагар. Карын, кажыгарга ла Кудайдаҥ бӱдери канча кире берилгениле кеминде сананыгар.

Кемге де јаман учун јаман этпегер. Ончо улус алдында јакшыны эдерге кичеенигер.

Бой-бойыгарга санаагар јаҥыс болзын, улуркабагар, је јобожыган улуска тартылыгар, бойыгарды бийиксинбегер.

Карын, ӧштӱӱҥ аштап турган болзо, азыра, суузап турган болзо, суу ичир. Мынайда эдип, оныҥ бажына кос јуурыҥ.

Слерди истеечилерди алкагар. Алкагар, каргабагар. Сӱӱнип јӱргендерле кожо сӱӱнигер, ыйлап јӱргендерле кожо ыйлагар.

Кудайдыҥ улузы не-немедеҥ тутакту јӱрзе, ӱлежигер, кӱндӱзек болыгар.

Бистиҥ бир эт-каныбыста кӧп ӱйелер бар, је олор ончозы бир тӱҥей керек этпей јат. Анайып бис те: бис кӧп тӧ болзобыс, Христостыҥ Бойында – бир эт-кан, је бойы бойыбыска ӱйелер болуп јадыбыс.