Amavesi eBhayibheli adumile avela kokuthi Jannoo 1

Dlulisela

Agh yiow shiu pooar veih’n Spyrryd Noo hig erriu: as bee shiu nyn veanishyn dooys chammah ayns Jerusalem, as ayns ooilley Judea, as ayns Samaria, as gys ny ardjyn sodjey magh jeh’n theihll.

As dooyrt eh roo, Cha vel eh bentyn diuish dy hoiggal ny earishyn, ny ny imbaghyn, ta’n Ayr er reayll ayns e phooar hene.

As choud as va’d ooilley cooidjagh mârish, doardee eh daue gyn ad dy gholl veih Jerusalem, agh ad dy arkiaght son gialdyn yn Ayrey, yn gialdyn cheddin (as eshyn) ta shiu er chlashtyn voym’s. Son ren Ean dy firrinagh bashtey lesh ushtey; agh bee shiuish ayns traa gerrit er nyn mashtey lesh y Spyrryd Noo.

Dauesyn myrgeddin hoilshee eh eh‐hene bio lurg e vaase, liorish ymmodee cowraghyn firrinagh, ayns dy row eh er ny akin lioroo da‐eed laa, as dy loayr eh jeh reddyn va bentyn rish, reeriaght Yee.

As tra v’eh er loayrt ny goan shoh, v’eh er ny hroggal seose voue, choud as v’ad cur‐my‐ner, as ghow bodjal eh ass nyn shilley.

As myr v’ad jeeaghyn dy gyere seose ’syn aer, as eh goll seose; cur‐my‐ner hass daa ghooinney lioroo ayns coamraghyn sollys. Dooyrt myrgeddin, Gheiney Ghalilee, cre’n‐fa ta shiuish nyn shassoo blakey seose syn aer? nee Yeesey shoh t’er ny ghoaill veue gys niau, cheet reesht er yn aght cheddin ta shiu er n’akin eh goll seose gys niau.