Amavesi eBhayibheli adumile avela kokuthi Zhã 6

Dlulisela

Yezu zɛ̃̀ n wɔ̀ bɛ: “Àmyɛ́ wɔ́ búrú kɔ̀bɔ́ ò nʼô pɛ nyǔ. Lò mɔ̀bɔ́ ǹ tú à sõ, nɔrh tʼâ la mɔ́ zal gaga yé. Lò mɔ̀bɔ́ ǹ zù àmyɛ́, nə̀nyɛ̀lsɛ̀ tʼâ la mɔ́ zal gaga yé.

Wɔ́ Eshirhə náàcɛ̀nɛ́ è nʼê pɛ nyǔ, sə numbyíní yala nɛ́ dúdú wàr kaka nə̀ la wɔ̀rhɔ́ yé. Zɔ̀mà nɛ́ à byili ába mó wɔ́ Eshirhə náàcɛ̀nɛ́ zɔ̀mà, nə̀ nʼê pɛ nyǔ

Á bə̀kʼá twĩ̀ á mʼá pyà kùjú w kɔ̀bɔ́ ò nʼô cɔ̀ mɔ́ yé. Twĩ̌nə á mʼá pyà kùjú w kɔ̀bɔ́ ò ŋwɛ́nɛ́ twéé gakó, o jʼà nʼô pɛ nyǔ mə̀ tʼâ la zhɔ̌ mɔ́. Numbyíní Byǐ mà n pə w ába. Wɔ́ ńmyɛ̌ ń Da mɔ́ ń wɔ́ Yi mú cír, n pɔ̃ ń cìcì ŋwɔ̀nɔ́.”

À Da nə́ ń yâl bə̀ lyì bí byɛ̀bɛ́ gakó bə̀ nʼê nyǐ ń Byǐ mú, bə jʼa zwẽ ń zɔ̀mɛ̀ rɛ́ mɔ́, nə nyǔ mə̀ tʼâ la zhɔ̌, sʼa bwìrhì bi dɛ̃ rɛ́ nánkwɛɛ́ rɛ́ yùwə̀.”

Yezu wɔ̀ bɛ: “Tum dí tɛ̀bɛ́ Yi nʼê yâl bʼâ twĩ̀ mú wɔ́ á zù mɔ̀bɔ́ rə̀ twĩ̀ mú.”

“Byɛ̀bɛ́ à Da nə́ ń pɛ nɛ mɔ́ gakó mʼa bə̀ à sono, sə lò mɔ̀bɔ́ ń bàn à sõ, à tʼâ la mɔ cǐrh a ce kwã nɛ́ yé.

Shəmɔ Pyɛɛrɛ wɔ̀ mɔ: “Cinu, mɔ̌ sõ nə́ mʼâ vò né? Ǹmyɛ́ ǹ zhe nyǔ mə̀ tʼâ la zhɔ̌ zɔ̀mà.

Àmyɛ́ à wɔ́ búrú w kɔ̀bɔ́ ò nʼô pɛ nyǔ, ò shí Arəzana w mɔ́. Lò mɔ̀bɔ́ ǹ dɔ̀m búrú w òmyɛ́, ǹ tá ǹ la cú gaga yé. Búrú w kɔ̀bɔ́ à la pɔ mɔ́, wɔ́ à yala nàmá bɛ́ à nʼâ pɛ, mùnì ga lũ w lyì bí nə nyǔ.”

Lò lò wàr ń twí à sono ǹdə́ è gə də̀ à Da mɔ́ ń twĩ̀ nì mú ń ce n bə̀ yé, sə àmyɛ́ à mʼa bwìrhì mù dɛ̃ rɛ́ nánkwɛɛ́ rɛ́ yùwə̀.

Búrú w kɔ̀bɔ́ Yi nʼê pɛ mɔ́, wɔ́ mɔ̀bɔ́ ń shí Arəzana w n bə̀ ń nə́ ń pɛ nyǔ lũ w lyì bí ni mú.”

Àmyɛ́ wɔ́ búrú kɔ̀bɔ́ ò nʼô pɛ nyǔ.

N zɛ̃̀ n kwè búúrí, n ce Yi nə̀báná, n zə rɛ n tə̀ lyì bí byɛ̀bɛ́ bə̀ yʼà jě tɛ̃´ mɔ́. N kwè émɔ̌sɛ́ myɛ n mə n tə̀ bɛ. Lò gakó nə n jí ǹdə ń gə́ nə́ ń yâl nɛ́. Bə̀ gə́ jú bə sú, n zɛ̃̀ n wɔ̀ ń kwã-lyì bí ni: “Pwâna yəywaalɛ́ rə̀ dàl mɔ́, mùnì kaka bə̀kʼa jé yé.”

Bə̀ gə́ zə bwəl lé bə zhǐr bù-cǔ w ni bə vò né mó, kɔn yʼà yú coló bə̀nu, ráá bwə̀ldù, bə̀ la nyǔ bə pwírí Yezu ń bwəlse bə̀ nyí ni, ń nə́ ń zhə̀l nɛ̃̌ mɔ́ yó. Ywẽ zɛ̃̀ rə̀ zhe be. Yezu zɛ̃̀ n wɔ̀ bɛ: “Á bə̀kʼá dùr ywẽ, bə̀ wɔ́ àmyɛ́.”