Amavesi eBhayibheli adumile avela kokuthi Zhã 14

Dlulisela

“À nʼâ yẽ̌ yə̀-zùlə́ ne à pɛ ába. Yə̀-zùlə́ né nə̀myɛ́ shí àmyɛ́ cìcì sõ. Nə̀ də̀ yə̀-zùlə́ né nyɛ̀bɛ́ lũ w lyì bí nʼê pɛ mɔ́ yé. Rə̀myɛ́ ce, á wun bə̀kʼa zhìlì, sə ywẽ bə̀kʼa zə ába yé.

Yezu wɔ̀ mɔ̀: “Àmyɛ́ à wɔ́ sɔ́má yá, a jʼà wɔ́ zhə̀nà, ǹdə́ nyǔ. Lò lò wàr ń mà n vò à Da sõ, ǹdə́ ń gə yə̀ àmyɛ́ nɛ tó yé.

Rə̀myɛ́ yó, Yezu zɛ̃̀ n wɔ̀ ń kwã-lyì bí ni: “Á wun bə̀kʼa zhìlì yé. Zhínə Yi ni, sʼá zhí àmyɛ nɛ.

sə à Da la sanna dõ tũ̌ n bə̀ á sono. Wɔ́ ńmyɛ̌ ń mà n cèrhè ába kɔn gakó, sə n lyǐrh ába kɔn dɛ̀bɛ́ gakó à yʼà byili ába mó. Sə sanna mɔ́ ńmyɛ̌ wɔ́ Eshirhə náàcɛ̀nɛ́ à Da la tũ̌ e bə̀ àmyɛ́ yil yilə.

“Lò mɔ̀bɔ́ ǹ nə́ ǹ zwẽ à nyə́ né, ń jà ǹ nə́ ǹ wɛ̀rhɛ́ ǹdə nə̀ gə́ nʼê byili ní, wɔ́ ǹmyɛ́ ǹ só ne. Sə lò mɔ̀bɔ́ ǹ só ne, à Da mà n swéné mó, sə àmyɛ́ mʼa swéné mó, a ce ń lwar à párá.”

sə à mʼa lwə̀l à Da nɛ, bə̀ ń pə ába sanna dõ n bə̀ n yə̀ nɛ́ ǹdʼába twéé twéé. Sanna mɔ́ ńmyɛ̌ mɔ́ wɔ́ zhə̀n-cí Eshirhə. Lũ w lyì bí bə mɔ nɛ yé, bə jʼà yə̀l ń pár yé. Rə̀myɛ́ ce, bə̀ wàr mɔ̀ bə̀ la zõ yé. Sə ámyɛ̌ yě ń párá, bə̀ ń ŋwɛ́nɛ́ ǹdʼába, ń jě á wẽ́.

Sə kɔn dɛ̀bɛ́ gakó á gə lwə̀l àmyɛ́ yil yilə, à mʼa wɛ̀rhɛ́ rɛ, mùnì Byǐ mú ce ń Da zùwə́ y du. Á gə lwə̀l nè kɔn àmyɛ́ yil yilə, à mʼa wɛ̀rhɛ́ rɛ.

“Á gə só ne, á mʼâ zwẽ à nyə́ né á cĩ́ á wẽ́

Jààsɛ̀ nánzhəzhɔ̌ ŋwɛ́nɛ́ à Da sõ kɛ̀lɛ́ wa. Jààsɛ̀ gə yʼà tɛ̀nɛ́, à yʼà tʼâ la ába wál bʼà la vò a kwɛrhɛ jàà a cĩ́ ába yé.

Sə à gə zhə̀l à kwɛrhɛ y à zhɛ̀, à mʼa kʼa bʼa zə ába a mʼa vò, mùnì ga ámyɛ yə̀ à gə́ la mə̀gã̌ yál mɔ́.

Tɔma zɛ̃̀ n wɔ̀ mɔ̀: “Cinu, nə́ yə̀l ǹ gə́ la mə̀gã̌ yé. Etər nə́ mʼâ tó né nə́ lwar sɔ́má y shò?”