Amavesi eBhayibheli adumile avela kokuthi Tùntúmə́ bé 2

Dlulisela

Pyɛɛrɛ zɛ̃̀ n wɔ̀ bɛ: “Pyìrhínə á wun, sʼá mə̀dù mə̀dù gakó zwẽ nɛ̃̌-shɔ Yezu Kristə yil lé yilə, mùnì Yi pə ába á yə̀-bəlwàálɛ́ sǔbri, sə rə pə ába Eshirhə náàcɛ̀nɛ́.

Bə̀ yʼà zhe yə̀wâl bə̀ tʼâ kwàrh ǹdə́ tùntúmə́ bé kàrmɔ́ cilu yé; bə̀ zhe dwã twéé twéé ǹdə da-byâ ta sónó ǹdə́ nyì-dwìì wẽ́; bə̀ yʼà nʼê kɛ́ búrú w bə̀ tə̀l ǹdə́ dwã; bə̀ yʼà nʼê tó dwã bə̀ ce Yi.

Bə̀ gakó sú ǹdə́ Eshirhə náàcɛ̀nɛ́, bə zɛ̃̀ bə̀ nʼê zɔ̀m dwə́ dwã zɔ̀mà ǹdə Eshirhə náàcɛ̀nɛ́ gə́ pɔ bɛ ŋwɔ̀nɔ́ bə̀ bə̀ zɔ̌m nɛ́.

Sə twər rə̀dù sá, sɔ̀ ǹdə zho nánfɔ̀lɔ̀ ò nʼô wùl ta shí dɛ̃̌, o bə̀ o sú jì y bə̀ yʼà jě è wẽ́ mó. Bə jʼa zɛ̃̀ bə nə wẽ̀ rə̀ nyɛ̌ ǹdə myǐn mə̀jə̀ə̀lè ta, rə̀ pɔr dwã nɛ rə̀ nʼê swé lò gakó yó wə. Bə̀ gakó sú ǹdə́ Eshirhə náàcɛ̀nɛ́, bə zɛ̃̀ bə̀ nʼê zɔ̀m dwə́ dwã zɔ̀mà ǹdə Eshirhə náàcɛ̀nɛ́ gə́ pɔ bɛ ŋwɔ̀nɔ́ bə̀ bə̀ zɔ̌m nɛ́.

Bə̀ yʼà nʼê wɛ̀rhɛ́ nyí rə̀dù; bə̀ yʼà nʼê gùlí dwã Yi jì y kɔ̀nɔ́ w wẽ́ dɛ̃ gakó bə̀ ce Yi. Bə̀ yʼà nʼê kɛ́ búrú w bə̀ tə̀l ǹdə́ dwã bə̀ sõ kâlsɛ́ wẽ́; bə̀ yʼà nʼê jí bə̀ kùjú w ǹdə́ wu-nyɔ̃̀; bə̀ bə zwini zhe ǹdə́ dwã yé. Bə̀ yʼà nʼê cèrhé Yi, sə lyì bí gakó yʼà só be. Dɛ̃ gakó, Cinu yà ń nə́ ń ce byɛ̀bɛ́ ń vwârh mɔ́ twí bə̀ súlí bə̀ gùlú w ni.

‘Dwã nɛ́ nánkwaá nɛ́ gə tú è yúwə́, à bʼa ce à Eshirhə y só lyì bí gakó yó wə. Á byâ bɛ́ ǹdʼá bə̀kwá bɛ́ mʼa zɔ̀m zɔ̀mà nyɛ̀bɛ́ à byili bi mú. À mʼa ce á bɔ́bwá-dàlá bɛ́ yírhə́ nə kɔn dɛ̀bɛ́ numbyíní yírhə́ wàr nə̀ nɛ. À mʼa byili wẽ̀ á náncɛsɛ́ nɛ dàrhà wẽ́.

Byɛ̀bɛ́ gakó bə̀ yʼà zù Kristə yʼà zhe nyì-dwìì ǹdə́ dwã; bə̀ yʼà nʼê ce bə̀ kɔn gakó dwã yó. Bə̀ yʼà nʼê yè bə̀ cɛsɛ́ ǹdə́ bə̀ wẽ̀ dé, bə zɛ̃̀ bə tə̀ kɔn dɛ́ dɛ̀bɛ́ bə̀ nɔ mɔ́ bə̀ gakó ne, lò gakó ǹdə ń gə́ zhe rə̀ tum ní.

Sə lò mɔ̀bɔ́ gakó ǹ lwə̀l Cinu sãɔ̃, ń mà n vwârh mɔ́.’

nə̀nyɔ́nɔ́ w bʼa jǐrh námbyṹ; cànà y bʼa jǐrh nánshɔ̃̀ ǹdə jal ta, fòró Cinu dɛ̃ rɛ́ nánfɔ̀lɔ̀ w zɛ̃̀ rə yí.