Amavesi eBhayibheli adumile avela kokuthi Roma 15

Dlulisela

Nwi faŋ ŋwə yɨsə vɨɨ kɨꞌ məbwey vəlwaŋ, kwàŋ məŋaytə nə məduꞌ-nyɔŋ taa fwisə viŋ, ŋwə lwaŋ, buꞌ faŋ viŋ nùŋ fwi siŋ maa ŋwə nə. Zwitə Ley Nwi baa luu kɔ̀ wutə tɨ́ viŋ, tɨ́ kaꞌ viŋ kɨ kɨꞌ məbwey ghɔ́ nə fwi yiŋ yinshə.

Nɨniŋ, vənu vənshə faŋ vɨɨ ywaŋ-vɨsɨ nə nyɔ̀ꞌ nə, vəŋ nə ŋwàꞌlə laa nsiŋ kɨ zwetə fɨ fuŋ. Baa nə laa nsiŋ kɨ jiatə yiŋwaa nyaa-nsiŋ, baa zwisə fwi saŋ-nsiŋ nɨzi, kɨꞌ məbwey vəlwaŋ fɨ ghɔ Nwi.

Nshɨ-tɔ Nwi faŋ ŋwə yɨsə vɨɨ jia fwisə vəŋ taa ŋɨꞌ, baa zwìsə fwisə vəŋ nɨzi, yɨsə viŋ bɨꞌtə vənu viŋ shəŋ muꞌ, faŋ mbə kùꞌnə maa nu Yeso Kristo. Nɨniŋ laa viŋ kɨ bəŋsə Nwi, tɨɨ tɨta ŋwaa-nsiŋ Yeso Kristo nə fwi yiŋ yimuꞌ, baa nə yigisə yiŋ yimuꞌ nɨzi.

Nɨniŋ, viŋ kɨ biŋ yiŋwaa yiŋ, viŋ viŋ, sheꞌ faŋ Kristo nə bìŋ nsiŋ nə. Nsiŋ kɨ bəŋsə Nwi nɨniŋ.

Bàw wə tɨ̀ me wə fɨ taa ŋwaa nsiŋ yɨ nu ŋkɨə faŋ ŋkə bàw tɨ́ vaŋ-nshwi vaŋ-nsiŋ, nə ŋkɨə faŋ ŋkə gaŋtə vəŋ maa məgə vɨsɨ vɨsɨ nə nu Kristo.