Amavesi eBhayibheli adumile avela kokuthi Roma 12

Dlulisela

Kɨ viŋ kɨ toꞌ ghuu yitoꞌ kiŋ maa jɨɨ mbi nyə̀ me. Viŋ bee kii kwìinə fwi siŋ nə mbɨꞌtə yiŋ, kɨ kwaꞌtə nu ŋkɨə faŋ Nwi kəə laa viŋ kɨ yɨ. Nɨniŋ laa viŋ kɨ yɨsə nu faŋ ŋkə lùu kəjəə, baa ndɨŋ tɨ́ Nwi, nə ŋkɨə faŋ ŋkə bàw shɨlə.

Nɨniŋ, vaŋ-nshwi vaŋ, faŋ mə nəə tɨsə viŋ buꞌ gəŋsə Nwi, faŋ Nwi kee gəŋ saŋ-nsiŋ nə, bàw laa viŋ fiŋ ŋwaa tɨ́ Nwi, lùu vəkɔ vi vəbweyvə faŋ mbə bàw shɨlə, baa ndɨ̀ŋ tɨ́ Nwi nɨzi. Lùu faŋ ŋkə bàw maa məfaꞌ tɨ́ Nwi.

Ŋaytə buꞌ məbwey vəlwaŋ faŋ viŋ kɨꞌ ŋwə nə, jia fwi maa ŋɨꞌ, weꞌ maa məshɔꞌtə Nwi.

Kɨ biŋ laa nu bwə ghɔꞌ ghɔ me, bee kii yɨsə nu jəə, ghɔꞌ nu bwə nə nu jəə kɔ́.

Faŋ viŋ lùu vaŋ-nshwi nə, viŋ kɨ kawnə yiŋwaa yiŋ nə fwi yijəə, kɔ feenə tɨ́ vaŋ-nshwi viŋ shɔ̀ɔ faŋ vəŋ kɔ̀ tɨ́ viŋ.

Viŋ kɨ kaw vɨɨ, kee kaw nə njyoꞌ səbɔɔ me. Viŋ bee nu bwə, jìa luu nu faŋ lùu nu jəə.

Viŋ kəə jɨɨ maa məduꞌ nyɔŋ viŋ vɨ vɨɨ vənshə. Kɨ ŋgaasə ndɔ fɨ kwiŋ viŋ me.

Vaŋ-nshwi vaŋ faŋ mə kàw, kɨ viŋ ndɔꞌ ntwi tɨ́ wə me! Bàw viŋ meꞌtə, naꞌ, nsɔꞌ Nwi ŋii wə ghɔ́, sheꞌ faŋ ŋkə lùu taa ŋwaꞌlə Nwi laa, Nwi gì laa, «Məndɔꞌ ntwi lùu nu kaŋ, mə taa kɨ ndɔꞌ ntwi maa vənu faŋ vɨɨ yɨsə tɨ́ viŋ.»

Viŋ kɨ faꞌ nə wutə, kee bəə ŋay me, faꞌ luu fɨ maa Zwitə Ley Nwi, faꞌ tɨ́ Nwi nə fwi yimuꞌ.

Nɨniŋ, mə buꞌ ghɔ tɨ́ viŋ tɔ tɔ laa, kɨ wə kɨ bɨꞌtə laa mfɨꞌ nu yi bàw shɔ̀ɔ faŋ mfɨꞌ fwi yi lùu me. Mə gì tɨ́ viŋ nɨniŋ buꞌ mənɔŋ-bwaŋnə Nwi faŋ Nwi nə kèy mə shɔ nə. Bàw wə kɨ fɨꞌ nu ki nə yitɔfə fɨ maa mfɨꞌ məbiŋ wi faŋ Nwi kɔ̀ tɨ́ ŋwə, ŋwə nùŋ fwi yi maa Kristo nə.

Kɨ viŋ kɨ bəŋsə nu bwə tɨ́ wə nə bwə me, lumə sheꞌ maa məyɨ nu jəə sɨ vɨɨ vənshə.

Mbɨꞌtə yiŋ luu yimuꞌ. Kɨ viŋ kɨ bɨꞌtə nu məkoꞌsə ŋwaa me, bee kii suꞌsə yiŋwaa yiŋ nsi, kee tii yiŋwaa yiŋ nə vɨɨ yitɔfə me.

Baa nə laa, «Kɨ luu jɨŋ za wuu mbeenə wə, a kɔ̀ fazɨ tɨ́ ŋwə, ŋwə zɨ. Kɨ luu fwi yi yɔŋ, a kɔ muu tɨ́ ŋwə, ŋwə nu. A yɨ nɨniŋ, buu tɔ ki taa dɨɨ.»

Viŋ tu mənɔŋ-bwaŋnə tɔ vɨɨ mbɨə faŋ vəŋ shoꞌ ghuu ghiŋ. Viŋ tu mənɔŋ-bwaŋnə tɔ vəŋ, kee kɨ ndasə vəŋ me. Viŋ kɨ ŋaytə viŋ vɨ vɨɨ mbɨə faŋ vəŋ ŋaytə, gwia viŋ vɨ vɨɨ faŋ vəŋ gwia.

Viŋ kɨ gaŋtə vɨɨ ley Nwi mbɨə faŋ vəŋ bəə fa, ndi vəndɔ taa ndɔꞌ viŋ nə fwi yijəə.

Nsiŋ lùu yaa vəlaŋ faŋ mbə lùu vəyaŋ mbɨɨ ŋwaa wə muꞌ nə. Vənu mbɨə faŋ vəlaŋ və ŋwaa vɔ́ yɨsə, kee lùu nɨndɨŋ me. Sheꞌ nɨniŋ, nsiŋ lùu vɨɨ vəyaŋ, faŋ nsiŋ vɨ Kristo lùu nə fa kəmuꞌ nə. Nsiŋ lùu yaa ŋwaa wə muꞌ, vəlaŋ və ŋwaa luu nɨŋkwiŋ nɨŋkwiŋ.