Amavesi eBhayibheli adumile avela kokuthi Roma 1

Dlulisela

Tɔ kaŋ kee dɨdɨɨ maa ntɔŋ yijəə Nwi yɔ́ me, buꞌ laa lùu nu wutə Nwi, faŋ ŋkə kɔ məbwey vəlwaŋ tɨ́ vɨɨ mbɨə faŋ vəŋ nùŋ fwisə vəŋ maa Kristo, zì fɨ maa vɨɨ Jus, gə kɔ tɨ́ vɨɨ tɔmə day.

Ntɔŋ Nwi yɔ́ twelə tɨ́ vɨɨ faŋ Nwi kìasə vənu və vɨɨ, faŋ vəŋ nùŋ fwisə vəŋ maa ŋwə, mbə loomə, vəŋ baa kɨ nii nùŋ fwisə vəŋ maa ŋwə, wèꞌ shɔ, gə̀ vɨsɨ vɨsɨ. Luu sheꞌ faŋ ŋkə lùu taa ŋwaꞌlə Nwi laa, «Wə ntɨə faŋ nu ki lùu kəloomə, ndɔ zɨ məbwey vəlwaŋ, buꞌ laa ŋwə kwàŋ fwi yi maa Nwi.»

Maa kaꞌ wə yè vətɔ mbɨə faŋ Nwi nə bɔ̀ŋ, shù fɨ faŋ Nwi nə bɔ̀ŋ mbi nə. Wə kɨ kwatə tɔ ki, buu kaꞌ ŋwə kɔꞌ kɨɨ laa wə ntɨə faŋ ŋwə nə bɔ̀ŋ vətɔ vɔ́ lùu shɔ, baa lùu weꞌ, baa lùu Nwi yinsəŋ, goꞌsə nɨniŋ yighee muꞌ. Kaꞌ wə kɨ̀ɨ nɨniŋ, faŋ kɔlə kaꞌ vɨ kee yè Nwi nə sɨ me. Nɨniŋ, nu kee lùu shɔ, tɨ́ kaꞌ vəŋ gì maa məfi yitɔ yivəŋ me.

Lùu nɨniŋ buꞌ laa vəŋ nəə kɔꞌ kɨɨ laa Nwi lùu shɔ, kee bee bəŋsə ŋwə yaa Nwi me, kee bwaŋ ŋwə me, bɨꞌtə sheꞌ vənu vədayday. Nɨniŋ, mbɨꞌtə vəŋ luu njyə ŋkɔmə fɨ taa fwisə vəŋ.

Vəŋ mèꞌ nu yinsəŋ Nwi, bìŋ təba, bəŋsə fa faŋ Nwi bɔŋ, kee bee bəŋsə nshɨ-tɔ Mbɔŋ vətɔ vɔ́ me. Bàw nsiŋ kɨ bəŋsə Nwi, Mbɔŋ yɔ́, ghee nshə, kee bwa me. Ŋkə goꞌsə nɨniŋ.

Fwi Nwi shə maa vɨɨ vənshə faŋ vəŋ twèy nu ki, yɨsə vənu vəbwəvə. Nsɔꞌ Nwi yiweꞌ fuu fɨ taa yizɔ, jìa vɨɨ vɔ́ faŋ vəŋ buulə̀ nu yinsəŋ, jìa luu vənu vəbwəvə.

Lùu ŋiꞌ nu ŋkɨə faŋ Nwi mèꞌtə vəŋ taa vənu və tɔ dɨɨ vəŋ, faŋ fwisə vəŋ ndɔ maa vənu vɔ́ nə. Vəki mèꞌtə maa məfaynə ghɔ vəndəə vəvəŋ, yuu Nwi nə nuŋsə vəŋ nə, ndi vənu mbɨə faŋ mbə kee kùꞌnə maa nuŋsə mbi me. Sheꞌ nɨniŋ, vəndɔŋ meꞌ nuŋsə mbi buꞌ vəki, səsə vəliŋ vəvəŋ vəndɔŋ, ghɔ vɨ vəŋ yɨsə vənu və tɔ dɨɨ. Nɨniŋ, nu bwə vəŋ gu tɔ vəŋ. Nwi mèꞌtə vəŋ laa yitɔ yivəŋ kùkə, buꞌ laa vəŋ nə kee biŋ jia nu ŋkɨə faŋ vəŋ nə kɨɨ kɔ̀ŋ Nwi fɨ taa fwisə vəŋ me. Nɨniŋ, vəŋ yɨsə vənu vənshə faŋ mbə kee yikuꞌnə me.

Vəŋ gisə laa vəŋ lùu vɨɨ tɔ ley, luu nə, vəŋ gu vəmfaw. Vəŋ mèꞌ wutə Nwi faŋ Nwi gòꞌsə yighee muꞌ, ndì luu fənyia faŋ mfə fɨ̀nə wə faŋ ŋwə kee goꞌsə me, tɨꞌnə me fɨ̀nə fənwə, tɨꞌnə me nyaa, tɨꞌnə me vətɔ faŋ mbə toꞌ fɨ nsi.