Fɛsitusɛ gi kyena Gyuda awura abelɛnsɛ mɔ asɛ Gyɛrusalem nno fɛɛ nkɛ gukue abɛɛ nkɛ gudu pɛi ne ɔ lɔɔ kii kyon Sɛsariya. Gyuda awura ako kee mɛ lii Gyɛrusalem kpe Sɛsariya. Wura Fɛsitusɛ gi loo nno mɔ, gɛdɛ kɛsɛ mɔ, ɔ kpaa kyena wura gɛgyapaa gɛbono so mɛ kya kyena gyi asa nbɛlɛ mɔ, ne o sun yɛɛ mɛꞌ kpaa kyu Pɔɔlo ba mɔ-ansi dɔ.
Mɛ kpaa bara Pɔɔlo mɔ, Gyuda awura abono mɛ lii Gyɛrusalem ba mɔ, mɛ yelɛ sindi Pɔɔlo ne mɛ kɛɛ abon belɛ-belɛ gikyɔ gyanꞌ mɔ so, yɛgɛ mɛŋ nyɛ ilaa ibono mɛ laa taalɛ tɔgɛ de iꞌ lɛɛ nyiile yɛɛ ibono mɛ tɔgɛ mɔ i gyɛ gɛsintin.