Amavesi eBhayibheli adumile avela kokuthi مَتّیٰ 27

Dlulisela

اُیلَن ساغات اوچ تُوِرِگی عیسی قاتی سِس بیلِن قیغیریپ:‏ ‏«‏ایلی، ایلی، لما سبقتنی؟»‏ یَعنی:‏ ‏«‏خوداییم، خوداییم!‏ نَمه اوچین مِنی تِرک اِتدینگ؟»‏ دییدی.‏

شُل واقت عیباداتخانانینگ پِرده‌سی یُقاردان آشاغینا چِنلی ییرتیلیپ، ایکَه بُلوندی، یِر تیترَپ، داشلار یاریلدی.‏ قابرلار آچیلیپ، اُلِن اِنچِمه مُقادِّس آداملارینگ جِسِدی دیرِلدی.‏

عیسی یِنه-ده قاتی سِس بیلِن قیغیریپ، جان بِردی.‏

عیسی قاراوول‍لیق اِدیپ دوران اَفسَر بیلِن یانینداقی سِربازلار یِر تیترِمَنی، بُلان بِیلِکی زاتلاری گُرِنلِرینده، قُرقا دوشوپ:‏ ‏«‏دُغرودان-دا، بو خودایینگ اُغلی میشدیق!‏»‏ دییدیلِر.‏

گونُرتان اُن ایکیدِن اُیلَن ساغات اوچه چِنلی هِمّه یوردی قارانگقیلیق آلدی.‏

پیلاتُس اُلارا:‏ ‏«‏اُندا مِن مسیح دییّلیَن عیسانی نَمه اِدِیین؟»‏ دییّپ سُرادی.‏ اُلارینگ هِمّه‌سی بیراغیزدان:‏ ‏«‏اُل صلیبه چویلِنسین!‏»‏ دییدیلِر.‏ پیلاتُس:‏ ‏«‏نَمه اوچین؟ اُل نَمه یامانلیق اِتدی؟»‏ دییّپ سُرادی.‏ اِمّا اُلار:‏ ‏«‏اُنی صلیبه چویله!‏»‏ دییّپ، خاص بِتِر قیغیریشدیلار.‏