Amavesi eBhayibheli adumile avela kokuthi Pemungkal 15

Dlulisela

Abram arapka TUHAN, lalu ketegal nya TUHAN ngumbai iya lurus.

Udah bekau nya, Abram bisi genera. Dalam genera nya iya ninga TUHAN bejaku ngagai iya munyi tu, “Anang takut, Abram. Aku deka nyaga nuan, lalu meri nuan upah ti besai.”

TUHAN lalu mai Abram pansut, lalu bejaku, “Uji nuan engkadah lalu ngitung bintang ti di langit. Baka nya meh pemayuh peturun nuan.”

Udah nya Abram lalu ninga TUHAN bejaku baru ngagai iya: “Ukai ulun nuan Elieser ti deka bempu pesaka nuan, tang anak lelaki nuan empu.”

Ku TUHAN bejaku ngagai iya, “Nuan enda tau enda nemu tu: bala peturun nuan deka nyadi orang kampar di menua bukai. Sida deka nyadi ulun di menua nya, lalu deka kena perinsa empat ratus taun.

Tang ku Abram nyaut, “TUHAN ti Pemadu Tinggi, nama guna upah ti deka diberi Nuan ngagai aku? Aku nadai purih, lalu orang ke deka bempu pesaka aku nya semina Elieser ari Damaskus.

Nya meh maya TUHAN ngaga siti sempekat enggau Abram. Ku TUHAN, “Aku besemaya deka meri semua menua tu ngagai bala peturun nuan, berengkah ari garis entara menua orang Ejip nyentuk ngagai Sungai Eupratis

Empat serak udah bekau nya, nya baru bala peturun nuan deka pulai baru ngagai menua tu, laban Aku enggai muru orang Amor sebedau sida nyadi chukup jai, lalu patut diukum.”