Amavesi eBhayibheli adumile avela kokuthi Luuk 4

Dlulisela

“A vovau sina Piran a xafutau senaso nane fo noxolau xena kuusan fasavat a Lagasai Roxo xe sina mu valagof. Nane fengau xena kuus fatexaas o nari aava ri vipis ri taa mulus tapinan; a mu mata piif ri taa kaalum fulaa e a mu rabuna aava ri waan lapaana gutan sina xaiyaas siri ri taa ta'ulai xaseri e xena kuus o lana mu yaan aanabe' a Piran i taa faxalit netaara pana roxoyan sina.”

Na Yesus a suie, “Lana Ferawaian sina Piran a kuus, ‘Nangus a Memai, a Piran siim, e no taa sisiak sina mon.’”

Na Yesus a suie, “Lana Ferawaian sina Piran a kuus ‘A mataa i taa pife siak a gutan sena bret sang mon.’”

Na Yesus xo aava bas xapiak pana Vovau Xaradak, a ta'ulan a Raarum Jordan e lapaana paamuian sina Vovau Xaradak nane sangas xolai la bina vingil. Nane waan pave a yaan sangafilu talafaat e lana mu yaan aanabe' ve na Setan a valame. Nane pi fafangan la maana yaan aave e lamina nane lagai.

Na Yesus a suie, “A Ferawaian sina Piran a kuus, ‘Muta valam a Memai aava Piran siim.’”

Layaan na Setan fo fataxapin a mu valaman aanabe' nane ta'ulane fefexaxaas a yaan fa'ui ina valaman i taa savat.

Na Setan a lisan falaxe xe la nobina laa'ui e lana yaan aava malaan sena yaamit, a faxalite pana maana mu bina xapiak. E nane xuus na Yesus, “A maana mu bina aave ri siak e ne paamuiane. Ne fexaxaas sena tavai nase' ta mataa ne vubuxane, pana maana mu bina aave. Tamo no taa fa'isinau pana Piran siim ne taa pisingan nano pana.” Na Yesus a suie, “Lana Ferawaian sina Piran a kuus, ‘Nangus a Memai, a Piran siim, e no taa sisiak sina mon.’”

Na Setan a lisane xe Jerusalem e fatigineie laa'ui paaliu xuluna tang lifu lotu e a kuus, “Tamo nano, no Natuna Piran, no taa tapin fasivi nano xa. Senaso lana Ferawaian sina Piran a kuus, ‘Nane taa feng a mu angelo sina xena faxatang faroxoi nano. Ri taa yaas nano xe laa'ui pana mari talo a kaam i taa pife du sui a faat.’” Na Yesus a suie, “A Ferawaian sina Piran a kuus, ‘Muta valam a Memai aava Piran siim.’”