Amavesi eBhayibheli adumile avela kokuthi Yahiya 3

Dlulisela

Kinalasahan teꞌed weꞌ Tuhanin manusiyaꞌin, hangkan sinōngan weꞌ ne Anakne dambuwaꞌ-buwaꞌin pinapatey, supaya kēmon masandel si Anaknen gaꞌi pasapeꞌ amban Tuhan saguwaꞌ ellum siye salama-lama laꞌi si panaꞌanan Tuhanin.

Pinapitu weꞌ Tuhanin Anaknen si dunya dumaꞌin ngalaboꞌan manusiyaꞌin hukuman, saguwaꞌ muwasan duseden.

Nambung si Isa, paꞌinne, “Sabennal akahante kew, bang aꞌahin gaꞌi inanakan balik, gaꞌi takitene pagbayaꞌan Tuhanin.”

Sine-sine sandel si Anak Tuhanin gaꞌi tewwaꞌ hukuman Tuhanin. Manggaꞌi masandelin, tewwaꞌ hukuman Tuhanin ne, peggeꞌ gaꞌ iye sandel pu si Isa, Anak Tuhan dambuwaꞌ-buwaꞌin.

Iye inin jānnen hangkan siye tewwaꞌ hukuman Tuhanin, peggeꞌ tiyaꞌ ne pitu si Isa si dunya ngadantaꞌan pikilan manusiyaꞌin, saguwaꞌ gaꞌi manusiyaꞌin mabayaꞌ si dantaꞌin. Kabayaꞌande lindemin peggeꞌ meꞌ hinanganden laꞌat.

Subey iye pasōng pinahadje saguwaꞌ aku subey ne padiyawaꞌ-diyawaꞌ,” paꞌin Yahiya.

Kēmon maghinang malaꞌatin bunsi teꞌed si dantaꞌin duk gaꞌi iye patapit si dantaꞌin, peggeꞌ gaꞌi iye bayaꞌ weꞌ takite meꞌ hinanganne malaꞌatin.

Sine-sine sandel si Anak Tuhanin ellum salama-lama. Saguwaꞌ manggaꞌi masandel duk manuhut si Anak Tuhanin, gaꞌ niyaꞌ umulne salama-lama. Bisan miyaꞌan, pateteg si iye mulkaꞌ Tuhanin salama-lama.

Si Musa awwalley, masa palaꞌine si lahat makagindew-gindewin magtuhut duk meꞌ bangsa Israꞌilin, ngahinang iye bantuk sawe amban tumbaga duk pinaꞌangkat duk binowet weꞌ ne diyataꞌ olom, supaya bang payaman meꞌ aꞌa bakas tatigtukin sawe miyaꞌan, kawuliꞌan siye. Damikkiyan aku, Anak Manusiyaꞌin, subey ku isab pinaꞌangkat diyataꞌ olom duk pinapatey

Malasa teꞌed Tuhanin si Anaknen duk inurungan iye weꞌ ne kapatut si kēmon-kēmonin.