Amavesi eBhayibheli adumile avela kokuthi Maatiuꞌ 5

Dlulisela

Nantoonge tee araka paro'aara antona'koo boong sipaavarupeu', teka sirang batanang-koo pante'aapeu' bakanoo', ee'noko teketa araka-antavuripeu' ookara nantoong pava-koo kuunge otoromaing. Tee' nari' diikaang araka araka-antaveriaing nantoong-koo uro'kanoo'ke diikaang nko-nko tampara ooaara Diuma tee paning-koong daangampaavaina'.”

Napo' dii' teing arakanuka ookara kansi'koo. Narung osi iu'koo dau kaniaapeu'nung tee baku'koo makosi deea'.

Biraanke-nupoong teing nantoong domang kiiroraa'nuka, ai' teing teing Kumponing ooaavaining.

Biraanke-nupoong teing nantoong peeravoroma nukaa'oromaing tee-koo aarumo koonto' siong-koo, ai' teing teing poovuriaining.

Teka ninge ee' naurampimang, teing diikaning kare-nupoong piaaverererimaatoaing. Teing dii' barakosi'daariaining biraankevereriai. Teing dii' munte'daariaining tampa' nkovereriai. Ee'noko teing dii' oraka' nkoraarima manki'antaraariaining kunsi-koo pakuereriai.

“Biraanke-nupoong teing nantoong biikaang tanuaang ataata'koo otoko tasi'pariaining, ai' muu' paninung tee teing okovoroaing.

Biraanke-nupoong teing mooa nkonuka, ai' teing teing Kumponinge baurukaa' tampuriaining.

Biraanke-nupoong teing nantoong orarunsiarimaing, ai' teing teing ee'ning Ovoringe dunsirunsi˜antavuriaining.

Biraanke-nupoong napo' teing nantoonge manki'antavaarimaatoaining aarumo koonto' siompaio', ai' tee Muu' Paninung tee teing biikaang.

Biraanke-nupoong teing nantoong piaa-baukonuka, ai' Kumponinge teing piaavuriaing.

Biraanke-nupoong napo' dii' tenang nantoonge deu'daarima manki'antaraariko ee'noko daana' avutevu'ai oraka' minkuraariko ning dii'ke siomerimaung-koo. Doturarima do'dero'de'dariai ee' noru'erima, ‘Niikaang moo' pankaing otong teke paning-koo.’ Ai' tee tee' nari' nantoonge teing nakaro-nupoong tee dii'pina' nari' manki'antavaariko', dii'koo uro'nupoong.”

Biraanke-nupoong teing Kumponing-koo aroo'ariri banainge otoromaing, ai' biikaang barenku okovoroaing tee ookara kansi' tare-koong.

“Dii' teing deva'nuka ookara kansi'koo, teka tee deva' tarii'noo' paa'arapeu'nung arekee' napo' tarii'antavupeu'? Tee aa' tee tamunsi'nung deemparing. Tamung doonko dua'uma nantoonge mmemme'koo makosi.

Tee'koo tampa' nari' nkoverimatoaing tee' Diuma paning-koong tampa' nari' otomana'.”

Teka ‘Ee'’ miru'ema ‘Ee'’ narung tampeai. ‘A’ miru'ema, ‘A’ narung tampeai. Aing-koo taapo'ning, teing masika' deto dovang, kara teieta naning orara-ita pomaing.”

“Dii'ke taaraverimaung uripo'keta aa'pui otoing, ‘Naninge dakaang duta ka'bampuko, makosi bakaang duta ka'bampaavaing maku'koo,’ ee'noko ‘Naninge dakaang si'da' naki'uko, makosi bakaang si'da' naki'aavai maku'koo.’ Teka ninge aa'dampimang, naninge oraka' nkoruko tanka'ni'peauka' tee. Naninge tampavine-koo amo'koo tanko'duko napo' bere'darako asi'nameng taura'peko tanko'duai.

Dakaang duta tampavine-koonge dua'antaruko deeko' orara aarumo-koo tee ka'bampera taapo' dua'eai. Tampa'na' da'koo navio' paa'aravaing dakaang ootukunung mono mosianung-koo dua'du'neenga. Ee'noko napo' dakaang birenge tampavine-aapenunge dua'antaruko deeko' orara aarumo-koo, tenaang napu'darara taapo' dua'eaing. Tampa'na' da'koo mono-koo navio' paa'aravaing dakaang ootukunung mono mosianung-koo nani'neenga.