Amavesi eBhayibheli adumile avela kokuthi Epesus 5

Dlulisela

Ye God wombaye mor, une ye wopake kando. Embe pille une singare yendo mal ye embe yene. Krais nono wopake kane, nono pille, yene gakle opa mirang yendo mal i God awi mal embe, ye una kanwopake kanne.

Ge pille ye singare yene ge kankune yemoye. Una nomane kulkul paro mal ge ye embe napanda, man. Ye nomane wopake panda moye. Ipon nono ye wanmon ge ege ke yero. Ge pille, ye egene yero ge kiwa po djinda, kondwe wopake ta kane i dal, ye kondwe ge al wanne.

Nu wain no singare keke ye djine. Man, ye djineke God Murble ye boll puka tonda moye. God epilye moye al ge ye gollang buk song yero ge dje awo, lotu gollang dje awo, God Murble gollang paro ge dje awo embe yene. Ye ellne tukne paknato ge gollang dje Iwa Kerman aune. Iwa Kerman Jisas Krais kandjiye al ge, ye ege ege wal porapora pille wopake we dje Nane God aune.

Ge pille, ye singare aulaul nayene, ye Iwa Kerman pro mal, pille kane yene.

Krais yene unakiye wopake kane, wopake moye dje pille, goi mal embe, ye iwa kambono ye gamane kanwopake yene.

Asa ye emill boll wani ba alla ipon ye Iwa Kerman boll moi pille, ye au djindo al waninj. Ge pille una au djindo al waninj una mor mal ye embe ye wanmoye.

Ye Krais kandjiye pille pla yemolo, God unakiye mor al ge menameto moye.

Ana kambono, ye Iwa Kerman moi al menameto mor mal embe, ye wogane mor al menameto moye.

Ba ye iwa kambono mor ge, ye yenekne kanwopake kaninj mal embe, ye gamane moye al kanwopake yene. Alla ana kambono ye moye ge, ye wogane kambono pille pla ye aune.

Baibel kandja embe bolo wori paro, Ge pille, iwa ta yene neme kere yene game boll bolo imbellka soka gaklene taimane panda mopell

Au djindo al nawaninj una mor ge megiye natonda. Ye ellke moye, ga yenj mal ye i pene woro man djine.