Amavesi eBhayibheli adumile avela kokuthi Icitendekelo 24

Dlulisela

Elyo alapepa ati, “We Yawe, Lesa wakwa shikulu Abrahamu, shi wingancitila lelo ico nyendele. Langa uluse kuli shikulu Abrahamu.

Kanshi cibe ukuti umukashana uo ndeisa eba nati, ‘Sendamika umutondo obe uleke nwemo amenshi,’ nao nga aleisa sosa ati, ‘Nwamo, kabili nalapeela ne ngamila shobe nasho shine amenshi,’ ninshi eo nabe uo wasalila umubomfi obe Isaki. Kuli ici, eko ndeishibila ukuti naulanga uluse kuli shikulu wandi.”

Isaki epakwingisha Rebeka mwitenti lyakwa nyina Sarah, amubuula ukuba umukashi wakwe. Efyo Rebeka asangwike umukashi wakwe. Isaki alitemenwe Rebeka, no mutima wakwe watalala ukufuma apo nyina afwilile.

Elyo bapaala Rebeka no kumweba abati, “We nkashi yesu ukasanduluke, amakana na makana. Kabili aba mu lupwa lobe bengalacimfya impongolo sha balwani babo.”

Ndefwaya ulape kuli Yawe, Lesa wa mulu na pano isonde ukuti tawakafwaile umwana wandi Isaki umwanakashi wakuupa pa bakashana ba muno calo ndeikalamo, abena Kenani. Lelo uli nokuya ku calo candi uko natula na kuli ba lupwa lwandi, eko ukaye buulila umwana wandi Isaki umwanakashi wakuupa.”