Amavesi eBhayibheli adumile avela kokuthi Icitendekelo 21

Kanshi Yawe alangulukile Sara pamo ngefyo asosele. Kabili Yawe epakucitila Sara ico amulaile.

Lesa alyumfwile uko umwaice alelila. Elyo malaika wakwa Lesa abilikisha Haga ukufuma ku mulu amweba ati, “Haga cinshi cilekucusha? Witiina nelyo cimo. Lesa naumfwa ukulila kwa mwaice palya alele. Ima, buula umwaice umutalalike, pantu nkalenga ukuti akabe umushobo ukalamba.”

Sara epakuba pabukulu, pa nshita ine ilya Lesa alaile epo Sara afyalile Abrahamu umwana umwaume ninshi Abrahamu mukote.

Sara epakusosa ati, “Lesa nandetela inseko, elyo na onse uukomfwako akaseka pamo na ine.”

Lelo Lesa aebele Abrahamu ati, “Wileka aya mashiwi pa mwaice no musha obe Haga yakucushe. Umfwa fyonse ifyo Sara akwebele pantu ni kuli Isaki eko ukakwatila abantu ba mu lupwa lobe.

Umwana wa musha nao nkalenga ukuti akabe umushobo uukalamba, pantu nao wine mwana obe.”