Amavesi eBhayibheli adumile avela kokuthi فیلیپیان ۲

Dlulisela

هیتّأ کارَ پست و مقام یا غرورٚ وأسی انجام ندید، بلکی فروتنی اَمرأ الباقی‌یَ شیمی جأ بهتر بدأنید. هیتّأ جٚه شومأن فقط خو نفعٚ رِه فیکرَ نوکونه، بلکی دیگرأنٚ فیکرم ببه.

شومأنم هوطو فیکر بوکونید کی عیسی مسیح فیکر کودی

اونی کی خودا اَمرأ همذات بو، جٚه اَنکی خودا اَمرأ برابر بو نخوأسته خو نفعٚ وأسی ایستفاده بوکونه، بلکی خورَه خألِه کوده و غولامی ذاتَ قوبیل بوکوده و اینسأنٚ شکل بوبوسته و اینسأنی شکلٚ دورون نمایانَ بوستنٚ اَمرأ خورَه خوار و خفیفَ کوده و تا مرگ، حتی صلیبٚ سر مردنٚ رِه موطیع بوبوسته.

چره کی خودایه کی خو کارٚ اَمرأ هر چی وأسی کی اونَ خوشحالَ کونه، هم ایراده و هم اونٚ انجام دَئنٚ قوّتَ در شومأن بوجود اَوره.

پس خودایم اونَ بحیساب سربولندَ کوده و ایتأ نام اونَ ببخشه کی هر نامٚ جأ بوجورتره کی هر زانویی عیسی نامٚ وأسی بچٚمٚه، آسمانٚ دورون، زیمینٚ سر و زیمینٚ جیر، و هر زوانی ایعتراف بوکونه کی عیسی مسیح خوداوند ایسه، کی خودای پئرٚ نام جلال بیأفه.

هر کاری‌یَ بی غُرغُر و دعوا مورافه انجام بدید، کی بی غلٚ غش و بی شیله پیله و خودا بی‌عیب و ایرادٚ زأکأن بیبید، نسلی دورون کی کج شوئون‌دره و جٚه رأ بٚدٚره کی شومأن اوشأنٚ میأن هَچین ستاره‌یأنٚ مأنستن اَ دونیا دورون نور دتأوأنیدی،

پس اَی شومأنی کی مِره عزیزیدی، هوطویی کی همیشه ایطاعت کودیدی، نه فقط می ورجأ بلکی حتی الأن کی شیمی ورجأ نئسَم خیلی ویشتر ترس و لرزٚ اَمرأ شیمی نجاتَ عمل بوکونید؛