Amavesi eBhayibheli adumile avela kokuthi یوحنا ۱۴

Dlulisela

شِمره آرامش بجا نَهم، می آرامشَ شمرَ فدم. اونچی کی من شمرَ فدم اونی نی‌یه کی دونیا شمرَ فده. شیمی دیل نیگران و هراسان نبه.

عیسی اونَ بوگفته: «رأ و راستی و حیات من ایسم، هیکس می پئرٚ ورجه نأیه مگر به واسطه‌یٚ من.

«شیمی دیل نیگران نبه! به خودا ایمأن بدأرید، به منم ایمأن بدأرید.

امّا او پشتیبان، ینی روح‌القدس، کی پئر اونَ به نامٚ من اوسه کونه، اون همه چیزَ شمرَ یاد دهه و هر اونچی کی من شمرَ بوگفتم، شمرَ به یاد اَوره.

اونی کی می احکامَ بدأره و از اوشأن پیروی بوکونه، اون مرَ دوست دأره؛ و اونی کی مرَ دوست دأره، می پئرم اونَ دوست دأره و منم اونَ دوست دأرم و خودمَ اونٚ‌ره آشکارَ کونم.»

و من از پئر خوأیم و اون، پشتیبانٚ دیگری شمرَ فده کی همیشه شیمی اَمرأ بِیسه، ینی روحٚ راستی کی دونیا نتأنه اونَ قوبیل بوکونه، چونکی نه اونَ دینه و نه اونَ شنأسه، امّا شومأن اونَ شنأسیدی، چره کی شیمی ورجه ساکنَ به و در آینده شیمی میأن ایسه.

و به نامٚ من هر چیزی کی بخوأیید، من اونَ انجام دهم، تا پئر در پسر جلال پیدا بوکونه. اگه چیزی به نامٚ من بخوأیید من اونَ انجام دهم.

«اگه مرَ دوست بدأرید، می احکامَ دأریدی.

می پئرٚ خانه میأن منزلٚ زیاده، وگرنه شمرَ گفتیم. شوئون درم تا جایی شِمره حاضرَ کونم.

او وخت کی بوشوم و جایی شِمره حاضرَ کودم، بعداً اَیم و شمرَ می ورجه برم، تا جایی کی من ایسم شومأنم بِیسید.

توما اونَ بوگفته: «اَمأن حتی نأنیمی کویه شوئون دری، پس چوطو تأنیم رایَ بدأنیم؟»