Amavesi eBhayibheli adumile avela kokuthi LUKE 6

Dlulisela

Ri lah odese nisi bo riphin jao ma; bo suyaba bokhoh ha nesik dada gaphao si nisi maiphin ma.

Subung hamba de jarni khah bising ni don bokhoh ni phrang grao hamba khe saiphlung re, ode subung hamya de boni khah bising ni don bokhoh ni phrang hamya grao khe saiphlung re. Ode khah ha gablaiyaba gaphaohi khuh ha jo re.”

Odebani nisi de jarni sotrurao khe hamjao lah, ode bonsi ham mane khusi dang lah; ar maiphin mane asa jayahi lagai ri lah, odese nisi hamthai ni yaosandi gabang mai hi judao thaoyaba ni sasik ja ma. Bo de khaja ba ringyayarao ode subung phaphirao khe bo khasao re.

Nisi ni bupha khasaoba lai ning nisi bo malai khe khasao lah.

Malai khe da musu lah, odese ning bo musu jaoya ma. Saosi khe bo gajai da ri lah, odese ning bo gajai rijaoya ma. Malai khe map khlai lah, odese ning bo map khlai jaoma se.

Thikhabo, nisi ani grao khnayarao, nisi niha ang thi du, nisi ni sotrurao khe hamjao lah. Nisi khe sere naisle du bonsi ni basaoha hamba khusi khe dang lah. Nisi khe sariyarao khe hamthai ri lah. Nisi khe dukhu riyarao ne Madai bi ri lah.

Madai nisi ni basaoha bede dang ma nangjao ba, nisi bo olei ning dang lah.

Nini bakhaolei khe malai saikhaosi gede bakhaolei ri kha de, saokhaosi gede bo ajao phin lah; ode nini rih khe malai lala kha de nini sola khe bo ri lah. Niniha malai sain kha de, ri lah; nini jinis khe malai lala kha de, da sain phin.

“Hamba buphang ha de hamya bathai thaiya, ode hamyayaba buphang ha hamba bathai thaiya.

Asaba buphang khe bo bathai ha tharmai phu du. Busuphang ha thaikhrao bathai khaoya, dukha ha grep bathai khaoya.