Amavesi eBhayibheli adumile avela kokuthi Maki 10

Dlulisela

“Taugu Loheyaiguina wete gide 'igu suluma bale'uwa geya 'abehega tomota weyahigu sipaihowa, ma hesi sabi paihowa tomota weyahidi, ma wete yatagwalegauwa ma ya'amasa tomota mabwaiyami 'ami 'ebelihasa weyahina.”

Coinega Yesu 'i'e'ebubudi ma 'igwaeya, “Ginaula bewa mwau hedada tomota 'oidiya, ma hesi geya mwauna Yehoba 'oina, weyahina Yehoba 'oina ginaula mabwaiyana sowasowana.”

Ta Yesu 'ihegwaeya, 'igwae, “Bwebwe'ana! Cino hemisa 'oinega matau 'i'asilala.” Nage 'oina matana 'i'asilala, ma 'edai Yesu 'imuliyeya.

Yehoba 'ilagu 'aigedediya, 'oinega geya sowana tomota sitoho ma silagulagu wasiyedi.”

Coinega Yesu ma'ina yaliyaya loheyaina 'i'ebubuya ma 'igwae, “Beno tuwa 'aigeda ginaula 'ilosapuligowa. Coinega 'uhila 'ino 'asa, ma 'ino tobwatobwa mabwaiyana 'uhegimwaneye, ma 'adi maisa 'uheguyaiye towewelohe 'oidiya, eema 'unaoma 'umuliyegau, 'abwa muliyetega 'ino wasawasa galewa 'uloba hila.”

Cinaoma ma Yesu 'ihegwaeya, 'igwae, “To'aha nuwanuwau ma weyahiu yapaihowa?” Ma tomata gibugibuina 'igwaeya, “Bada, sawasawahina ma matagu 'ugihe'asilala?”

Ma 'omi geya'abwa wete gide taudi wapaipaihowa 'esa. Ma hesi taiya 'owa 'eguma nuwanuwau ma 'oimiyega 'uhetoloina, 'ilobwainegowa ma 'iyamwao weyahidi 'uhetopaihowa.

Yahegwaegomi 'eguma taiyewedi taudi geya'abwa gwagwama bewa gide 'idi hemisa, nata sahena Yehoba 'ina 'ebeloina 'oina siluhuluhu.”

Ta bewa tutaina tohanugetao baibaiwadi 'abwa simuliya, ma taudi simulimuliya 'abwa sinugeta.”

Ma hesi wanuwatuhuyahi Yehoba 'ina hemasalaha hauhauna 'oinega tomota 'eluwa 'ihemasalahediya, loheyana ma mewahinena. Bewa lamuna 'oinega loheya tamana ta sinana 'i'ebesinedi, ma mwanena ba'idana simiyaluwa, ma siteluwaedi wahidi 'aigeda tuwa. Mwalo siteluwaedi simiya wasiwasiya, ma bewa tutaina 'oina silo'aigeda.