If you would like a copy of this version please contact info@davaraudiobibles.org

Tuwali Ifugao Bible © 2004, Wycliffe Bible Translators, Inc. All rights reserved. (Text)
Tuwali Ifugao Old Testament Audio Bible ℗ 2025, Davar Partners International. (Audio)

Tuwali Ifugao Old Testament

<div class="version vid2123 iso6393ifk" data-vid="2123" data-iso6393="ifk">
   <div class="book bkGEN">
      <div class="chapter ch7" data-usfm="GEN.7">
         <div class="label">7</div><div class="s1"><span class="heading">Hay hinumgopan da Noah nah bapor</span></div><div class="p"><span class="content">  </span><span class="verse v1" data-usfm="GEN.7.1"><span class="label">1</span><span class="content">Kanan APU DIOS ke Noah di &#8220;Humgop kayun am-in an himpamilya nah bapor. Man-uke ya tibtibbok an am-in hantudah tatagu ya he-a ya abuy maphod. </span></span><span class="verse v2" data-usfm="GEN.7.2"><span class="label">2</span><span class="content">Tibom ta umipaghop kah himpipitun numbullubullug nadah aggayam an napilin miappit ke ha-on ya ohan numbullug ya abu nadah adi miappit. </span></span><span class="verse v3" data-usfm="GEN.7.3"><span class="label">3</span><span class="content">Ya pakipaghop yu boy himpipitun numbullubullug am-in hanadah hahamuti. Athituy atom am-in hanadah nunhihinnatkon an aggayam ta waday mumbunat hituh luta. </span></span><span class="verse v4" data-usfm="GEN.7.4"><span class="label">4</span><span class="content">Te mala-uy pitun algo ya ipaalik di udan ta umudan hi nap-at an algo ya nap-at an hilong ta mama-id am-in di matagun lintuk.&#8221;</span></span></div><div class="p"><span class="verse v4" data-usfm="GEN.7.4"><span class="content">  </span></span><span class="verse v5" data-usfm="GEN.7.5"><span class="label">5</span><span class="content">Ot aton Noah am-in dadiyen kinalin APU DIOS an atona. </span></span><span class="verse v6 v7 v8 v9 v10 v11 v12" data-usfm="GEN.7.6+GEN.7.7+GEN.7.8+GEN.7.9+GEN.7.10+GEN.7.11+GEN.7.12"><span class="label">6-12</span><span class="content">Hiya ya nan inayana, nadan imbabalena ya nadan inayan da ya hinumgop da nah bapor ta adida malting. Hanadan numbullubullug an aggayam an miappit ya nadan adi miappit ya immali da ot humgop da nah bapor. Takon nadan numbullubullug an hamuti, nadan mungkaddapan ya nadan mumbulluhan ya immali da damdama nah bapor ot humgop da. Ot handih nala-uy pitun algo an kediye ya mikahimpulut pitun algon diyen mikadwan bulan kediyen toon ya linappuwana tut-uwa anhan an umudan. Intottool nay udan hi nap-at an algo ya nap-at an hilong ya mumpun-otbol di danum ya takon nan kabunyan ya kay nalukatan ta namahig di udan ot malbongan di luta. Ya kediye ya onom di gatut di toon Noah.</span></span></div><div class="p"><span class="verse v6 v7 v8 v9 v10 v11 v12" data-usfm="GEN.7.6+GEN.7.7+GEN.7.8+GEN.7.9+GEN.7.10+GEN.7.11+GEN.7.12"><span class="content">  </span></span><span class="verse v13" data-usfm="GEN.7.13"><span class="label">13</span><span class="content">Nalbongan di luta, mu da Noah, nan inayana ya nadan imbabalena an hi Sem, hi Ham ya hi Japet, takon nadan inayan da ya uggeda nalting te hinumgop da tuwali nah bapor. </span></span><span class="verse v14,15" data-usfm="GEN.7.14+GEN.7.15"><span class="label">14,15</span><span class="content">Ya nadan numbullubullug an nunhihinnatkon an aggayam, maayum ya mailom, takon nadan muntayyapan ya nakiha-ad dan am-in ke dida. </span></span><span class="verse v16" data-usfm="GEN.7.16"><span class="label">16</span><span class="content">Hidiyey kinalin Apu Dios an aton da. Ot kediyen hinumgopan da am-in nah bapor ya indakkig APU DIOS nan panto.</span></span></div><div class="s1"><span class="heading">Hay nalbongan di luta</span></div><div class="r"><span class="heading">(</span>2 Pedro 2:5<span class="heading">)</span></div><div class="p"><span class="verse v16" data-usfm="GEN.7.16"><span class="content">  </span></span><span class="verse v17" data-usfm="GEN.7.17"><span class="label">17</span><span class="content">Taganay udan hi nap-at an algo ot adallom mo nan danum ya timmap-o nan bapor. </span></span><span class="verse v18" data-usfm="GEN.7.18"><span class="label">18</span><span class="content">Nabigat on mungkadakol nan danum an tumag-en tumag-e yaden muntaptap-o nan bapor. </span></span><span class="verse v19,20" data-usfm="GEN.7.19+GEN.7.20"><span class="label">19,20</span><span class="content">Takon nadan nungkatag-en bibilid tuh luta ya hinabyat na. Tagan di danum di tag-e ta loktat ya nahawwal hi onom an metroy katag-ena nah tap-on dadiyen natag-en bibilid. </span></span><span class="verse v21 v22 v23" data-usfm="GEN.7.21+GEN.7.22+GEN.7.23"><span class="label">21-23</span><span class="content">Ot mama-id am-in di matagun munyahyahya tuh luta, nadan tatagu, nadan aggayam, mailom ya maayum, nadan mumbulluhan ya nadan hahamuti te nalting dan am-in. Hay ya abu nihwang an ugge nalting ya da Noah ya nadan udum an wadan nah bapor. </span></span><span class="verse v24" data-usfm="GEN.7.24"><span class="label">24</span><span class="content">Hanan danum ya ug-ugge dimma-ul inggana nala-uy hinggatut ta nalimay algo.</span></span></div>
      </div>
   </div>
</div>

Kanan APU DIOS ke Noah di “Humgop kayun am-in an himpamilya nah bapor. Man-uke ya tibtibbok an am-in hantudah tatagu ya he-a ya abuy maphod. Tibom ta umipaghop kah himpipitun numbullubullug nadah aggayam an napilin miappit ke ha-on ya ohan numbullug ya abu nadah adi miappit. Ya pakipaghop yu boy himpipitun numbullubullug am-in hanadah hahamuti. Athituy atom am-in hanadah nunhihinnatkon an aggayam ta waday mumbunat hituh luta. Te mala-uy pitun algo ya ipaalik di udan ta umudan hi nap-at an algo ya nap-at an hilong ta mama-id am-in di matagun lintuk.”
Ot aton Noah am-in dadiyen kinalin APU DIOS an atona. Hiya ya nan inayana, nadan imbabalena ya nadan inayan da ya hinumgop da nah bapor ta adida malting. Hanadan numbullubullug an aggayam an miappit ya nadan adi miappit ya immali da ot humgop da nah bapor. Takon nadan numbullubullug an hamuti, nadan mungkaddapan ya nadan mumbulluhan ya immali da damdama nah bapor ot humgop da. Ot handih nala-uy pitun algo an kediye ya mikahimpulut pitun algon diyen mikadwan bulan kediyen toon ya linappuwana tut-uwa anhan an umudan. Intottool nay udan hi nap-at an algo ya nap-at an hilong ya mumpun-otbol di danum ya takon nan kabunyan ya kay nalukatan ta namahig di udan ot malbongan di luta. Ya kediye ya onom di gatut di toon Noah.
Nalbongan di luta, mu da Noah, nan inayana ya nadan imbabalena an hi Sem, hi Ham ya hi Japet, takon nadan inayan da ya uggeda nalting te hinumgop da tuwali nah bapor. Ya nadan numbullubullug an nunhihinnatkon an aggayam, maayum ya mailom, takon nadan muntayyapan ya nakiha-ad dan am-in ke dida. Hidiyey kinalin Apu Dios an aton da. Ot kediyen hinumgopan da am-in nah bapor ya indakkig APU DIOS nan panto.


Taganay udan hi nap-at an algo ot adallom mo nan danum ya timmap-o nan bapor. Nabigat on mungkadakol nan danum an tumag-en tumag-e yaden muntaptap-o nan bapor. Takon nadan nungkatag-en bibilid tuh luta ya hinabyat na. Tagan di danum di tag-e ta loktat ya nahawwal hi onom an metroy katag-ena nah tap-on dadiyen natag-en bibilid. Ot mama-id am-in di matagun munyahyahya tuh luta, nadan tatagu, nadan aggayam, mailom ya maayum, nadan mumbulluhan ya nadan hahamuti te nalting dan am-in. Hay ya abu nihwang an ugge nalting ya da Noah ya nadan udum an wadan nah bapor. Hanan danum ya ug-ugge dimma-ul inggana nala-uy hinggatut ta nalimay algo.

Lalela Genesis 7