Mwani - WBT Version (NT)

<div class="version vid1148 iso6393wmw" data-vid="1148" data-iso6393="wmw">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Mwenyezimungu amolota Insa kuwa Usemi wake</div><div class="p"> 1Tangu mwanzo &#225;kiwapo ire etiwa Usemi. Usemi&#8209;yo &#225;kiwa pamoja na Mwenyezimungu, na Usemi noyo &#225;kiwa Mwenyezimungu. 2Iye tangu mwanzo &#225;kiwa pamoja na Mwenyezimungu. 3Julu ya noyo Usemi&#8209;yo, vinu piya vyumbiwa. Acipo kinu anta kimoja cumbiwe bila Usemi. 4Usemi noyo ndi nviriro wa mainsha, na mainsha&#8209;yo ndi nuru ya wanadamu. 5Nuru ilangaza pakisi, ila kisi acikidiri kwinukaza panuru.</div><div class="p"> 6Sambi, akiwapo mwananlume mmoja wakwitiwa Yahaya k&#226;perekiwa na Mwenyezimungu. 7Iye k&#226;ja kulavya ushahidi na kwakikisha kuhusu noyo nuru&#8209;yo ipate wanu piya wakubali julu yake iye. 8Yahaya siyo nuru yambiwa&#8209;yo, ila iye k&#226;ja kulavya ushahidi wa noyo nuru&#8209;yo. 9Nuru yakweli yakuwamwarikira wanu piya ikingira mulumwengu&#8209;mu. 10Kweli, iye &#225;kiwapo mulumwengu&#8209;mu, na ulumwengu&#8209;wu umbiwa kwa ajili yake, fala wanu mulumwengu&#8209;mu awamwijiwe. 11Iye k&#226;jira cake, fala wanu wake iye mwanyewe awampokerere. 12Fala kwa piya wampokerere iye, waminire zina rake, iye kawapa haki ya kuwa wana wa Mwenyezimungu. 13Ewo awawere wana wa Mwenyezimungu kwa kupongoriwa kibinadamu wala w&#225;jibu wa ceje wala nafsi ya nlume, ila Mwenyezimungu mwanyewe ndi awaturire kuwa wanawe.</div><div class="s1">Usemi wa Mwenyezimungu utaduka binadamu</div><div class="p"> 14Usemi#1:14 &#8220;Usemi&#8221; mana ake ndi Insa Almasihi. utaduka kawa mwanadamu, kainshi kati yetu ofwe. Tiwona utukufu wake, utukufu wa mwana mmoja tu basi wa Baba, wakumwijala rehema na ukweli. 15Yahaya kalavya ushahidi kuhusu noyo, &#225;kilalamikanga akamba: &#8220;Eyu ndi noire wanikimwamba ire kuwa: &#8216; Ire &#225;ja bandi ya omi ndi bora pakulu koliko omi konta iye &#225;kiwapo tangu saninamba kupongoriwa omi.&#8217; &#8221; 16Ofwe piya tankupokerera utajiri wake nkulu, tankupokerera neema julu ya neema. 17Konta Taureti isusiwa julu ya mmakono mwa Musa, fala rehema na ukweli visuka julu ya Insa Almasihi. 18Tangu aapo munu ammonire Mwenyezimungu, ila Mwenyezimungu Mwana mmoja noyo tu basi, &#225;ri pamoja na Baba wake, iye ndi atifafanurire.</div><div class="s1">Ushahidi wa Yahaya mweny&#233; Koza</div><div class="p"> 19Ewu ndi ushahidi wa Yahaya wakati Mayahudi wa Yerusalemu wawaperekiwe kwake iye walongozi wa dini na waLawi#1:19 WaLawi w&#225;kiwa rikolo rimoja ra Mayahudi wakitumika nNyumba Takatifu. kuka kundairi: &#8220;Uwe kuwa nani?&#8221; 20Iye akitikiza aakanire, akitikiza javi: &#8220;Omi siri Almasihi#1:20 Nvushi Mwenyezimungu waalaizire kumpereka..&#8221; 21Ewo wakindairi: &#8220;Sambi, uwe kuwa nani? Uwe kuwa Aliyasi#1:21 Ona Malakiya 4:5.?&#8221;</div><div class="p">Yahaya akijibu: &#8220;Iii, sumi.&#8221;</div><div class="p">Wakindairi tena: &#8220;Uwe kuwa nabii maalumu#1:21 Ona Kumbukumbu 18:15.?&#8221;</div><div class="p">Iye akijibu: &#8220;Iii, siri.&#8221; 22Mwinsho wakamba: &#8220;Sambi, uwe kuwa nani? Tambire ipate tikawajibu watitumire ofwe. Wambani kuhusu uwe?&#8221; 23Iye akisema: &#8220;Omi ndi shauti &#237;ri kukuwa nlanga ikamba:</div><div class="q1">&#8216;Olosani njira ya Mwenye#1:23 &#8220;Mwenye&#8221; emu mana ake ndi Mwenye Insa. apite&#8217; kamba vya&#226;mbire nabii Izaya.&#8221;</div><div class="p"> 24(Kusema kweli, wanu ware w&#226;tumiwa na Mafarizeu.) 25Ewo wandairi tena, wamba: &#8220;Uwe auri Almasihi wala Aliyasi wala nabii maalumu. Sambi uk&#243;za sababuni?&#8221; 26Yahaya akiwajibu, akamba: &#8220;Omi niwoza wanu na mmaji, fala kati yenu umwe kawapo munu samumwijiwa iye caari. 27Noyo-noyoni ndi &#225;ja bandi ya omi. Kweli, mizizi ya tamango zake, sijuzi anta kufungula#1:27 Kufungula mizizi ya tamango &#237;kiwa kazi ya kitwana. Anta mwanafunzi wa mwanlimu aakifungula mizizi ya tamango za mwanlimu wake..&#8221; 28Evi piya&#8209;vi vikuna Betaniya, ng'ambu nyengine ya muto wa Yordani, Yahaya kaakozanga wanu.</div><div class="s1">Yahaya akwakikisha kuwa Insa ndi Mwana wa Mwenyezimungu</div><div class="p"> 29Subuu yake, Yahaya kammona Insa akija kwake, akamba: &#8220;Mmoneni ire ndi Kakondoo kalume#1:29 Ona Mwanzo 22:7-10; Kulawa 12:3-8. &#8220;Kakondoo kalume&#8221; ndi alama maalumu nkati ya Taureti na Injili. Akolota kafara ngema pakulu bila baka. ka Mwenyezimungu, kaperekiwe kuja mulumwengu&#8209;mu kuwalavya wanu madambi! 30Eyu ndi wanikimwamba panikisowera pare nikamba: &#8216;Bandi ya omi akuja munu bora pakulu koliko omi, konta saninamba kuwapo, iye &#225;kiwapo!&#8217; 31Nomimi sikimwijiwa iye, ila omi nija, nikozanga na maji, ipate iye afafanuriwe ka wanu wa Iziraeli.&#8221;</div><div class="p"> 32Na Yahaya kalavya ushahidi, kaamba: &#8220;Omi nimmona Roho akilawa binguni akimwisukira iye kamba pomba vyesuka, na Roho ire akimmotera emire novirevire. 33Omi&#8209;pa sikimwijiwa caari. Fala ire anipereke kuwoza wanu mmaji#1:33 &#8220;Kuwoza wanu mmaji&#8221; mana ake kuwatiwiza mmaji. kanambira javi: &#8216;Wausaka kummona akimwisukira Roho akimmotera&#8209;yo, noyo ndi aja kukozani na Roho Takatifu#1:33 &#8220;Kukoza na Roho Takatifu&#8221; mana ake Roho&#8209;yo kumwijala nfululu..&#8217; 34Omi niwona na niwa shahidi kuwa eyu Mwana wa Mwenyezimungu#1:34 &#8220;Mwana wa Mwenyezimungu&#8221; ndi zina rimojawapo retiwa Insa. Rikolota kupatana kwema ka Insa na Mwenyezimungu, kamba mwana na wawaye. Eri zina&#8209;ri aisema kuwa cipita kitendo ca muka na nlume, ila kupatana kukulu ka kiroho..&#8221;</div><div class="s1">Mwanafunzi mmoja wa Insa asema kuwa Insa ndi Almasihi</div><div class="p"> 35Subuu yake, Yahaya akikala tena nopare na wanafunzi wake wawiri. 36Pammonire Insa akipita, iye akamba: &#8220;Mmoneni! Ire ndi Kondoo wa Mwenyezimungu!&#8221; 37Wanafunzi wawiri ware wansikira akisowera, newo wakinfulata Insa. 38Insa akizungunuka, kawawona wakinfulata, iye akiwadairi: &#8220;Umwe musakulani?&#8221;</div><div class="p">Ewo wakimwambira: &#8220;Rabi&#8221; (mana ake Mwanlimu), &#8220;kufikira ndepi?&#8221; 39Iye akiwajibu: &#8220;Tukeni mukejiwe.&#8221; Basi wakilawa wakuka, wakiwona paafikire pare, wakikala naye noire suku ire. &#218;kiwa wakati wa ruremba.</div><div class="p"> 40Mmoja nkati ya wawiri ware &#226;nsikire Yahaya akisowera ikisa akinfulata Insa, &#225;kiwa Andere, nduye Ansumani Peduru. 41Kwa noure mpunde ure, kansakula Ansumani nyenyeye, akimwambira: &#8220;Timmona Almasihi!&#8221; (&#8220;Almasihi&#8221; mana ake &#8220;ire atawaziwe na Mwenyezimungu kwa namuna maalumu&#8221;.) 42Akintwala Ansumani akuka naye ka Insa. Insa akinnang'aniza, akamba: &#8220;Uwe ukwitiwa Ansumani, mwana wa Yahaya. Fala mwanzo wa rero, uwe zina rako Sefa&#8221; (kufasuli isema Peduru#1:42 Mana a &#8220;Peduru&#8221; ndi &#8220;riwe&#8221;.).</div><div class="s1">Insa ndi Mwana wa Mwenyezimungu</div><div class="p"> 43Subuu yake Insa akiwaza kulawa kuka Galileya. Iye akimmona Filipi, akimwambira: &#8220;Nifulate!&#8221; 44Filipi k&#226;pongoriwa kaya ya Betisaida, kwawo novyo Andere na Peduru. 45Filipi akinsakula Nataniyeli. Nakummona, akimwambira javi: &#8220;Timmona noire wansemire Musa nTaureti, kamba vyawandike novyo minabii wengine. Tinsingana Insa nNazareti, mwana wa Yusufu.&#8221; 46Akilawa Nataniyeli akamba: &#8220;Nazareti? Udaniza kuwa Nazareti cilawirira kinu cema?&#8221;</div><div class="p">Filipi akamba: &#8220;Njo ummone!&#8221; 47Insa paammonire Nataniyeli akija, akamba, akimwamba iye: &#8220;Eyo &#225;ja&#8209;yo ndi muIziraeli wakweli, saari njanja!&#8221; 48Nataniyeli akindairi: &#8220;Kunijiwa ndepi?&#8221;</div><div class="p">Insa akinjibu, akamba: &#8220;Filipi saanamba kukwita, omi nukuwona panviri wa nfigu.&#8221; 49Basi Nataniyeli akimwambira: &#8220;Mwanlimu#1:49 Kigeregu: &#8220;Rabi&#8221;., uwe kuwa Mwana wa Mwenyezimungu! Uwe ndi Nfalume wawenye wa Iziraeli!&#8221; 50Insa akindairi, akamba: &#8220;Kukubali kwa kuwa omi namba nukuwona tangu uri panviri wa nfigu? Basi, ukuja kuwona vinu vikulu-vikulu vyakupunda evi!&#8221; 51Insa akizidi kusema tena: &#8220;Nukwambirani kweli kuwa mukuja kuwona bingu &#237;ri wanzu, na malaika wa Mwenyezimungu wakikwera, wengine wakisuka#1:51 Ona Mwanzo 28:12. Kamba Mwenyezimungu asowera javi ka javi na Yankubu julu ya malaika, novyo-novyoni Mwenyezimungu asowera javi-ka-javi na Insa., wakintumika Binadamu wa Binguni.&#8221;</div>
 </div>
 </div>
</div>

Tangu mwanzo ákiwapo ire etiwa Usemi. Usemi‑yo ákiwa pamoja na Mwenyezimungu, na Usemi noyo ákiwa Mwenyezimungu. Iye tangu mwanzo ákiwa pamoja na Mwenyezimungu. Julu ya noyo Usemi‑yo, vinu piya vyumbiwa. Acipo kinu anta kimoja cumbiwe bila Usemi. Usemi noyo ndi nviriro wa mainsha, na mainsha‑yo ndi nuru ya wanadamu. Nuru ilangaza pakisi, ila kisi acikidiri kwinukaza panuru.
Sambi, akiwapo mwananlume mmoja wakwitiwa Yahaya kâperekiwa na Mwenyezimungu. Iye kâja kulavya ushahidi na kwakikisha kuhusu noyo nuru‑yo ipate wanu piya wakubali julu yake iye. Yahaya siyo nuru yambiwa‑yo, ila iye kâja kulavya ushahidi wa noyo nuru‑yo. Nuru yakweli yakuwamwarikira wanu piya ikingira mulumwengu‑mu. Kweli, iye ákiwapo mulumwengu‑mu, na ulumwengu‑wu umbiwa kwa ajili yake, fala wanu mulumwengu‑mu awamwijiwe. Iye kâjira cake, fala wanu wake iye mwanyewe awampokerere. Fala kwa piya wampokerere iye, waminire zina rake, iye kawapa haki ya kuwa wana wa Mwenyezimungu. Ewo awawere wana wa Mwenyezimungu kwa kupongoriwa kibinadamu wala wájibu wa ceje wala nafsi ya nlume, ila Mwenyezimungu mwanyewe ndi awaturire kuwa wanawe.

Usemi utaduka kawa mwanadamu, kainshi kati yetu ofwe. Tiwona utukufu wake, utukufu wa mwana mmoja tu basi wa Baba, wakumwijala rehema na ukweli. Yahaya kalavya ushahidi kuhusu noyo, ákilalamikanga akamba: “Eyu ndi noire wanikimwamba ire kuwa: ‘ Ire ája bandi ya omi ndi bora pakulu koliko omi konta iye ákiwapo tangu saninamba kupongoriwa omi.’ ” Ofwe piya tankupokerera utajiri wake nkulu, tankupokerera neema julu ya neema. Konta Taureti isusiwa julu ya mmakono mwa Musa, fala rehema na ukweli visuka julu ya Insa Almasihi. Tangu aapo munu ammonire Mwenyezimungu, ila Mwenyezimungu Mwana mmoja noyo tu basi, ári pamoja na Baba wake, iye ndi atifafanurire.

Ewu ndi ushahidi wa Yahaya wakati Mayahudi wa Yerusalemu wawaperekiwe kwake iye walongozi wa dini na waLawi kuka kundairi: “Uwe kuwa nani?” Iye akitikiza aakanire, akitikiza javi: “Omi siri Almasihi.” Ewo wakindairi: “Sambi, uwe kuwa nani? Uwe kuwa Aliyasi?”
Yahaya akijibu: “Iii, sumi.”
Wakindairi tena: “Uwe kuwa nabii maalumu?”
Iye akijibu: “Iii, siri.” Mwinsho wakamba: “Sambi, uwe kuwa nani? Tambire ipate tikawajibu watitumire ofwe. Wambani kuhusu uwe?” Iye akisema: “Omi ndi shauti íri kukuwa nlanga ikamba:
‘Olosani njira ya Mwenye apite’ kamba vyaâmbire nabii Izaya.”
(Kusema kweli, wanu ware wâtumiwa na Mafarizeu.) Ewo wandairi tena, wamba: “Uwe auri Almasihi wala Aliyasi wala nabii maalumu. Sambi ukóza sababuni?” Yahaya akiwajibu, akamba: “Omi niwoza wanu na mmaji, fala kati yenu umwe kawapo munu samumwijiwa iye caari. Noyo-noyoni ndi ája bandi ya omi. Kweli, mizizi ya tamango zake, sijuzi anta kufungula.” Evi piya‑vi vikuna Betaniya, ng'ambu nyengine ya muto wa Yordani, Yahaya kaakozanga wanu.

Subuu yake, Yahaya kammona Insa akija kwake, akamba: “Mmoneni ire ndi Kakondoo kalume ka Mwenyezimungu, kaperekiwe kuja mulumwengu‑mu kuwalavya wanu madambi! Eyu ndi wanikimwamba panikisowera pare nikamba: ‘Bandi ya omi akuja munu bora pakulu koliko omi, konta saninamba kuwapo, iye ákiwapo!’ Nomimi sikimwijiwa iye, ila omi nija, nikozanga na maji, ipate iye afafanuriwe ka wanu wa Iziraeli.”
Na Yahaya kalavya ushahidi, kaamba: “Omi nimmona Roho akilawa binguni akimwisukira iye kamba pomba vyesuka, na Roho ire akimmotera emire novirevire. Omi‑pa sikimwijiwa caari. Fala ire anipereke kuwoza wanu mmaji kanambira javi: ‘Wausaka kummona akimwisukira Roho akimmotera‑yo, noyo ndi aja kukozani na Roho Takatifu.’ Omi niwona na niwa shahidi kuwa eyu Mwana wa Mwenyezimungu.”

Subuu yake, Yahaya akikala tena nopare na wanafunzi wake wawiri. Pammonire Insa akipita, iye akamba: “Mmoneni! Ire ndi Kondoo wa Mwenyezimungu!” Wanafunzi wawiri ware wansikira akisowera, newo wakinfulata Insa. Insa akizungunuka, kawawona wakinfulata, iye akiwadairi: “Umwe musakulani?”
Ewo wakimwambira: “Rabi” (mana ake Mwanlimu), “kufikira ndepi?” Iye akiwajibu: “Tukeni mukejiwe.” Basi wakilawa wakuka, wakiwona paafikire pare, wakikala naye noire suku ire. Úkiwa wakati wa ruremba.
Mmoja nkati ya wawiri ware ânsikire Yahaya akisowera ikisa akinfulata Insa, ákiwa Andere, nduye Ansumani Peduru. Kwa noure mpunde ure, kansakula Ansumani nyenyeye, akimwambira: “Timmona Almasihi!” (“Almasihi” mana ake “ire atawaziwe na Mwenyezimungu kwa namuna maalumu”.) Akintwala Ansumani akuka naye ka Insa. Insa akinnang'aniza, akamba: “Uwe ukwitiwa Ansumani, mwana wa Yahaya. Fala mwanzo wa rero, uwe zina rako Sefa” (kufasuli isema Peduru).

Subuu yake Insa akiwaza kulawa kuka Galileya. Iye akimmona Filipi, akimwambira: “Nifulate!” Filipi kâpongoriwa kaya ya Betisaida, kwawo novyo Andere na Peduru. Filipi akinsakula Nataniyeli. Nakummona, akimwambira javi: “Timmona noire wansemire Musa nTaureti, kamba vyawandike novyo minabii wengine. Tinsingana Insa nNazareti, mwana wa Yusufu.” Akilawa Nataniyeli akamba: “Nazareti? Udaniza kuwa Nazareti cilawirira kinu cema?”
Filipi akamba: “Njo ummone!” Insa paammonire Nataniyeli akija, akamba, akimwamba iye: “Eyo ája‑yo ndi muIziraeli wakweli, saari njanja!” Nataniyeli akindairi: “Kunijiwa ndepi?”
Insa akinjibu, akamba: “Filipi saanamba kukwita, omi nukuwona panviri wa nfigu.” Basi Nataniyeli akimwambira: “Mwanlimu, uwe kuwa Mwana wa Mwenyezimungu! Uwe ndi Nfalume wawenye wa Iziraeli!” Insa akindairi, akamba: “Kukubali kwa kuwa omi namba nukuwona tangu uri panviri wa nfigu? Basi, ukuja kuwona vinu vikulu-vikulu vyakupunda evi!” Insa akizidi kusema tena: “Nukwambirani kweli kuwa mukuja kuwona bingu íri wanzu, na malaika wa Mwenyezimungu wakikwera, wengine wakisuka, wakintumika Binadamu wa Binguni.”

Lalela Yahaya 1