Éxodo 11
11
Piwi wawakuna wañunanmanta
1Moisestam Tayta Dios nirqa:
Faraonmanwan Egipto runakunamanmi huk castigotawan apamusaq, chay castigopa qepantam kachaykusunkichik, hinaspam llapallaykichikta qarqosunkichik. 2Israelpa mirayninkunata nimuy, sapakamayá vecinonkumanta qaripas warmipas qorita qollqeta alhajakunata mañakuchunku, nispa.
3Israelpa mirayninkunatam Egipto runakunawan Tayta Dios favorecechirqa. Moisespas Egipto nacionpiqa, Faraonpa serviqninkunapa hinaspa lliw runakunapa respetasqanmi karqa.
4Chaymi Faraonta Moisés nirqa:
Tayta Diosmi kaynata nin: “Chawpi tutatam Egipto nacionpa chawpinta ñoqa pasasaq. 5Hinaptinmi Egipto nacionpi lliw piwi wawakuna wañunqa, tronopi tiyaq Faraonpa piwi churinmanta qallaykuspa maraypa waqtanpi tiyaq criadapa piwinkama, wañunqataqmi llapa animalpa piwi wawanpas. 6Chaymi lliw Egipto nacionpi hatun waqakuy kanqa, chayna waqayqa manam haykapipas karqachu nitaqmi kanqachu. 7Israelpa mirayninkunamantam ichaqa, runapas nitaq animalpas mana wañunqachu, manam allqollapas anyakunqachu. Chaynapim yachankichik Egipto runakunamanta Israelpa mirayninkunata Tayta Dios sapaqchasqanta.
8Hinaptinmi llapallan serviqnikikuna ñoqaman hamuspa, ñawpaqniypi qonqorakuykuspa niwanqaku: “Llapallan runaykikunapiwan kaymanta lloqsiy”, nispanku. Chaymantañam lloqsisaq. Chaynata niruspanmi Faraonpa ñawpaqninmanta llumpay piñasqallaña Moisés lloqsirqa. 9Chaymantam Moisesta Tayta Dios nirqa:
Faraonqa manam kasusunkichikchu, chaynapim Egipto nacionpi admirakuypaq ruwasqaykunata qawachikusaq, nispa.
10Moiseswan Aaronmi tukuy kay admirakuypaq kaqkunata Faraonpa ñawpaqninpi ruwarqaku. Ichaqa Tayta Diosmi Faraonpa sonqonta rumiyarachirqa, chaymi Israelpa mirayninkunata Egipto nacionmanta mana kacharirqachu.
Chuya Qellqa Revisión @ Sociedad Bíblica Peruana, 2012
Éxodo 11
11
Piwi wawakuna wañunanmanta
1Moisestam Tayta Dios nirqa:
Faraonmanwan Egipto runakunamanmi huk castigotawan apamusaq, chay castigopa qepantam kachaykusunkichik, hinaspam llapallaykichikta qarqosunkichik. 2Israelpa mirayninkunata nimuy, sapakamayá vecinonkumanta qaripas warmipas qorita qollqeta alhajakunata mañakuchunku, nispa.
3Israelpa mirayninkunatam Egipto runakunawan Tayta Dios favorecechirqa. Moisespas Egipto nacionpiqa, Faraonpa serviqninkunapa hinaspa lliw runakunapa respetasqanmi karqa.
4Chaymi Faraonta Moisés nirqa:
Tayta Diosmi kaynata nin: “Chawpi tutatam Egipto nacionpa chawpinta ñoqa pasasaq. 5Hinaptinmi Egipto nacionpi lliw piwi wawakuna wañunqa, tronopi tiyaq Faraonpa piwi churinmanta qallaykuspa maraypa waqtanpi tiyaq criadapa piwinkama, wañunqataqmi llapa animalpa piwi wawanpas. 6Chaymi lliw Egipto nacionpi hatun waqakuy kanqa, chayna waqayqa manam haykapipas karqachu nitaqmi kanqachu. 7Israelpa mirayninkunamantam ichaqa, runapas nitaq animalpas mana wañunqachu, manam allqollapas anyakunqachu. Chaynapim yachankichik Egipto runakunamanta Israelpa mirayninkunata Tayta Dios sapaqchasqanta.
8Hinaptinmi llapallan serviqnikikuna ñoqaman hamuspa, ñawpaqniypi qonqorakuykuspa niwanqaku: “Llapallan runaykikunapiwan kaymanta lloqsiy”, nispanku. Chaymantañam lloqsisaq. Chaynata niruspanmi Faraonpa ñawpaqninmanta llumpay piñasqallaña Moisés lloqsirqa. 9Chaymantam Moisesta Tayta Dios nirqa:
Faraonqa manam kasusunkichikchu, chaynapim Egipto nacionpi admirakuypaq ruwasqaykunata qawachikusaq, nispa.
10Moiseswan Aaronmi tukuy kay admirakuypaq kaqkunata Faraonpa ñawpaqninpi ruwarqaku. Ichaqa Tayta Diosmi Faraonpa sonqonta rumiyarachirqa, chaymi Israelpa mirayninkunata Egipto nacionmanta mana kacharirqachu.
Chuya Qellqa Revisión @ Sociedad Bíblica Peruana, 2012