Забур 23
23
Аллагьдин КӀвализ шадвилелди гьахьун
1 Давудан мани.
Чил ва чилел алай кьван вири,
дуьнья ва ана авай кьван вири
Реббидинди я.
2Чил Ада эцигна гьуьлерал,
мягькемарна авахьзавай ятарин винел.
3Акьахдайди вуж я дагъдал Реббидин?
Вуж я Адан пакханада къваздайди?
4Нин гъилер ятӀа михьи,
Нин рикӀик квачтӀа рехне, – гьахьтинди.
Низ чизвачтӀа табни гьилле вуч ятӀа,
ни кьазвачтӀа тапан кьинер, – гьахьтинди.
5Гьахьтиндав агакьда Реббидилай хийир-дуьа,
агакьда гьахъ-михьивални
Аллагьдилай,
адаз куьмек Гудайдалай.
6Несил я гьа ихьтинди
Ам жагъурзавайбурун,
Ви чин жагъурзавайбурун,
Якьубан Аллагь.
Макьамдин ара
7Гегьеншдиз ахъа хьухь, варар,
ахъа хьухь, дегь-къадим ракӀарар,
баркалладин Пачагьдивай гьахьиз жеривал!
8Вуж я Пачагь баркалладин?
Ребби я, мягькемди ва къуват квайди,
Ребби, викӀегьди женгера.
9Гегьеншдиз ахъа хьухь, варар,
ахъа хьухь, дегь-къадим ракӀарар,
баркалладин Пачагьдивай гьахьиз жеривал!
10Вуж я Пачагь баркалладин?
Къуватрин Ребби,
Гьам я Пачагь баркалладин!
Макьамдин ара
© Институт перевода Библии, 2010-2024
Забур 23
23
Аллагьдин КӀвализ шадвилелди гьахьун
1 Давудан мани.
Чил ва чилел алай кьван вири,
дуьнья ва ана авай кьван вири
Реббидинди я.
2Чил Ада эцигна гьуьлерал,
мягькемарна авахьзавай ятарин винел.
3Акьахдайди вуж я дагъдал Реббидин?
Вуж я Адан пакханада къваздайди?
4Нин гъилер ятӀа михьи,
Нин рикӀик квачтӀа рехне, – гьахьтинди.
Низ чизвачтӀа табни гьилле вуч ятӀа,
ни кьазвачтӀа тапан кьинер, – гьахьтинди.
5Гьахьтиндав агакьда Реббидилай хийир-дуьа,
агакьда гьахъ-михьивални
Аллагьдилай,
адаз куьмек Гудайдалай.
6Несил я гьа ихьтинди
Ам жагъурзавайбурун,
Ви чин жагъурзавайбурун,
Якьубан Аллагь.
Макьамдин ара
7Гегьеншдиз ахъа хьухь, варар,
ахъа хьухь, дегь-къадим ракӀарар,
баркалладин Пачагьдивай гьахьиз жеривал!
8Вуж я Пачагь баркалладин?
Ребби я, мягькемди ва къуват квайди,
Ребби, викӀегьди женгера.
9Гегьеншдиз ахъа хьухь, варар,
ахъа хьухь, дегь-къадим ракӀарар,
баркалладин Пачагьдивай гьахьиз жеривал!
10Вуж я Пачагь баркалладин?
Къуватрин Ребби,
Гьам я Пачагь баркалладин!
Макьамдин ара
© Институт перевода Библии, 2010-2024