熱門經文出自 Éxodo 9

分享

Ichaqa manam chaytachu ruwarqani, aswanqa qanman atiyniyta qawachinaypaqmi kawsachirqayki, chaynapi sutiy lliw kay pachapi willakusqa kananpaq.

Moisestam Tayta Dios nirqa: Faraonpa qayllanman yaykuspa kaynata nimuy, hebreo runakunapa Diosninmi kaynata nin: Llaqtayta kachariy yupaychamuwanankupaq.

Sichum qanmanwan runaykikunaman peste onqoyta kachaykamuptiyqa ñam kay pachamanta chinkaruwaqña karqa.

ñoqa Tayta Diosmi manchakuypaq peste onqoywan llapallan campopi animalkunata castigasaq, hinaptinmi caballokuna, asnokuna, camellokuna, vacakuna hinaspa ovejakunapas wañunqaku. Ichaqa Tayta Diosmi Israelpa mirayninkunapa animalninkunata Egipto runakunapa animalninkumanta sapaqchanqa, manam chullallapas wañunqachu.

Paqarinmi kay horata nisyu-nisyu runtu parata chayachimusaq. Chayna paraqa Egipto nacionpa hatarisqan punchawmantapas manam karqachu. Chaynaqa, campopi animalnikikunata hinaspa tukuy imayki kaqkunata wasiki ukuman huñuchimuy. Runapas, animalpas wasiman mana yaykuspa hina campollapi qeparuqqa runtu parawanmi wañurunqa”, nispa.

Chay uchpam lliw Egipto nacionpa hawanpi polvoyaruspan chupukunata rikurirachinqa runakunapi chaynataq animalkunapipas, nispa. Moiseswan Aaronmi hornomanta uchpata hoqarispanku Faraonpa ñawpaqninpi sayaykurqaku, hinaptinmi cieloman Moisés machqeruptin runakunapipas chaynataq animalkunapipas chupu rikurirurqa.