熱門經文出自 Éxodo 7

分享

Hinaptinmi Moisesta Tayta Dios nirqa: Qamtaqa Faraonpaqmi ñoqapa rantiypi churayki, wawqeki Aaronñataqmi profetayki kanqa

Ichaqa ñoqam Faraonpa sonqonta rumiyarachisaq, hinaspaymi Egipto nacionpi achka-achka señalkunatawan admirakuypaq kaqkunata ruwasaq. Chaywanpas Faraonqa manam uyarisunkichikchu, chaymi Egipto nacionta ñakarichispay Israelpa mirayninkunata tropaykunata hina hurqosaq.

Egipto runakunaman atiyniyta qawachispay Israelpa mirayninkunata paykunapa chawpinmanta hurqoptiymi, Egipto runakuna yachanqaku ñoqa Tayta Dios kasqayta.

Faraonpas yachaysapa runakunatawan layqakunata qayachiptinmi, Egipto nacionniyuq layqakunapas layqayninkuwanmi chaynata ruwarqaku. Sapakama tawnankuta wischuykuptinkum chaykunapas maqta uruman tikrakururqa, ichaqa Aaronpa tawnan maqta uruman tikrakuqmi paykunapa maqta uruman tikrakuq tawnankuta millpururqa.

Tayta Dios kaynata nin: Kunanmi Tayta Dios kasqayta yachanki, makiypi tawnawan Nilo mayuta waqtaruptinmi yawarman yaku tikrakurunqa.

“Milagrota qawachiway” nispa Faraón nisuptikichikqa, Aarontam ninki: Tawnaykita hapispa Faraonpa ñawpaqninman wischuykuy maqta uruman tikrakunanpaq, nispa. Moiseswan Aaronmi, Faraonpa qayllanman yaykuspanku Tayta Diospa kamachisqanman hina ruwarqaku. Chaymi Faraonpa hinaspa serviqninkunapa ñawpaqninman tawnanta Aarón wischuykuptin maqta uruman tikrakururqa.