熱門經文出自 ۱تئموتاعوسا 6

分享

ائمانین یاخشی ساواشینی ساواش و ابدی حیاتی توت کی، اونون اوچون دعوت اولوندون و چوخ شاهئدلرئن حوضوروندا یاخشی اعتئراف اتدئن.

چونکی پول سوگئسی هر جور شرئن کؤکودور و اونون آرزوسوندا اولان بعضئلر ائماندان آزیبلار و اؤزلری اؤزلرئنه چوخ آجی چکدئرئبلر.

البتّه کی، دئندارلیق بؤیوک بئر قازانج اوچون وسئله‌دئر، اگر قَناعتله همراه اولسا.

چونکی بو دونیایا هچ بئر شی گتئرمه‌دئک، اونون اوچون ده اوندان هچ بئر شی گؤتوره‌بئلمه‌رئک.

بو حاضیر دونیادا وارلی اولانلارا نصئحت ور کی، کئبئرلنمه‌سئنلر، یا دا اَلدن گدن وار-دؤولته اومئد باغلاماسینلار. اومئدلرئنی تارییا باغلاسینلار کی، بهره آلماق اوچون هر شیی بئزه بوللوقلا عطا ادئر.

آمّا وارلی اولماق ائسته‌ینلر وسوسه‌یه، تورا، آخماقلیق و زئیان یتئرن چوخ هاوا-هوسلره دوشورلر کی، ائنسانلاری تباه و هلاکتده قرق ادئر.

نصئحت ور کی، یاخشیلیق اتسئنلر، یاخشی ائشلرده وارلی اولسونلار، سخاوتلی اولوب پایلاشماغا حاضیر اولسونلار. و اؤزلری اوچون گله‌جه‌یه یاخشی خزئنه‌نئن بونؤوره‌سئنی قورسونلار، اِله کی، حقئقی حیاتا مالئک اولسونلار.