2 Co 13
13
Tztenx 'och wan eb' creyente
1Yox'ejmal tic 'oj in 'atx ex wila'. Junjn tas 'oj b'o'oc, yowlal 'ay chawn̈oc, mto 'oxwn̈oc testigo 'oj alnoc, ax sb'o'i. 2A yic wec' ta 'a scha'ejmal, 'ay jun tas alb'il wuj 'ayex. Ax ticnec, tzwaln 'at 'ayx jun 'ejm xo. Wach'xam man̈ in 'ayc 'ec' eyet' ta', palta tzwalb't 'ayx ax 'ochnc e mul 'a yic yalan̈, yet' pax 'ayx e masnil. A yic 'oj in 'atx 'ayx jun 'ejm xo, man̈x 'a xon jac niwnc'ojlal 'oj wac' 'ayx b'i'an. Atn jun tic 'ec' waljnac can 'ayex. 3Wan e nib'n eyila', toto yel a Cristo tzin c'anlb'ani, yic tzyaln 'ayex. At wal 'oj in c'ochi, ax eyilni, ax snachj 'el eyu'uj. Yujto a Cristo tic, man̈toc may spoder sch'ox 'ayex. caw niwn spoder tzch'oxjnac 'a e cal. 4Yel toni, a yic yajx q'ue 'a spenc culus, 'icha to may spoder, palta yuj spoder Dios pitzn ticnec. An̈jtona an̈ tic on̈, 'icha to may qui poder yet' junx on̈; palta yuj spoder Dios, pitzn on̈ yet' on̈, sec wach' an̈ja ex ca'n servil on̈.
5Caw tze b'eyc'ojlej e b'a junjn ex, sec tzcheclji, toto yel 'aych e c'ojl 'a Cristo. Caw tzeyac' prowal e b'a junjn ex. ¿Tom man̈ eyojcoc, to a Jesucristo 'aych 'ayx junjn ex? Cojn toto man̈ ex creyenteoc 'a yel, to 'ixta', man̈ 'ayc 'och 'ayex. 6Palta caw tzin nib'j tznachj 'el eyu'uj, to an̈ tic on̈, creyente on̈ 'a yel on̈. 7Tzon̈ leslwi 'a Dios eyuj on̈, sec matz e b'o junc maysch'olnil. Man̈ ton̈joc tzon̈ leslwi eyuj on̈, sec tzcheclj 'eli, to wach' qui munljel on̈. Wach' cab' tzcheclj 'eli, to man̈ wach'c qui munljel on̈, palta an̈ja tzqui nib'j on̈, to wach' tzeyutj e b'eyb'al. 8Yujto matz tac' cochc 'ajc'ojlal 'a jun cuynb'il caw yel, palta cojxn jun chi tztac' ca'n servil on̈. 9Yuj cha, wach'xam may wal quel'ch on̈, palta tzon̈ tzaljn̈ej on̈, sec tzwach' 'och e te'nal. An̈jtona', 'oj qui leslwi pax eyuj on̈, sec 'oj swach' b'oc e nab'en. 10Tzin b'ab'l tz'ib'j 'at jun in carta tic 'ayex, yic mantzac in c'och eyet' ta'. Yujto tzin nib'ej, man̈ yowlalc caw ow 'oj wutc in b'a 'ayx yuj jun wopiso tic, ax in c'och ta'. A Cajlilec 'a'jnac jun wopiso tic, yic tzwa'n 'och e te'nal 'a e creyenteal, man̈ yujoc ex wa'n juwc 'eli, ya'n 'ayin.
Tz'ajx stzatzl sc'ojl eb' creyente
11Al ticnec ex wu'tac, ex wanab', 'ay cab' e tzaljc'ojlal ta'. Caw tze wach' b'oj e nab'en, 'ayx cab' e niwnc'ojlal. Junxn̈ej tzlaj eyutc e nab'en, junc'ojlal xoj tzlaj eyutc e b'a ta'. A Dios, 'a'm junc'ojlal, 'a'm pax chamc'ojlal, a 'oj 'och eyet'oc. 12A yic tzlaj e chanc e b'a, tzlaj eyamlac e c'ab'. 13Jantcn̈ej eb' yic xo Dios 'a tic, tic tzya't eb' stzatzl e c'ojol.
14Ya' cab' Cajlil Jesucristo swach'c'ojlal 'ayex, tzya'n pax Dios schamc'ojlal 'ayex. 'Aychn̈ej cab' Yespíritu Dios eyet'oc. [Ya' cab'i'.]
Biblia Chuj San Sebastian © Sociedades Bíblicas Unidas, 1999.