Likarkar ntiiri Bulus yǝ nyorsǝ Timotawus wa 6
6
1Nsaad ɓaa ɓǝsaa kunda hoota ɓa, tommon yaɓ ɓǝ na kwangto ɓan tanda ɓoso nga pamsǝ wa, me tom ɓaa nkee mbuka kwalakwala ɗǝnda Kaa ra ma fǝɗkǝra ndan ra. 2Ɓaata hoota ɓan taanda ɓoso ɓǝ nasǝ ɓongtǝra ɓa, ɓǝ weɗa ɗuura kwakwa ra ɓan taanda ɓosa me ɓǝn ɓaa na ɓongtǝra ɓa. Me maaso, pamme sǝ ɓǝ tom tinima u faɗsǝ yaɓ wa, me ɓaa ɓǝsǝ ke ma ɓosa ɓa ǝn ɓaa ma ɓongtǝra ɓa, ɗǝm ɓaa nyoo ɓǝ. Nwa ǝn mbu kǝnga fǝɗkǝ a ɗuura ira ɓa, kǝɓǝ kǝna ɓǝ tommo.
Waando koɓa wa
3Me atike yǝn fǝɗkǝ mbuka ɓol sem mara Ankundi yaande Yeso Krisiti ɓa ra, ɗǝm u pam ma fǝɗkǝra Kaa wa ra, 4yǝ kung ma nik ɗuura wan, ɗǝm yǝ maa mbuka ra. Yǝma senda kwalakwala u renǝta yǝn wosǝ ma kisa a ɗuura mara ra u rǝmara, renǝta, sǝrma, ma matamse ɓolɓol wa, 5ma renǝta nfee ma ɓaa senta ɓota kaɗsǝ sal ɓa, ɗǝm ɓǝ sem ma ɓongtǝra ra. Ɓǝn ɗim me bǝɗ Kaa ǝn ɗǝɗa kǝ ɓaa taa kǝnaa ra.
6Pa bǝɗɗo Kaa wa ma himara a kuda ǝn kuɓ kwang kǝna ya. 7Me ndǝ wo ma mbukake a kaɗɗo put taandi wa ra, ɗǝm ndǝ fiɗ ma mbukake ɗaan da. 8Pa me ndǝ ma mbuseya ma lukta, ndǝ na himara a siso. 9Pa ɓaa ɓǝn taasǝ me ɓǝ tom ma kǝnaa ɓa, ɓǝn kan a pǝtara ɗǝm ɓǝn nwii ɓǝ naa a wiita nɗeura hautǝma ra ɓolɓol u kǝ ɓǝn wo tǝblǝra ma woɗɗa wa. 10Me waando koɓa wa nsaad ǝn ntiiri kwanatiro ya. Ɓaata men waando koɓa wa, ɓǝ lee na ɓongtǝra ɓoran ɗǝm ɓǝ tii ee ɓoso a kuɗa teptepra dem.
Bulus yǝ ti Timatawus mbu kiya tomɓa
11Pa ngase eɗ Kaa ya, aa mon tom mbusǝsa wa nsaad, pa ngǝ kweetǝ ngǝ kǝr kaɗɗo yaa yǝn tomsǝ mbu yǝsǝ keke a wiiyo a Kaa ni ɓa ya, ma yaa yǝn tomsǝ mbu ǝn tǝsǝ Kaa ɓa ya, ma yaa yǝn nasǝ ɓongtǝra ya, ma yaa yǝn tomsǝ yauta ya, ma yaa yǝn tomsǝ sǝmmo ya, ɗǝm ma yaa yǝn loosǝ ɗuura ya wa. 12A kweetǝ, kweeto u na ɓongtǝra wa. A ma ɓongtǝrato huurtu u pakarese wa u ɓaa yar ngǝsǝ a fer ngǝ nasǝ ɓongtǝra wa a wiiyo a ɓeta dem nwa. 13Nǝn nkee ngǝ a wii Kaa wa, yaa yǝn nasǝ huurtu a mbusa nsaad ya, ma a wiiyo a Krisiti Yeso yaa yǝ kansǝ ɓongtǝra a wii Buntus Bilatus wa a mbu yǝ maasǝ ɓa ya. Nǝn nkee ngǝ me, 14a ma mbu Kaa yǝ nkeesǝ me tom ɓa usu sem ma lambo hana mbu ɓaa kaa saa sǝr ɓa ra ndub fer Ankundi yaande Yeso Krisiti kiya wo ɓa, 15fer kiya wo wa, Kaa yǝsǝ ma saltǝra ya, ǝn sase fin kuɓu, kuɓ, kuɓsa wa, ma yaa yǝsǝ Ankundi yaande yaa yǝ faɗsǝ nsaad ya, 16Sase fin mbusa ɓongtǝra nya, yaa yǝ woɗɗa ra ya, ɗǝm yaa yǝsǝ ham ɗekɗek ɓa ya, u yaake yǝn wǝrsǝsǝ wara hana kiya wǝr wara. A sani kwangto ma kuɓsutu pakarese wa. A kaɗǝnso.
17A nkee ɓa ɓǝsǝ ma kǝnaa put taandi nga waso ɓa, ɓǝ too ɗuura ra hana ɓǝ ti kanggo a kǝnaa u kiya nkaa yǝ feɗ wa ra, pa ɓǝ ti kanggo a Kaa ni, yaa yǝn nasǝ mbusa nsaad me ndǝ kura nepto ya. 18Əɓǝ nkee ɓǝ tom ɓeta mbu kwalari ɓa, me ɓǝ taa tinima kwang u yaɓ ɓa. Ɓǝ na ɓeta saltǝra neme hoo, sǝ ɓaa kǝna waso ma hana yamni. 19Ma maaso ɓǝkǝ kwau kǝna ee ɓoso u kǝɓǝn tom ntiiri kaɗɗa wo tǝro a wiiyo wa, me ɓaa taa huurtu u feɗefeɗe semra wa.
20Timatawus, a sengge mbu ɓaa tisǝ a nemasǝ nga ɓa. A hik ee waango a kanmǝra hautǝma u sem mara Kaa ra, ɓǝn nkee me, ǝn maa mbuka ɓong wa, pa sem maaso ra, 21maaso ɓaata a mbu ɓǝn tomsǝ ɓa ɓǝ lee ɓongtǝran.
Yauta Kaa ta a kaɗ ke ma saase.
©2023 Seed Company in collaboration with Language Developers and Bible Translators Association
Likarkar ntiiri Bulus yǝ nyorsǝ Timotawus wa 6
6
1Nsaad ɓaa ɓǝsaa kunda hoota ɓa, tommon yaɓ ɓǝ na kwangto ɓan tanda ɓoso nga pamsǝ wa, me tom ɓaa nkee mbuka kwalakwala ɗǝnda Kaa ra ma fǝɗkǝra ndan ra. 2Ɓaata hoota ɓan taanda ɓoso ɓǝ nasǝ ɓongtǝra ɓa, ɓǝ weɗa ɗuura kwakwa ra ɓan taanda ɓosa me ɓǝn ɓaa na ɓongtǝra ɓa. Me maaso, pamme sǝ ɓǝ tom tinima u faɗsǝ yaɓ wa, me ɓaa ɓǝsǝ ke ma ɓosa ɓa ǝn ɓaa ma ɓongtǝra ɓa, ɗǝm ɓaa nyoo ɓǝ. Nwa ǝn mbu kǝnga fǝɗkǝ a ɗuura ira ɓa, kǝɓǝ kǝna ɓǝ tommo.
Waando koɓa wa
3Me atike yǝn fǝɗkǝ mbuka ɓol sem mara Ankundi yaande Yeso Krisiti ɓa ra, ɗǝm u pam ma fǝɗkǝra Kaa wa ra, 4yǝ kung ma nik ɗuura wan, ɗǝm yǝ maa mbuka ra. Yǝma senda kwalakwala u renǝta yǝn wosǝ ma kisa a ɗuura mara ra u rǝmara, renǝta, sǝrma, ma matamse ɓolɓol wa, 5ma renǝta nfee ma ɓaa senta ɓota kaɗsǝ sal ɓa, ɗǝm ɓǝ sem ma ɓongtǝra ra. Ɓǝn ɗim me bǝɗ Kaa ǝn ɗǝɗa kǝ ɓaa taa kǝnaa ra.
6Pa bǝɗɗo Kaa wa ma himara a kuda ǝn kuɓ kwang kǝna ya. 7Me ndǝ wo ma mbukake a kaɗɗo put taandi wa ra, ɗǝm ndǝ fiɗ ma mbukake ɗaan da. 8Pa me ndǝ ma mbuseya ma lukta, ndǝ na himara a siso. 9Pa ɓaa ɓǝn taasǝ me ɓǝ tom ma kǝnaa ɓa, ɓǝn kan a pǝtara ɗǝm ɓǝn nwii ɓǝ naa a wiita nɗeura hautǝma ra ɓolɓol u kǝ ɓǝn wo tǝblǝra ma woɗɗa wa. 10Me waando koɓa wa nsaad ǝn ntiiri kwanatiro ya. Ɓaata men waando koɓa wa, ɓǝ lee na ɓongtǝra ɓoran ɗǝm ɓǝ tii ee ɓoso a kuɗa teptepra dem.
Bulus yǝ ti Timatawus mbu kiya tomɓa
11Pa ngase eɗ Kaa ya, aa mon tom mbusǝsa wa nsaad, pa ngǝ kweetǝ ngǝ kǝr kaɗɗo yaa yǝn tomsǝ mbu yǝsǝ keke a wiiyo a Kaa ni ɓa ya, ma yaa yǝn tomsǝ mbu ǝn tǝsǝ Kaa ɓa ya, ma yaa yǝn nasǝ ɓongtǝra ya, ma yaa yǝn tomsǝ yauta ya, ma yaa yǝn tomsǝ sǝmmo ya, ɗǝm ma yaa yǝn loosǝ ɗuura ya wa. 12A kweetǝ, kweeto u na ɓongtǝra wa. A ma ɓongtǝrato huurtu u pakarese wa u ɓaa yar ngǝsǝ a fer ngǝ nasǝ ɓongtǝra wa a wiiyo a ɓeta dem nwa. 13Nǝn nkee ngǝ a wii Kaa wa, yaa yǝn nasǝ huurtu a mbusa nsaad ya, ma a wiiyo a Krisiti Yeso yaa yǝ kansǝ ɓongtǝra a wii Buntus Bilatus wa a mbu yǝ maasǝ ɓa ya. Nǝn nkee ngǝ me, 14a ma mbu Kaa yǝ nkeesǝ me tom ɓa usu sem ma lambo hana mbu ɓaa kaa saa sǝr ɓa ra ndub fer Ankundi yaande Yeso Krisiti kiya wo ɓa, 15fer kiya wo wa, Kaa yǝsǝ ma saltǝra ya, ǝn sase fin kuɓu, kuɓ, kuɓsa wa, ma yaa yǝsǝ Ankundi yaande yaa yǝ faɗsǝ nsaad ya, 16Sase fin mbusa ɓongtǝra nya, yaa yǝ woɗɗa ra ya, ɗǝm yaa yǝsǝ ham ɗekɗek ɓa ya, u yaake yǝn wǝrsǝsǝ wara hana kiya wǝr wara. A sani kwangto ma kuɓsutu pakarese wa. A kaɗǝnso.
17A nkee ɓa ɓǝsǝ ma kǝnaa put taandi nga waso ɓa, ɓǝ too ɗuura ra hana ɓǝ ti kanggo a kǝnaa u kiya nkaa yǝ feɗ wa ra, pa ɓǝ ti kanggo a Kaa ni, yaa yǝn nasǝ mbusa nsaad me ndǝ kura nepto ya. 18Əɓǝ nkee ɓǝ tom ɓeta mbu kwalari ɓa, me ɓǝ taa tinima kwang u yaɓ ɓa. Ɓǝ na ɓeta saltǝra neme hoo, sǝ ɓaa kǝna waso ma hana yamni. 19Ma maaso ɓǝkǝ kwau kǝna ee ɓoso u kǝɓǝn tom ntiiri kaɗɗa wo tǝro a wiiyo wa, me ɓaa taa huurtu u feɗefeɗe semra wa.
20Timatawus, a sengge mbu ɓaa tisǝ a nemasǝ nga ɓa. A hik ee waango a kanmǝra hautǝma u sem mara Kaa ra, ɓǝn nkee me, ǝn maa mbuka ɓong wa, pa sem maaso ra, 21maaso ɓaata a mbu ɓǝn tomsǝ ɓa ɓǝ lee ɓongtǝran.
Yauta Kaa ta a kaɗ ke ma saase.
©2023 Seed Company in collaboration with Language Developers and Bible Translators Association