Likarkar ntiiri Bulus yǝ nyorsǝ Timotawus wa 3
3
Wiina ɓan bǝɗ Yeso ɓa
1Wan mara ɓongtǝra ra. Yaa yǝn taasǝ me yǝ kaɗ kuɓ kwang kwang a ɓan kwau ɓan bǝɗ Yeso ɓa ni ya, yǝ taa tinima yabman. 2Wiine Kwang ya tommon ɗaɗ yǝ kaɗ ya sem ma mbu ɓaa kasa sǝr ɓa ra, yaa yǝsǝ ma toone fin nya, yaa semma nfiima ra ya, yǝn ma ɗuura ira, yaa ɓan yausǝsǝ ya, yaa yǝn konsǝ waa ya, yǝn nkaa yǝ fǝɗkǝ ɓeta, 3yǝ wee mbu kasa taa ɓa ra, yaa yǝn kǝrsǝ kito yara, pa yaa ma senda yaɓ ya, sem yaa yǝn tǝmɓasǝ ɓeta kito ya ra, ɗǝm ǝn yaa yǝn yausǝ koɓa ya ra. 4Tommon ɗaɗ yǝ kaɗ yaa yǝn maasǝ bǝɗɗo ma taanda ira ya, yaa yǝn tisǝ emɓǝsa ɓaa kura ee nya. 5Me ete yǝ maa yǝ bǝɗ ma taanda ira ra, pa kiya maa yǝ bǝɗ ma kwau ɓan bǝɗ Kaa ɓa miniu? 6Tommon ɗaɗ, ǝn tom yaa yǝ konsǝ nfaata nfiinfii yara, me tom yǝ too ɗuura ira yǝ nwii a kankiita nga u Shaitan wa ra. 7Wiine pamme yǝ kaɗ yaa hana ɓaa ɓǝn bǝɗ ɗaa Yeso ra ɓa, ɓǝ kan mbuka yaɓ a ɗuura ira, tom pa yǝ kana ɗuura waara, ɗǝm yǝ nwii a wiito Shaitan wa ra.
8Maso ɗǝm wiina ɓan tom tinima a han ɓan bǝɗ ɗaa ɓǝ kwausǝ ɓa, ɓǝ kaɗ hoota ɓaa ɓeta ɓǝn waando ɓǝsǝ ɓa, ɗǝm ɓǝ naɓǝ mbarta, sem ɓaa ɓǝn weesǝ mbraa emngwate inabi ma dem ra, yǝ tom yaa ma neme falang ya ra. 9Tommon ɗaɗ ɓǝ maa mbu ɓǝ masǝ ɓa, ma ɓongtǝra to u ɓaa weɗasǝ a talte wa ma senda fin. 10Me kǝ ndǝ tau ete yǝ kaɗ wiine, ɓaa ka sengge nhe, pa me ɓa taasǝ ma mbuka u kaa sa sǝr wa ra, pa a tau yǝ kaɗ yǝ tom tinima a ɗuura ɓan kwau bǝɗ Yeso.
11Ɗǝm toona ɓosa ɓǝkǝ kaɗ ɓaa ma senta yaɓ ɓa, ɓǝ tom ɓan tangta ɓa ra, ɓǝ tom ɓaa ɓǝn masǝ ee ɓose ɓa, ɗǝm ɓǝ tom ma ɓongtǝra a mbu ɓǝn tomsǝ ɓa nsaad.
12Yaa yǝn tomsǝ tinima a han ɓan kwau bǝɗɗa Yeso ɓa ya, yǝ tom ma toone fin, yǝ nkaa yǝ bǝɗ ma emɓǝsa ma taanda ira yaɓ. 13Wiina ɓǝ tomsǝ tinima yaɓ a ɓan kwau bǝɗ Yeso ɓa niya, ɓǝn taa ɗǝnta yaɓ nkweera ɓose, ɓǝn kan mara ɗuura kǝɗ a ɗuura naa ɓongtǝra ɓoso a Almaseho Yeso ni.
14Kanǝ ti senda me kǝnǝ wo a ngani sem ma kirora, nǝn nyor ngǝ mara ra me, 15menǝ wo nakǝn da, pa ngǝ maa me, ɗǝɗa ɓeta pamsǝ me ɓǝ bǝɗ ma nkweera ɓora a ɗuur Kaa ra u yǝsǝ ɗaan a ɓan bǝɗ Kaa ɓa. U nwa ǝn nsaara ma kunda ɓongtǝra ra. 16Pǝno semra, ɓongto ɓaa weɗasǝ a talte a ɗuura haato wando ma Kaa ra yǝ kwang.
Yǝ weɗa ee usu nga ete,
Wis Kaa wa, yǝ weɗa ndǝ me yǝ keke.
Ɓan timira Kaa ɓa, ɓǝ wǝrsǝn ma nuuwa ɓosa.
Pa ɓaa nkee mara ira a put taandi wa nsaad,
Ɓeta dem hana na a put taandi wa, ɓǝ waando ma sasen,
Pa ɓaa too a ko ɓoti a liura.
©2023 Seed Company in collaboration with Language Developers and Bible Translators Association
Likarkar ntiiri Bulus yǝ nyorsǝ Timotawus wa 3
3
Wiina ɓan bǝɗ Yeso ɓa
1Wan mara ɓongtǝra ra. Yaa yǝn taasǝ me yǝ kaɗ kuɓ kwang kwang a ɓan kwau ɓan bǝɗ Yeso ɓa ni ya, yǝ taa tinima yabman. 2Wiine Kwang ya tommon ɗaɗ yǝ kaɗ ya sem ma mbu ɓaa kasa sǝr ɓa ra, yaa yǝsǝ ma toone fin nya, yaa semma nfiima ra ya, yǝn ma ɗuura ira, yaa ɓan yausǝsǝ ya, yaa yǝn konsǝ waa ya, yǝn nkaa yǝ fǝɗkǝ ɓeta, 3yǝ wee mbu kasa taa ɓa ra, yaa yǝn kǝrsǝ kito yara, pa yaa ma senda yaɓ ya, sem yaa yǝn tǝmɓasǝ ɓeta kito ya ra, ɗǝm ǝn yaa yǝn yausǝ koɓa ya ra. 4Tommon ɗaɗ yǝ kaɗ yaa yǝn maasǝ bǝɗɗo ma taanda ira ya, yaa yǝn tisǝ emɓǝsa ɓaa kura ee nya. 5Me ete yǝ maa yǝ bǝɗ ma taanda ira ra, pa kiya maa yǝ bǝɗ ma kwau ɓan bǝɗ Kaa ɓa miniu? 6Tommon ɗaɗ, ǝn tom yaa yǝ konsǝ nfaata nfiinfii yara, me tom yǝ too ɗuura ira yǝ nwii a kankiita nga u Shaitan wa ra. 7Wiine pamme yǝ kaɗ yaa hana ɓaa ɓǝn bǝɗ ɗaa Yeso ra ɓa, ɓǝ kan mbuka yaɓ a ɗuura ira, tom pa yǝ kana ɗuura waara, ɗǝm yǝ nwii a wiito Shaitan wa ra.
8Maso ɗǝm wiina ɓan tom tinima a han ɓan bǝɗ ɗaa ɓǝ kwausǝ ɓa, ɓǝ kaɗ hoota ɓaa ɓeta ɓǝn waando ɓǝsǝ ɓa, ɗǝm ɓǝ naɓǝ mbarta, sem ɓaa ɓǝn weesǝ mbraa emngwate inabi ma dem ra, yǝ tom yaa ma neme falang ya ra. 9Tommon ɗaɗ ɓǝ maa mbu ɓǝ masǝ ɓa, ma ɓongtǝra to u ɓaa weɗasǝ a talte wa ma senda fin. 10Me kǝ ndǝ tau ete yǝ kaɗ wiine, ɓaa ka sengge nhe, pa me ɓa taasǝ ma mbuka u kaa sa sǝr wa ra, pa a tau yǝ kaɗ yǝ tom tinima a ɗuura ɓan kwau bǝɗ Yeso.
11Ɗǝm toona ɓosa ɓǝkǝ kaɗ ɓaa ma senta yaɓ ɓa, ɓǝ tom ɓan tangta ɓa ra, ɓǝ tom ɓaa ɓǝn masǝ ee ɓose ɓa, ɗǝm ɓǝ tom ma ɓongtǝra a mbu ɓǝn tomsǝ ɓa nsaad.
12Yaa yǝn tomsǝ tinima a han ɓan kwau bǝɗɗa Yeso ɓa ya, yǝ tom ma toone fin, yǝ nkaa yǝ bǝɗ ma emɓǝsa ma taanda ira yaɓ. 13Wiina ɓǝ tomsǝ tinima yaɓ a ɓan kwau bǝɗ Yeso ɓa niya, ɓǝn taa ɗǝnta yaɓ nkweera ɓose, ɓǝn kan mara ɗuura kǝɗ a ɗuura naa ɓongtǝra ɓoso a Almaseho Yeso ni.
14Kanǝ ti senda me kǝnǝ wo a ngani sem ma kirora, nǝn nyor ngǝ mara ra me, 15menǝ wo nakǝn da, pa ngǝ maa me, ɗǝɗa ɓeta pamsǝ me ɓǝ bǝɗ ma nkweera ɓora a ɗuur Kaa ra u yǝsǝ ɗaan a ɓan bǝɗ Kaa ɓa. U nwa ǝn nsaara ma kunda ɓongtǝra ra. 16Pǝno semra, ɓongto ɓaa weɗasǝ a talte a ɗuura haato wando ma Kaa ra yǝ kwang.
Yǝ weɗa ee usu nga ete,
Wis Kaa wa, yǝ weɗa ndǝ me yǝ keke.
Ɓan timira Kaa ɓa, ɓǝ wǝrsǝn ma nuuwa ɓosa.
Pa ɓaa nkee mara ira a put taandi wa nsaad,
Ɓeta dem hana na a put taandi wa, ɓǝ waando ma sasen,
Pa ɓaa too a ko ɓoti a liura.
©2023 Seed Company in collaboration with Language Developers and Bible Translators Association