Ebre-bɔ̀ 4
4
1Ɔwɔ wá bɔ̀ ɔmùan le bɔ́ le bru ɛwrɔncüe yri léyi nɛ̀n hán nɛ̀n hɛ́n bɔ̀ hán nɔn. Bɔ̀ wá esùva anvrɛnvrɛn, ô ny'ɛmɛ̀n lɔ, ɔwrɔn zriɛmɛ́n ɛwrɔncüe-yri ndɔ lɔ, n'ebru-yri ke bɩ́ wí nɛ̀n ɛwú. 2Ɔmuhi bɔ̀ cɔ́ Ɔwɔ mùan ankà-dɔ̀ hán anwrɔn hɔ̀n léyi dú ɛnnùwì nɔn hɔ́. Tɛ́n, yɔ yá ɛmɛẅi ankà ndɔ lɔ kɩ yɔ sɩ̀ cɔ̀ nɛ́n vɔ̀nshɛ́, ɔmuhi ɛnvra léyi yɔ yá ankà lɔ nɔn, yɔ sɩ̀ bɩ́ nɛ̀n ankaẅìbùtan mɛ̀n. 3Bɔ́ léyi bɔ́ bù tán ankaẅì nɔn, bɔ́ le bru ɛwrɔncüe-yri ndɔ lɔ, hɩ Ɔwɔ dɔ̀ le:
“M'ɛmɛ̀nhyì-bɩ lɔ mɛ̀n, mɛ̀n wá ɔmùan ndɔ lɔ:
yɔ sɩ̀ bru ɛnhiwú anmàn léyi mɛ̀n hán ɛwrɔncüe-yri mɛ̀n hɛ́n yɔ hàn nɔn mrìmrì!”
Nɛ̀n dɔ́ ankà lɔ, tɛ́n n'ɔkɔhɔ̀n trɔ ɛnhibù krubɔmɛ̀n hàn hɛ́n. 4Annawɔrɛ mɛ̀n lɔ, Owrú Prɔnprɔn lɔ mɛ̀n, ɛyri tɔ̀n, yɛ dɔ́ ankà ndɔ lɔ, ɛbi-ɔbɔ́ɛn bì lɔ n'ɛwú le: “Ɔwɔ wrɔncüe n'ɔkɔ̀hɔ̀n-hán mɛ̀n, ɛbi-ɔbɔ̀ɛn bì lɔ.” 5Owrú zri lɔ mɛ̀n mán yɛ dɔ̀ le: “Yɔ sɩ̀ bru mrìmrì ɛnhiwú anmàn léyi mɛ̀n hán ɛwrɔncüe yri mɛ̀n hɛ́n yɔ hàn nɔn.” 6Anwrɔn hɔ̀n léyi dú kpàkpà-bɔ̀ yá Ɔwɔ mùan ankà-dɔ̀ lɔ nɔn, kè sɩ̀ bru ɛwrɔncüe yri ndɔ lɔ ɔmuhi yɔ krɔ yɔ sɩ̀ dìe Ɔwɔ mùan ankà nukùɛ nɔn. Tɛ́n ɛkɔrɛ̀levri vru dú tán anwrɔn nyantɛn hɔ̀n kè bru ɛyri ndɔ lɔ. 7Hɩ le kruhú de Ɔwɔ vru wá ɛnbì tɔ̀n ye bi “Ɛnyɔncì”. Nɛ́n gɔ̀ dɔ́ yi ankà, ɛnvra nvacì, ɛnmɔ̀ɛn Davidɛ̀n mùan mɛ̀n, owrú léyi yɛ gɔ́ krɛ̀ nɔn mɛ̀n:
“Ke dú kɛ nyɛ yá Ɔwɔ sùva ɛnyɔncì lɔ,
nyɛ́n bɩ́ cɔ́ nɛ̀n ecüìwrɔn.”
8Annanwɔrɛ mɛ̀n lɔ, kè dú kɛ Zhozüe kɛ̀ nyrɔn fɛcüè kè sɩ́ ɛwrɔncüe-yri ndɔ lɔ mɛ̀n hô, Ɔwɔ ke sɩ̀ vru dɔ́ ɛnbì nyantɛn tɔ̀n ankà. 9Ɔmu lɔ de, ɛwrɔncüe tɔ̀n léyi cá ɛbi-ɔbɔɛn bì lɔ nɔn, ɛbi-ɔbɔ̀ɛn bì ndɔ lɔ ye bɩ́ ce Ɔwɔ fɛcüè. 10Ɔmuhi ɔwrɔn léyi ke bru ɛwrɔncüe yri léyi Ɔwɔ hán hɛ́n nɛ̀n nɔn, ne bɩ́ n'ɔkɔ̀hɔ̀n-hán wrɔncüe, hán ɔmu le Ɔwɔ mán bɩ́ n'ɛwrɔncüe nɔn hɔ́. 11Bɔ̀ hán kèkrèmɛ̀n bɔ̀ bru ɛwrɔncüe ndɔ lɔ mɛ̀n; bɔ̀ hán tán ô bɔ́ ɛmɛ̀n lɔ, ɔwrɔn zriɛmɛ́n ke bɩ́ kɔrɔ kɛ hán bɔ́ nancüì hɔ̀n hɔ́, ô ke bore hɛ.
12Annanworɛ mɛ̀n Ɔwɔ mùan ankà-dɔ̀ dú ankɔrɛkɔrɛ kɩ ẅɛn vɔ̀nshɛ́. Ne wì kɛ vrán anhà-kɔ́n-nyan-she totɔtɔ̀n léyi ẅɛn ezì anhyrɛ̀ nɔn. Nɛ hɔ̀n hàn mán nɛ cɔ́ ɛyri léyi nɛ gbɛ́ wàwúyɛ mán ɛnhɛ́n angranmɛ̀n, ɛsrú-yrí mán ɛnkru-shi-wɔ̀ mɛ̀n. Ne cí ɔwrɔnẅì cüɛn-ci hɔ̀n mán n'ɛnbɔrɛ mɛ̀n ankàtro hɔ̀n ɛmrɛ̀n. 13Eci zriɛmɛ́n bàdà Ɔwɔ kɔrɛ̀-cì lɔ mɛ̀n, hɩ ká dú ɛbán mɛ̀n n'ezìwú nɔn. N'ezìwú lɔ, eci lɔ fɛn nyɔn ɛsɛ̀nkora, ɛyrikán mɛ̀n, kɩ n'eyri de bɔ́ lɛ fɛn bɔ́ lɛ krɛ́ ɛci nɔn.
Zhezü Ɔwɔ-cice-wrɔn cüìcüì
14Bɔ̀ ẅɛn ɛshishiemɛ̀n ankàẅì-bùtan léyi bɔ́ sɔ́n lele bɔ́ yé nɔn. Annanwɔrɛ mɛ̀n lɔ, bɔ̀ ẅɛn Ɔwɔ-cice-wrɔn cüìcüì tɔ̀n léyi nhɔ̀n, hàn mán cɔ́ Ɔwɔ mumù zìwú: nɛ́n de nɛ̀n dú Zhezü, Ɔwɔ Ẅì lɔ nɔn. 15Bɔ̀ sɩ̀ ẅɛ̀n Ɔwɔ-cice-wrɔn cüìcüì léyi ke sɩ̀ ẅɛn ecüì kè cɔ́ bɔ̀ mɛhi, bɔ̀ kán ɛgbàn, bɔ́ ɛjɛ̀ hɔ̀n lɔ mɛ̀n nɔn. Tɛ́n b'Ɔwɔ-cice-wrɔn cüìcüì lɔ srɔ́n ɛwɔ̀ɛn-nyan ɛsù eci lɔ fɛn mɛ̀n hán bɔ́ hɔ́, tɛ́n nɛ̀n sɩ̀ hán ɛgbàn zriɛmɛ́n. 16Bɔ̀ sɔ̀nba Ɔwɔ gbú-tobù tɛ̀sɛ̀n esɛ́ mɛ̀n, ɛyri léyi nboafɔ̀n ndù nɔn. Nanvrɛn lɔ bɔ́ lɛ cɔ́ ɛgbàn-bɩ̀ce kɩ nanvrɛn zri lɔ bɔ́ lɛ cɔ́ nboafɔ̀n, ô bɔ̀ cɔ́ ɛkɔrɛ̀wá ɛnvra ankrankran mɛ̀n.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.
Ebre-bɔ̀ 4
4
1Ɔwɔ wá bɔ̀ ɔmùan le bɔ́ le bru ɛwrɔncüe yri léyi nɛ̀n hán nɛ̀n hɛ́n bɔ̀ hán nɔn. Bɔ̀ wá esùva anvrɛnvrɛn, ô ny'ɛmɛ̀n lɔ, ɔwrɔn zriɛmɛ́n ɛwrɔncüe-yri ndɔ lɔ, n'ebru-yri ke bɩ́ wí nɛ̀n ɛwú. 2Ɔmuhi bɔ̀ cɔ́ Ɔwɔ mùan ankà-dɔ̀ hán anwrɔn hɔ̀n léyi dú ɛnnùwì nɔn hɔ́. Tɛ́n, yɔ yá ɛmɛẅi ankà ndɔ lɔ kɩ yɔ sɩ̀ cɔ̀ nɛ́n vɔ̀nshɛ́, ɔmuhi ɛnvra léyi yɔ yá ankà lɔ nɔn, yɔ sɩ̀ bɩ́ nɛ̀n ankaẅìbùtan mɛ̀n. 3Bɔ́ léyi bɔ́ bù tán ankaẅì nɔn, bɔ́ le bru ɛwrɔncüe-yri ndɔ lɔ, hɩ Ɔwɔ dɔ̀ le:
“M'ɛmɛ̀nhyì-bɩ lɔ mɛ̀n, mɛ̀n wá ɔmùan ndɔ lɔ:
yɔ sɩ̀ bru ɛnhiwú anmàn léyi mɛ̀n hán ɛwrɔncüe-yri mɛ̀n hɛ́n yɔ hàn nɔn mrìmrì!”
Nɛ̀n dɔ́ ankà lɔ, tɛ́n n'ɔkɔhɔ̀n trɔ ɛnhibù krubɔmɛ̀n hàn hɛ́n. 4Annawɔrɛ mɛ̀n lɔ, Owrú Prɔnprɔn lɔ mɛ̀n, ɛyri tɔ̀n, yɛ dɔ́ ankà ndɔ lɔ, ɛbi-ɔbɔ́ɛn bì lɔ n'ɛwú le: “Ɔwɔ wrɔncüe n'ɔkɔ̀hɔ̀n-hán mɛ̀n, ɛbi-ɔbɔ̀ɛn bì lɔ.” 5Owrú zri lɔ mɛ̀n mán yɛ dɔ̀ le: “Yɔ sɩ̀ bru mrìmrì ɛnhiwú anmàn léyi mɛ̀n hán ɛwrɔncüe yri mɛ̀n hɛ́n yɔ hàn nɔn.” 6Anwrɔn hɔ̀n léyi dú kpàkpà-bɔ̀ yá Ɔwɔ mùan ankà-dɔ̀ lɔ nɔn, kè sɩ̀ bru ɛwrɔncüe yri ndɔ lɔ ɔmuhi yɔ krɔ yɔ sɩ̀ dìe Ɔwɔ mùan ankà nukùɛ nɔn. Tɛ́n ɛkɔrɛ̀levri vru dú tán anwrɔn nyantɛn hɔ̀n kè bru ɛyri ndɔ lɔ. 7Hɩ le kruhú de Ɔwɔ vru wá ɛnbì tɔ̀n ye bi “Ɛnyɔncì”. Nɛ́n gɔ̀ dɔ́ yi ankà, ɛnvra nvacì, ɛnmɔ̀ɛn Davidɛ̀n mùan mɛ̀n, owrú léyi yɛ gɔ́ krɛ̀ nɔn mɛ̀n:
“Ke dú kɛ nyɛ yá Ɔwɔ sùva ɛnyɔncì lɔ,
nyɛ́n bɩ́ cɔ́ nɛ̀n ecüìwrɔn.”
8Annanwɔrɛ mɛ̀n lɔ, kè dú kɛ Zhozüe kɛ̀ nyrɔn fɛcüè kè sɩ́ ɛwrɔncüe-yri ndɔ lɔ mɛ̀n hô, Ɔwɔ ke sɩ̀ vru dɔ́ ɛnbì nyantɛn tɔ̀n ankà. 9Ɔmu lɔ de, ɛwrɔncüe tɔ̀n léyi cá ɛbi-ɔbɔɛn bì lɔ nɔn, ɛbi-ɔbɔ̀ɛn bì ndɔ lɔ ye bɩ́ ce Ɔwɔ fɛcüè. 10Ɔmuhi ɔwrɔn léyi ke bru ɛwrɔncüe yri léyi Ɔwɔ hán hɛ́n nɛ̀n nɔn, ne bɩ́ n'ɔkɔ̀hɔ̀n-hán wrɔncüe, hán ɔmu le Ɔwɔ mán bɩ́ n'ɛwrɔncüe nɔn hɔ́. 11Bɔ̀ hán kèkrèmɛ̀n bɔ̀ bru ɛwrɔncüe ndɔ lɔ mɛ̀n; bɔ̀ hán tán ô bɔ́ ɛmɛ̀n lɔ, ɔwrɔn zriɛmɛ́n ke bɩ́ kɔrɔ kɛ hán bɔ́ nancüì hɔ̀n hɔ́, ô ke bore hɛ.
12Annanworɛ mɛ̀n Ɔwɔ mùan ankà-dɔ̀ dú ankɔrɛkɔrɛ kɩ ẅɛn vɔ̀nshɛ́. Ne wì kɛ vrán anhà-kɔ́n-nyan-she totɔtɔ̀n léyi ẅɛn ezì anhyrɛ̀ nɔn. Nɛ hɔ̀n hàn mán nɛ cɔ́ ɛyri léyi nɛ gbɛ́ wàwúyɛ mán ɛnhɛ́n angranmɛ̀n, ɛsrú-yrí mán ɛnkru-shi-wɔ̀ mɛ̀n. Ne cí ɔwrɔnẅì cüɛn-ci hɔ̀n mán n'ɛnbɔrɛ mɛ̀n ankàtro hɔ̀n ɛmrɛ̀n. 13Eci zriɛmɛ́n bàdà Ɔwɔ kɔrɛ̀-cì lɔ mɛ̀n, hɩ ká dú ɛbán mɛ̀n n'ezìwú nɔn. N'ezìwú lɔ, eci lɔ fɛn nyɔn ɛsɛ̀nkora, ɛyrikán mɛ̀n, kɩ n'eyri de bɔ́ lɛ fɛn bɔ́ lɛ krɛ́ ɛci nɔn.
Zhezü Ɔwɔ-cice-wrɔn cüìcüì
14Bɔ̀ ẅɛn ɛshishiemɛ̀n ankàẅì-bùtan léyi bɔ́ sɔ́n lele bɔ́ yé nɔn. Annanwɔrɛ mɛ̀n lɔ, bɔ̀ ẅɛn Ɔwɔ-cice-wrɔn cüìcüì tɔ̀n léyi nhɔ̀n, hàn mán cɔ́ Ɔwɔ mumù zìwú: nɛ́n de nɛ̀n dú Zhezü, Ɔwɔ Ẅì lɔ nɔn. 15Bɔ̀ sɩ̀ ẅɛ̀n Ɔwɔ-cice-wrɔn cüìcüì léyi ke sɩ̀ ẅɛn ecüì kè cɔ́ bɔ̀ mɛhi, bɔ̀ kán ɛgbàn, bɔ́ ɛjɛ̀ hɔ̀n lɔ mɛ̀n nɔn. Tɛ́n b'Ɔwɔ-cice-wrɔn cüìcüì lɔ srɔ́n ɛwɔ̀ɛn-nyan ɛsù eci lɔ fɛn mɛ̀n hán bɔ́ hɔ́, tɛ́n nɛ̀n sɩ̀ hán ɛgbàn zriɛmɛ́n. 16Bɔ̀ sɔ̀nba Ɔwɔ gbú-tobù tɛ̀sɛ̀n esɛ́ mɛ̀n, ɛyri léyi nboafɔ̀n ndù nɔn. Nanvrɛn lɔ bɔ́ lɛ cɔ́ ɛgbàn-bɩ̀ce kɩ nanvrɛn zri lɔ bɔ́ lɛ cɔ́ nboafɔ̀n, ô bɔ̀ cɔ́ ɛkɔrɛ̀wá ɛnvra ankrankran mɛ̀n.
Alladian: Ɛmɛẅi ankà ankrànkràn © Alliance Biblique de Cote d'Ivoire, 2003.