Nnwẹr s'Osenga 7 的热门经文

分享

Ma wọ, Ọvaar Ubinọkpaabyi obeni Mosẹs bẹ́, “Kker e, amma khọ nsia bẹ́ ade masẹ Ubinọkpaabyi k'ititikha s'Phero, nnwakka Aarọn wọ m'ode usi-ẹyaakha kwọ.

Okhenka, amma m'nsi Phero ọbạr ettem. Chibhi s'm'nsi nkhọhkha saabhada, ọttạra ikkukkona-dik k'ọsaabh, ọttạra idik s'm'ipe anạng ifor k'Ijip, Phero khọ itọhng mọ́khọhmọ. Ma wọ m'nsi ijoradik k'Ijip, mbạra ntima ẹfa chaam nnạng aJip-nạng irem sididen, ntima ikhaana s'anạng paam p'ade Israẹl mbina k'Ijip.

Anạng p'Ijip m'asonga bẹ́ amma wọ nde Ọvaar Ubinọkpaabyi, k'okpe kw'm'nsi ijoradik k'Ijip, mbạra ntima anạng p'Israẹl mbina.”

Osenga ma, Phero oyeri adiksonga-nạng, ọttạra abọhnganạng p'Ijip, anạng mbọ p'n'asi nkkari o akwu atima ọtaanga kwabẹ, asi ukhira ngwọ gwạnọ. Ọnạng-ọnạng ọbhạrẹ uchikwura kwẹ, achikwura mbọ abạkhẹ ọjọhk. Okhenka, uchikwura kw'Aarọn umyi pabẹ phyibh.

Ọvaar Ubinọkpaabyi obeni bẹ́, maa wọ m'atima asonga bẹ́, ẹma wọ ode Ubinọkpaabyi: Amma m'ntima uchikwura nwa kw'ntim k'ọbọhk mvun maa ọraanga kw'Nile, awẹ m'ọbhạkẹ ode isisẹ.

“De Phero obeni bạnga bẹ́ abạnga asi ikkukkonadik, ben Aarọn ọtạkha uchikwura kwẹ ọbhạrẹ k'isisek, ma ititikha s'Phero, uchikwura nwọ m'ọbhạkhẹ ijọhk.” Ma wọ Mosẹs ọttạra Aarọn afon akhebha Phero, abẹ asi oche kw'Ọvaar Ubinọkpaabyi ọtọhnọ bẹ. Aarọn ọtạkha uchikwura kwẹ ọbhạrẹ k'isisek, ma ititikha s'Phero ọttạra ajukwa pẹ, uchikwura nwọ ọbhạkhẹ ijọhk.