أيث-روما 6 的热门经文

分享

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

أَقَا ڒْمُعْصِيّث وَار ثقِّيم شَا اَذ تحْكم خَاوم لِأَنَّا وَار ثدْجِيم شَا سْوَادَّاي ن وفُوْس ن شَّرِيعَا، أَقَاوم سْوَادَّاي ن اَرْضَا ن أَربِّـي.

فَلِهَذَا وَامِي نتْوَاطهَّار اَكِذس س وَامَان، يعْنِي نتْوَانْضڒ اَكِذس ذِي ڒْموْث. مَايمِّي؟ حمَا مَامّش د يكَّر لْمَسِيح زِي ڒْموْث س لْعَظَمَا ن أَربِّـي بَابَاثْنغ، أَمنِّي ؤُڒَا ذ نشِّين اَقَا أَ نْعِيش ذݣ يِجّن ن ثُوْذَارْث ذ جْذِيذ.

وَار تْقدَّامث ؤُڒَا ذ يجّن ن طَّارْف زِي دَّات نْوم إِ ڒْمُعْصِيّث اَذ تݣّ شَّرّْ س دَّات نْوم. قدّْمث يخف نْوم إِ أَربِّـي اَم يِوْذَان زَعْمَا إِي د يكَّرن زݣ يمتِّينن غَار ثُوْذَارْث. قدّْمث كُڒ طَّارْف زِي دَّات نْوم حمَا ٱزَّايس يتْوَاݣّ مِين يدْجَان نِيشَان.

نشِّين نسّن بلِّي نّفْس نّغ تُوْغَا ثدْجَا قْبڒ، نتَّاث يعْنِي تْوَاصلّب اَك لْمَسِيح حمَا ٱذ تْبطّڒ نّفْس نّغ يشُّوْرن س ڒْمُعْصِيَاث، بَاش وَار نتْغِيمِي شَا سَّا اَڒ ثْسَاونْت عَاذ ذ يسمْغَان ن ڒْمُعْصِيّث.

أَمُّو لَابُد اَذ تْحسّْبم كنِّيو يخف نْوم ثمُّوْثم-اَس إِ ڒْمُعْصِيّث، ثدَّرم-اَس إِ أَربِّـي س عِيْسَى لْمَسِيح.

إِيوَا، مِين غَا نِينِي؟ مَا أَ نْسِيغِي ذِي ڒْمُعْصِيَاث حمَا ٱذ يكْثَار اَرْضَا ن أَربِّـي؟ لَّا، عمَّارْص! نشِّين نمُّوْث-اَس إِ ڒْمُعْصِيّث، ئِخصَّا-يَانغ ڒخُّو وَار نتْسِيغِي شَا أَ نْعِيش ذَايس.

مَا وَار ثسِّينم شَا؟ مڒَا ثْسلّْمم يخف نْوم إِ شَان يِجّن ثْذوْڒم ذ يسمْغَان ثْطَاعَام-اَس، أَتَاف اَذ تْذوْڒم ذ يسمْغَان إِ ونِّي ؤُمِي ثْطَاعَام. إِمَّا اَذ تْطَاعم إِ ڒْمُعْصِيّث يتَاوِين غَار ڒْموْث، إِمَّا اَذ تْطَاعم إِ ونِّي إِي كنِّيو غَا يَاوِين غَار صُّلْح اَكِذس.

وَلَكِن أَ نحْمذ أَربِّـي! وَاخَّا ثْطَاعم إِ ڒْمُعْصِيّث قْبڒ، ڒخُّو ثْطَاعَام س وُوْڒَاون نْوم إِ ؤُسڒْمذ نِّي إِي كنِّيو يسِّيوْضن. ثهْنَام زِي ڒْمُعْصِيّث، ثْذوْڒم ذ يسمْغَان إِ مِين يدْجَان نِيشَان.