أيث-روما 14 的热门经文

分享

لِأَنَّا ڒْمُلْك ن أَربِّـي نتَّا وَار يدْجِي شَا س مَشَّا نِغ ذ ثِيسسِّي؛ نتَّا س ؤُمْصْڒَاح اَك أَربِّـي ذ ڒهْنَا ذ ڒفْرَاحث س اَرُّوْح يقدّْسن. ونِّي إِي غَا يخذْمن إِ لْمَسِيح اَمنِّي، أَقَا أَربِّـي يرطَّا خَاس يوْذَان تْشكَّرن-ث.

نشِّين مڒَا ندَّر، أَ ندَّر إِ سِيذِي أَربِّـي. مڒَا نمُّوْث، أَ نمّث إِ سِيذِي أَربِّـي. فَلِهَذَا، مڒَا ندَّر نِغ نمُّوْث نشِّين ن سِيذِي أَربِّـي.

إِذن فَا يتْخصَّا-يَانغ أُو لَابُد أَ نݣّ لْمجْهُوْد نّغ بَاش أَ نݣّ مِين يتَاوِين غَار ڒهْنَا ذ مِينْزِي غَا نْشجّع اَيَاوْيَا.

إِذن زِي سَّا اَڒ ثْسَاونْت يتْخصَّا-يَانغ أُو لَابُد وَار نتْعيِّيب شَا خ وَايَاوْيَا؛ لَّا، ئِتْخصَّا-كنِّيو اَذ تْفكَّرم مْلِيح حمَا وَار ثْغطّْڒم شَا يجّن وُوْمَاثْوم نِغ اَث تسْفشْڒم.

أَقَا يُوْرَا ذِي لْكِتَاب: <نش تْجَادْجِيغ س ثُوْذَارْث ينُو، ئِقَّار-يت سِيذِي أَربِّـي، أَقَا مَارَّا يوْذَان اَذَايِي سجّْذن خ يفَادّن نْسن، مْكُڒ يڒس اَذ يشْهذ نش ذ سِيذِي أَربِّـي.> فَلِهَذَا، مْكُڒ يجّن زَّايْنغ اَذ يتْوَاحَاسب زَّاث إِ أَربِّـي.

فَا ونِّي ؤُمِي يضْعف لإِيمَان نّس قبْڒم-ث جَارَاوم بْڒَا مَا اَكِذس ثْمنْغم خ لْأَفْكَار نّس.

شك مِين ثعْنِيذ بَاش اَذ تْعيّْبذ اَخدَّام ن مِيدّن؟ ئِنْجح نِغ وَار ينْجِيح، وَانِيتَا ذ شّْغڒ ن سِيذس. أُو ذ صَّح نتَّا اَذ ينْجح لِأَنَّا سِيذِي أَربِّـي يزمَّر اَث يسنْجح.